ယာယီခရီးသွား လက်မှတ်(စီအိုင်) ကိုင်ဆောင်သည့် မြန်မာများ ကွာလာလမ်ပူ အပြည်ပြည်ဆိုင်ရာလေဆိပ် (KLIA)တွင် ဒါဏ်ငွေပေးဆောင်၍ ပြန်ခွင့်ရမည်ဟု မြန်မာသံရုံး အသိပေးချက် ထုတ်ပြန်

ယာယီခရီးသွား လက်မှတ်(စီအိုင်) ကိုင်ဆောင်သည့် မြန်မာများ ကွာလာလမ်ပူ အပြည်ပြည်ဆိုင်ရာလေဆိပ် (KLIA)တွင် ဒါဏ်ငွေပေးဆောင်၍ ပြန်ခွင့်ရမည်ဟု မြန်မာသံရုံး အသိပေးချက် ထုတ်ပြန်
July 8, 2021 Asian Fame

ကွာလာလမ်ပူမြို့၊ဇူလိုင် ၈

ယာယီခရီးသွားလက်မှတ်(စီအိုင်)ကိုင်ဆောင်သူများ ကွာလာလမ်ပူ အပြည်ပြည်ဆိုင်ရာလေဆိပ် (KLIA)တွင် ဒါဏ်ငွေပေးဆောင်၍ ပြန်ခွင့်ရမည်ဟု ကွာလာလမ်ပူမြို့အခြေစိုက်မြန်မာသံရုံးက ယနေ့ညတွင် အသိပေးချက်ထုတ်ပြန်သည်။

မလေးရှားနိုင်ငံ လူဝင်မှုကြီးကြပ်ရေးဌာန (လဝက)က Malaysia Airports Holdings Berhad (MAHB) နှင့်ပူးပေါင်း၍ ကွာလာလမ်ပူအပြည်ပြည် ဆိုင်ရာလေဆိပ် (KLIA) တွင် မလေးရှားနိုင်ငံသို့ တရားမ၀င်ဝင်ရောက်လာသူ များသက်ဆိုင်ရာနိုင်ငံမျာသို့ ပြန်လည်ထွက်ခွာနိုင်ရေး အတွက် အထူးကောင်တာများ ဖွင့်လှစ်၍ ဆောင်ရွက်ပေးမည် ဆိုသောကြေညာချက်အား ကိုးကားပြီး မြန်မာသံရုံးဘက်ကထုတ်ပြန်ကြေညာ ခဲ့ခြင်းဖြစ်သည်ဟုသိရသည်။

လူ၀င်မှုကြီးကြပ်ရေးဌာန ညွှန်ကြားရေးမှူးချုပ် Datuk Khairul Dzaimee Daud က သက်ဆိုင်ရာနိုင်ငံသို့ ပြန်လည်ထွက်ခွာနိုင်ရေးအတွက် ယာယီခရီးသွားလာရေး လက်မှတ်( စီအိုင်)နှင့် အထောက်အကူပြု စာရွက်စာတမ်းများကို စစ်ဆေးနိုင်ရန်အတွက် အထူးကောင်တာဖွင့်လှစ်၍ ဆောင်ရွက်ခြင်းဖြစ်ကြောင်း၊အကြောင်းကြောင်းကြောင့် တရားမဝင်နေထိုင်သူများဖြစ်သွားသည့် မြန်မာနိုင်ငံသားများအနေဖြင့် နိုင်ငံကူးလက်မှတ်၊ ယာယီခရီးသွားလက်မှတ် (စီအိုင်)၊ လေယာဉ်လက်မှတ်များနှင့်အတူ လေဆိပ်၌ ဒဏ်ကြေးငွေ မလေးရှားရင်းဂစ် ၅၀၀ ပေးဆောင်၍ ပြန်ရောက်နိုင်မည်ဖြစ်ကြောင်း၊ ဒဏ်ကြေးကို Debit Card၊ Credit Card သို့မဟုတ် Touch’nGo ၊ eWallet များဖြင့် ပေးချေရမည်ဖြစ်ကြောင်း သံရုံးဘက်က ဖော်ပြသည်။

သံရုံးအနေဖြင့် ယာယီခရီးသွားလက်မှတ်များ ထုတ်ပေးနိုင်ရေးအတွက် သံရုံးပြန်လည် ဖွင့်လှစ်နိုင်မည့် ရက်အား ဆောလျင်စွာ ထုတ်ပြန်ကြေညာ သွားမည်ဟုလည်း ကွာလာလမ်ပူမြို့ အခြေစိုက်မြန်မာသံရုံးက ယနေ့၂၀၂၁ ခုနှစ်၊ ဇူလိုင်လ ၈ ရက်စွဲဖြင့်ကြေညာထားသည်။

Comments (0)

Leave a reply

Your email address will not be published. Required fields are marked *

*