လာအိုနိုင်ငံမှ (၇)ကြိမ်မြောက် မြန်မာရွှေပြောင်း အလုပ်သမားများ (၃၄၈)ဦးအား ယနေ့ လွှဲပြောင်းလာ

လာအိုနိုင်ငံမှ (၇)ကြိမ်မြောက် မြန်မာရွှေပြောင်း အလုပ်သမားများ (၃၄၈)ဦးအား ယနေ့ လွှဲပြောင်းလာ
August 19, 2021 Asian Fame

တာချီလိတ်၊ဩဂုတ်၁၉

လာအိုနိုင်ငံမှ (၇)ကြိမ်မြောက် မြန်မာရွှေပြောင်း အလုပ်သမားများ (၃၄၈)ဦးအား ယနေ့လွှဲပြောင်းလာ၍ မြန်မာဘက်က လက်ခံဆောင် ရွက်ပေးခဲ့ကြောင်း တာချီလိတ်ခရိုင် ထွေ/အုပ်ရုံးကပြောသည်။

လာအိုနိုင်ငံ၊ ဘိုကျောက်ပြည်နယ်၊ ရွှေတြိဂံ အထူးစီးပွားရေးဇုံတွင် အလုပ်သွားရောက် လုပ်ကိုင်ပြီး ယခုအခါ နေရပ်သို့ ပြန်လိုသော မြန်မာနိုင်ငံသား ရွှေ့ပြောင်းအလုပ်သမား ကျား (၂၁၈)၊ မ(၁၃၀)၊ ပေါင်း (၃၄၈)ဦးတို့အား လာအိုနိုင်ငံ တာဝန်ရှိသူများမှ လာအိုနိုင်ငံ မိုင်းမော့ ဆိပ်ကမ်းမှ တစ်ဆင့် တာချီလိတ်မြို့၊ မိုင်းဖုန်း(က)ကျေးရွာ အုပ်စု ၊ ဝမ်ပုံဆိပ်ကမ်းသို့ လွှဲပြောင်းလာခြင်းဖြစ်သည်ဟု သိရသည်။

ကိုဗစ်-၁၉ ရောဂါရှိ/မရှိ စစ်ဆေးဆောင်ရွက်ခဲ့ရာ ကျား(၇)ဦးနှင့် မ(၁၀)ဦး၊ပေါင်း(၁၇)တို့တွင် ကိုဗစ်-၁၉ ရောဂါပိုးစစ်ဆေးတွေ့ရှိခဲ့သဖြင့် ၎င်းတိုအား ဝမ်လုံး Positive Centerသို့ ပို့ဆောင်၍ ကျန်းမာရေးစောင့်ရှောက်ပေးလျက် ရှိကြောင်းနှင့် ကိုဗစ်-၁၉ရောဂါ မရှိသူများထဲမှ ရှမ်း(ရှေ့)နေ ကျား(၅)ဦး၊ မ(၁)ဦး ၊ပေါင်း(၆)ဦးနှင့် Positive လူနာမိသားစုဝင် ကျား(၁)တို့အား ဝမ်လုံး Quarantine Centerတွင် ထားရှိဆောင်ရွက်ထားပြီး ကျန် ကျား(၂၀၅)ဦး၊ မ(၁၁၉)ဦး၊ ပေါင်း(၃၂၄)ဦး တို့အား ၎င်းတို့နေထိုင်ရာ တိုင်းဒေသကြီး/ပြည်နယ်အသီးသီးသို့ မော်တော်ယာဉ်ဖြင့် ပို့ဆောင်စေလွှတ်ခဲ့သည်ဟု တာချီလိတ်ခရိုင် ထွေ/အုပ်ရုံးကပြောသည်။

Comments (0)

Leave a reply

Your email address will not be published. Required fields are marked *

*