YCDC ဝန်ထမ်းအိမ်ရာ နှင့်ရပ်ကွက်အချို့၌ ရွေ့လျားဈေးကားဖြင့် သက်သာစွာ ရောင်းချပေးနေ

YCDC ဝန်ထမ်းအိမ်ရာ နှင့်ရပ်ကွက်အချို့၌ ရွေ့လျားဈေးကားဖြင့် သက်သာစွာ ရောင်းချပေးနေ
August 23, 2021 Asian Fame
ရန်ကုန်၊ဩဂုတ် ၂၂
မင်္ဂလာတောင်ညွန့်မြို့နယ်၊ မအူကုန်းစည်ပင်အိမ်ရာဝင်းတွင် ရွေ့လျားဈေးကား(Mobile Market)စနစ်ဖြင့် ရန်ကုန်မြို့တော်စည်ပင် သာယာရေးကော်မတီ၊ သန့်ရှင်းရေးဌာနမှ ကုန်စိမ်းများ၊ မီးဖိုချောင်သုံး ကုန်ခြောက်မျိုးစုံ၊ တိရစ္ဆာန်ဆေးကုနှင့် ထုတ်လုပ်ရေးဌာန လိုင်စင်စီ များမှ အသားမျိုးစုံနှင့် ဈေးများနှင့် ကုန်စည်ပွဲရုံများဌာနမှ ငါး/ပုဇွန်အမျိုးမျိုးတို့အား ဝန်ထမ်းမိသားစုများကို ဈေးနှုန်းသက်သာစွာ စားသုံးနိုင်စေရန် ရောင်းချပေးလျှက်ရှိသည်။
ယနေ့ ရွေ့လျားဈေးကား(Mobile Market)စနစ်ဖြင့် ရောင်းချသော စားသောက်ကုန်များမှာ ကြက်သား ၁ ကောင် ကျပ် ၅,၀၀၀ နှုန်း၊ ဝက်သား ၁ ပိဿာ ကျပ် ၁၀,၀၀၀ နှုန်း၊ ဝက်နံရိုး ၁ ပိဿာ ၁၀,၀၀၀ နှုန်း၊ အမဲသား ၁ ပိဿာ ကျပ် ၁၂,၀၀၀ နှုန်း၊ ဆိတ်သား ၁ ပိဿာ ကျပ် ၁၇,၀၀၀ နှုန်း၊ ကြက်ဥ ၁ လုံး ကျပ် ၁၂၀-၁၂၅ နှုန်း၊ ဟင်းသီးဟင်းရွက်မျိုးစုံနှင့် မီးဖိုချောင်သုံးကုန်ခြောက်မျိုးစုံတို့ကို့ ဝန်ထမ်းမိသားစုများ ဈေးနှုန်း သက်သာစွာဖြင့် ဝယ်ယူရရှိနိုင်အောင် ရောင်းချပေးခဲ့သည်။
“ဝန်ထမ်းအိမ်ရာတွေကိုဩဂုတ် ၁၈ ရက်နေ့ကစပြီးရောင်းတယ်။နက်ဖြန်နားမယ်။ ၂၄ရက်‌ နေ့ ပြန်ရောင်းမယ်။
တချို့ ရပ်ကွက်တွေမှာလည်း တိ/ကုဌာနလိုင်စင်စီတွေက ကြက်၊ဝက်၊အမဲ၊ဆိတ် သားတို့ကို ၁၉ ရက်နေ့ ကစပြီးရောင်းတယ်၊ ဒီနေ့‌တော့ နားတယ်”ဟု စည်ပင်မှ တာဝန်ရှိသူတဦးက ပြောကြားပါတယ်။
ရောင်းချရာနေရာများတွင် ကျန်းမာရေးဝန်ကြီးဌာနမှ ထုတ်ပြန်ထားသော ကိုဗစ်-၁၉ ရောဂါ ထိန်းချုပ်ရေး ညွှန်ကြားချက်များအား လိုက်နာဆောင်ရွက်နိုင်ရန်လည်း တာဝန်ရှိသူများက လိုက်လံကြည့်ရှုကြပ်မတ်စစ်ဆေးလျှက်ရှိသည်။

Comments (0)

Leave a reply

Your email address will not be published. Required fields are marked *

*