မူဆယ်(၁၀၅)မိုင်တွင် ဆောက်ရွက်နေသည့် ကုတင် ၁၀၀၀ ကိုဗစ်ပိုးတွေ့လူနာ ကုသရေးစင်တာ ယခုလဝက်တွင် ရာနှုန်းပြည့် ပြီးစီးမည်

မူဆယ်(၁၀၅)မိုင်တွင် ဆောက်ရွက်နေသည့် ကုတင် ၁၀၀၀ ကိုဗစ်ပိုးတွေ့လူနာ ကုသရေးစင်တာ ယခုလဝက်တွင် ရာနှုန်းပြည့် ပြီးစီးမည်
September 8, 2021 Asian Fame

မူဆယ်(၁၀၅)မိုင်တွင် ဆောက်ရွက်နေသည့် ကုတင် ၁၀၀၀ ကိုဗစ်ပိုးတွေ့လူနာ ကုသရေးစင်တာ ယခုလဝက်တွင် ရာနှုန်းပြည့်ပြီးစီးမည်

နေပြည်တော် စက်တင်ဘာ ၇

 မူဆယ် (၁၀၅) မိုင်တွင် ဆောင်ရွက်လျက် ရှိသည့် ကုတင် ၁၀၀၀ ဆံ့ ကိုဗစ်ပိုးတွေ့လူနာများ ထားရှိကုသမည့် ကုသရေးစင်တာ မှု ယခု စက်တင်ဘာလ လဝက်ခန့်တွင် ရာနှုန်းပြည်ပြီးစီးမည်ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။

 အဆိုပါ ပိုးတွေ့လူနာကုသရေးစင်တာမှာ မြန်မာ-တရုတ် ကုန်သွယ်ရေးကဏ္ဍ ပြန်လညိဆောင်ရွက်ရာတွင် ကိုဗစ်-၁၉ ရောဂါများ စစ်ဆေးပြီး ရောဂါကင်းစင်သူများကိုသာ တစ်ဖက်နိုင်ငံသို့ ဝင်ရောက်နိုင်ရန်အတွက် ဆောင်ရွက်ခြင်းဖြစ်ပြီး ရောဂါပိုးတွေ့ရှိသူများကို ၎င်း စင်တာတွင် ထားရှိကာ တရုနိုင်ငံမှ ကုသမည့် ဆေးပညာရှင်များဖြင့် ပူးပေါင်း ဆောင်ရွက်ကာ ကုသပေးနိုင်ရေး၊ ဆေးဝါးနှင့် ဆေးဝါးပစ္စည်း များ ကူညီထောက်ပံ့ပေးနိုငိရေးတို့ကို ညှိနှိုင်း ဆောင်ရွက်ထားခြင်းဖြစ်ကြောင်း၊ လက်ရှိတွင် အဆိုပါ ကုတင် ၁၀၀၀ ဆံ့ ပိုးတွေ့လူနာထားရှိကုသရေး စင်တာဆောက်ရွက်မှု မကြာမီ ပြီးစီမည်ဖြစ်သော်လည်း ကုသရေး ဆရာဝန်များ၊ သူနာပြုများလိုအပ်လျက် ရှိနေသေးကြောင်း သိရသည်။

 “ ဒီကိုဗစ်စင်တာက ဒီလ ၁၅ ရက်နေ့လောက်ဆိုအားလုံးပြီးပြီ။ လိုအပ်တဲ့ ကုတင်တွေ၊ စောင်တွေ၊ ခေါင်းအုံးတွေ စတာတွေအားလုံး ကတော့ ပြည့်စုံနေပြီ။ ဆေးကုသဖို့ စက်ပစ္စည်းတွေကတော့ လိုသေးတယ်။ ဆေးဝါးတွေကတော့ ရောက်နေတာတွေရောက်နေပါပြီ။ တရုတ်နိုင်ငံဘက်ကို အကူအညီတောင်းထားပါတယ်။ ဆရာဝန်အကူညီတောင်းထားတာကတော့ သူတို့ဘက်ကလဲ ခုထိမပေးနိုင်သေးဘူး။ ကျွန်တော်တို့ ဘက်ကမှာကလဲ သိတဲ့အတိုင်းပဲ ကျန်းမာရေးဝန်းထမ်းတွေ၊ ဆရာဝန်၊ သူနာပြုတွေကအခက်အခဲတွေရှိနေတော့ ကျန်းမာရေး ဝန်ကြီးဌာနကို တင်ပြတောင်းခံထားတာလဲ အခုထိတော့ မရသေးဘူး။ ပြည်နယ်အစိုးရကိုလဲ တောင်းခံထားတယ်။ ကျွမ်းကျင်တဲ့ ဆရာဝန်တစ်ယောက်ရရင်ကိုအဆင်ပြေပါတယ်။ ကျန်တာကတော့ ဘော်လန်တီယာတွေကို ခေါ်ရမှာပေါ့။ အဆောက်အဦ ဆောင်ရွက်တာ ကတော့ ရာနှုန်းပြည့်ပြီးတော့မယ်။ အခုထိတော့ ဆရာဝန်၊သူနာပြု မရသေးဘူး။ တစ်နည်းမဟုတ်တစ်နည်းနဲ့ ရအောင် တော့ စီစဉ်ဆောင်ရွက်နေပါတယ်။ ဒီလကုန်ပိုင်းမှာတော့ လုပ်ငန်းအချို့ဆောင်ရွက်နိုင်မယ်လို့ မှန်းထားပါတယ်” ဟုစီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ တာဝန်ရှိသူတစ်ဦးကပြောသည်။

 စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန အနေဖြင့် လက်ရှိပြည်ပမှသွင်းကုန်များသာ ခွင့်ပြုနေရသည့်အတွက် နိုင်ငံခြားငွေ ကုန်ကျမှု များနေသည့်အတွက် နိုင်ငံခြားဝင်ငွေ ပြန်လည်ရရှိရေးအတွက် ပြည်တွင်းပို့ကုန်များကို အမြန်ဆုံးပြန်လည် တင်ပို့နိုင်ရေး ကိုလည်း နှစ်နိုင်ငံညှိနှိုင်း ဆောင်ရွက်လျက်ရှိကြောင်း၊ လက်ရှိ ကိုဗစ်စင်တာအတွက်လည်း တရုတ်နိုင်ငံမှ ဓာတ်ခွဲစစ်ဆေးသည့် စက်ကို အကူညီ တောင်းခံထားပြီး တရုတ်နိုင်ငံဘက်မှလည်း ကူညီပေးမည်ဟု သဘောတူထားကြောင်း၊ သို့သော်လည်း ဓာတ်ခွဲကျွမ်းကျင်သူ လိုအပ်ချက်လည်းရှိနေသေးကြောင်း သိရသည်။

Comments (0)

Leave a reply

Your email address will not be published. Required fields are marked *

*