ခင်ပွန်းသည်ကို ဆုံးရှုံလိုက်ရတဲ့ နန်းမြတ်ဖြိုးသင်းရဲ့ ခံစားချက်

ခင်ပွန်းသည်ကို ဆုံးရှုံလိုက်ရတဲ့ နန်းမြတ်ဖြိုးသင်းရဲ့ ခံစားချက်
August 23, 2021 Popular
သရုပ်ဆောင် နန်းမြတ်ဖြိုးသင်း ရဲ့ ခင်ပွန်းဖြစ်သူ ကိုတာတာမျိုးဟာ သြဂုတ်လ ၂၁ရက်နေ့တွင် ကိုဗစ်ရောဂါဖြင့် ကွယ်လွန်သွားခဲ့ပါတယ်။ ခင်ပွန်းသည်ကို ဆုံးရှုံလိုက်ရတဲ့ ဇနီးတယောက်ရဲ့ ခံစားချက်ကို နန်းမြတ်ဖြိုးသင်းက သူမရဲ့ဖေ့စ်ဘုတ် စာမျက်နှာမှာ အခုလိုပဲရေးသား ထားပါတယ်။
“ကျမရဲ့ဆုံးရှူံးမှုကလျှင်မြန်ကြီးမားလွန်းလို့ပြောစရာစကားလုံးရှာမရအောင်ပါပဲ။
ခုချိန်မှာလဲရင်ထဲမှာဘယ်လိုခံစားနေရမယ် ဘယ်လောက်လွမ်းနေမယ်ဆိုတာ ကြုံဖူးသူမှလွဲ ဘယ်သူမှကိုယ်ချင်းစာနိုင်မှာမဟုတ်ပါဘူး။
လူဆိုတာမွေးလာရင် သေချာတာကသေဖို့ပါပဲ။
ကျန်ခဲ့တဲ့သူကတော့အကောင်းဆုံးရှင်သန်ရမှာပါ။
သူ့အတွက်ပါပေါင်းပီး၂ဆ ကျမအကောင်းဆုံးရှင်သန်မှာပါ။
သူထားခဲ့တဲ့သူ့ကိုယ်ပွါး​လေးတွေရဲ့လက်ကိုမြဲမြဲတွဲပီးကျမအကောင်းဆုံးရှင်သန်ပါမယ်။
ကျမကိုအရမ်းချစ်တဲ့ သူမရှိတော့လို့ကျမပိုပင်ပန်းမှာပါ။
ဒါပေမယ့်ဒါတွေဟာ လောကဓံပါ။
သံသရာကမလွတ်မြောက်နိုင်သေးသ၍ လောကဓံကနှိပ်စက်တဲ့ဒဏ်ကိုခံနေကြရမှာပါပဲ။
ကျမအတွက်သူထားခဲ့တဲ့၄နှစ်တာgood memoriesတွေကအဖိုးမဖြတ်နိုင်အောင်ပါပဲ။
ပြန်စဉ်းစားကြည့်တော့ရန်ဖြစ်ရတာလဲမရှိ စိတ်ဆင်းရဲရတာလဲမရှိခဲ့တဲ့၄နှစ်တာကာလကိုပိုတန်ဖိုးထားမိပါတယ်။
သူနေမကောင်းချိန် သူ့ရဲ့နောက်ဆုံးချိန်မှာလဲ သားစွဲမယားစွဲ မဖြစ်အောင် သံသရာအတွက်ကောင်းအောင် ကျမတည်တည်ငြိမ်ငြိမ် နဲ့ ရာနှုန်းပြည့် လုပ်ပေးလိုက်နိုင်တယ်။
သူလဲငြင်ငြင်သာသာ ပျော့ပျော့ပျောင်းပျောင်းနဲ့အသက်ထွက်သွားနိုင်ခဲ့တယ်။
သူကစိတ်ထားကောင်းသူ အကုသိုလ်စိတ်နဲသူ ကူညီတတ်သူမို့ သုခဘုံကိုရောက်မယ်လို့ ကျမအပြည့်အဝယုံကြည်တယ်။
ရှည်လွန်းလှတဲ့သံသရာမှာဘဝကူးကောင်းဖို့ကလဲအရေးကြီးပါတယ်။
ဘာတွေပဲတွေ့ကြုံရပါစေ ကျမသူ့အတွက်ပါပေါင်းပီးအကောင်းဆုံးကြိုးစားရှင်သန်ပါမယ်။
သတိရတယ် လွမ်းတယ်ဆိုတာထက်ပိုပါတယ်ယောက်ျားရေ
ရက်စွဲလေးကလှသလောက်
21.8.21″ ဆိုပြီးရေးသားထားပါတယ်။

Comments (0)

Leave a reply

Your email address will not be published. Required fields are marked *

*