တီဗီရောဂါကြောင့် ကိုဗစ်ရောဂါမဖြစ်တဲ့ သရုပ်ဆောင်ကျော်စိုး

တီဗီရောဂါကြောင့် ကိုဗစ်ရောဂါမဖြစ်တဲ့ သရုပ်ဆောင်ကျော်စိုး
September 11, 2021 Asian Fame

တီဗီရောဂါကြောင့် ကိုဗစ်ရောဂါမဖြစ်တဲ့ သရုပ်ဆောင်ကျော်စိုး

ဇာတ်ပို့သရုပ်ဆောင် ကျော်စိုးက လတ်တလောမှာ ကျန်းမာရေးအခြေအနေက ကောင်းမွန်သွားပြီဖြစ်သော်လည်း တီဗီရောဂါကြောင့် အိပ်ရာထဲ လဲနေတဲ့အချိန်မှာ ကျော်စိုးသေပြီဆိုတဲ့ သတင်းမှားတွေ ထွက်ခဲ့တာနဲ့ပတ်သက်ပြီး သေရွာပြန်ကျော်စိုးလို့ မိတ်ဆွေ၊သူငယ်ချင်းတွေက ခေါ်ဖြစ်တဲ့အကြောင်းကို ကျော်စိုးက အခုလိုပဲပြောပြခဲ့ပါတယ်။

“ ကျွန်တော်က နေမကောင်းလို့ ဆေးရုံတက်တဲ့အချိန်မှာ ဆေးရုံကလည်း ဖုန်းတွေဘာတွေမကိုင်ရဘူး။ အဲ့အချိန်မှာဘဲ ဆေးရုံရောက်တော့ ဖုန်းအဆက်အသွယ်မရဘူး။ ဖုန်းအဆက်အသွယ်မရတော့ ဖြေရှင်းလို့လည်း မရတော့ဘူး။ကျွန်တော့်ကျန်းမာရေးကတော်တော်မကောင်းဖြစ်သွားတာ။ အဲ့အချိန်မှာဆေးရုံကနေ တခေါက်ပြန်ဆင်းတယ်။နောက်တစ်ခေါက်ထပ်ဖြစ်တယ်။အဲ့မှာကျွန်တော့်အဆုတ်ကပိုထိသွားတယ်။ဒါပေမယ့် အဲ့ဒိမှာတင် ကျွန်တော်က သေရွာပြန်ဖြစ်သွားတာပေါ့။ ဘယ်သူမှကျွန်တော့်ကို ဆက်သွယ်လို့မရတဲ့ အချိန်မှာ ကျွန်တော့်ကို သေပြီဆိုပြီးပဲ သတ်မှတ်ကြတယ်။ သူငယ်ချင်းတွေကလည်း ဖုန်းတွေဆက်ပြီး တကယ်သေတာလားဆိုပြီးမေးကြတယ်။အမှန်တော့ ကျွန်တော်က သူငယ်ချင်းတွေ၊ မိတ်ဆွေတွေနဲ့ အဆက်အသွယ်ပြတ်သွားခဲ့တာပါ။ အဲ့ဒီတာ့ သေရွာပြန်ကျော်စိုးဖြစ်သွားတောပေါ့။” လို့ပြောပါတယ်။

ကျန်းမာရေးမကောင်းလို့ အိပ်ရာထဲလဲနေတဲ့အချိန်မှာ ဝေဒနာကို တော်တော် ခံစားလိုက်ရတဲ့အကြောင်းကို ကျော်စိုးက “ အဲ့ဒီလိုမျိုးဖြစ်တဲ့အချိန်မှာ ကျွန်တော်တော်တော်ကြီးကို ရောဂါခံစားခဲ့ရတယ်။ သေမလိုကိုဖြစ်သွားတာ အိမ်ကလူတွေက ကျွန်တော့်ကို သေမယ်လို့တောင်ထင်ထားတာ။ ကံကောင်းတာက ဆေးရုံတင်နေတဲ့အချိန်မှာ ကိုယ့်ဘေးနားမှာ တဖြုတ်ဖြုတ် သေနေတဲ့အချိန်မှာ ကျွန်တော်ကကိုဗစ်ကြားထဲမှာ ကိုဗစ်မဖြစ်ဘဲ အဆုတ်တီဗီဖြစ်တဲ့သဘောမျိုးပြန်ဖြစ်သွားတာပါ။အဲ့တီဗီက ကိုဗစ်မ၀င်နိုင်ဘူးဖြစ်သွားတာ။” လို့ပြောပါတယ်။

Comments (0)

Leave a reply

Your email address will not be published. Required fields are marked *

*