ကျွန်တော်ရေးခဲ့သောစာအုပ်များ(၂၈)

ကျွန်တော်ရေးခဲ့သောစာအုပ်များ(၂၈)
April 11, 2019 Asian Fame
ကျွန်တော်ရေးခဲ့သောစာအုပ်များ(၂၈)

ကျွန်တော်ရေးခဲ့သော စာအုပ် များတွင် အခြားစာအုပ်များနှင့် သဘာဝချင်း မတူသော စာအုပ် ၂ အုပ်ပါဝင်သည်ကို သတိပြုမိပါသည်။ ခဝါလှေမွန်စာအုပ်တိုက်က ထုတ်ဝေ သော ကလေးတို့ ဖတ်စရာ ပျော်စရာ ဝတ္တုနဲ့ကဗျာစာအုပ်နှင့် ဝတ်ရည်နှင်း စာအုပ်တိုက်က ထုတ်ဝေသော လေ လှိုင်းထဲက မြန်မာစကား မြန်မာစာ စာအုပ်ဖြစ်သည်။

ပထမစာအုပ်အကြောင်း စဉ်း စားလိုက်တော့ ကလေးများအတွက် ရည်ရွယ်ပြီး ဝတ္တုတိုကလေးများကို ဘာသာပြန်သည့် အလုပ်နှင့် ကလေး ကဗျာများအကြောင်း ပြောပြသည့် အလုပ်ကို ကျွန်တော်အနည်းအကျဉ်း လုပ်ခဲ့ဖူးကြောင်း ပြန်သတိရပါသည်။

၂ဝဝဝ ပြည့်နှစ်ဝန်းကျင်က အမေရိကန်နိုင်ငံက ထုတ်သော စာ စဉ်တစ်ခုပေါ်ထွက်ခဲ့ပါသည်။ စာစဉ် နာမည်မှာ Chicken Soup Series ဖြစ်သည်။ ‘ကြက်စွပ်ပြုတ်စာစဉ်’ဟု ခေါ်ရမည်ထင်သည်။ အဖုံးအဖြူ ရောင်ကလေးများဖြင့် ထွက်လာ သော ထိုစာစဉ်များမှာ အမျိုးမျိုးရှိ သည်။ ‘ကလေးများအတွက်’၊ ‘အိမ် ရှင်မများအတွက်’ ‘သက်ကြီးရွယ်အို များအတွက်’ စသည်ဖြင့် ခွဲခြားထား သည်။ စာအုပ်တွေက ဈေးလည်း ကြီးသည်။ ကျွန်တော် ဂျပန်သို့ တာ ဝန်ဖြင့် ရောက်နေစဉ် ထိုစာစဉ်က လေးများကို ဝယ်ဖတ်ပြီး သဘောကျ သွားသည်။ ပါဝင်ရေးသားသူများမှာ ထင်ရှားသော စာရေးဆရာများ မဟုတ်ပါ။ ကျောင်းသားများရော လုပ်ငန်းခွင်မှာ အလုပ်လုပ်နေသူများ ရောပါဝင်ရေးသားကြသည်။ စာက လေးတွေက သိပ်မရှည်ပါ။ ခပ်တိုတို တွေများသည်။ သေချာသည်ကတော့ ထိုစာလေး တစ်ပုဒ်ဖတ်ပြီးတိုင်း ရင် ထဲမှာ ကြက်စွပ်ပြုတ်သောက်လိုက် သလို အရသာ တစ်ခုခု ကျန်ခဲ့ခြင်း ဖြစ်သည်။ ထို့ကြောင့် ကြက်စွပ်ပြုတ် စာစဉ်ဟု နာမည်ပေးခြင်းဖြစ်မည်ဟု တွေးမိသည်။

နောက်ပိုင်းတွင် ထိုစာကလေး များကို ဆရာဖေမြင့်က ‘နှလုံးသား အာဟာရရသစာများ’ခေါင်းစဉ်ဖြင့် မြန်မာဘာသာပြန်သောအခါ စာ ဖတ်ပရိသတ်ထဲသို့ ကျယ်ကျယ်ပြန့် ပြန့်ရောက်သွားပါသည်။ အခြား ဆရာများလည်း ဘာသာပြန်ကြ သည်။ ကျွန်တော်လည်း ‘ပလုတ် တုတ်ဂျာနယ်’နှင့် ‘မိုးဂျာနယ်’တို့မှာ ဝတ္တုတိုအချို့ကို ဘာသာပြန်ခဲ့ပါ သည်။ ဝတ္တုတိုကလေးတွေက စိတ် ဝင်စားစရာကောင်းသည်။ ကလေး များ ပျော်ပျော်ရွှင်ရွှင်ဖတ်ရင်း အသိ တစ်ခုကို သိမ်သိမ်မွေ့မွေ့ပေးသည်။ ‘အဖြူလား အမည်းလား’ဆိုသော ဝတ္တုတွင် မလျှော့တမ်း ငြင်းခုံနေ သော မူလတန်းကျောင်းသားကောင် လေးနှင့် ကျောင်းသူကောင်မလေးကို ဆရာမက အတန်းရှေ့ခေါ်ထုတ်ပြီး စားပွဲတစ်ဖက်တစ်ချက်မှာ လုပ်ခိုင်း သည်။ စားပွဲအလယ်မှာ အလုံးကြီး တစ်လုံးတင်ထားသည်။ ‘ဘာရောင် လဲ’ဟု ကောင်လေးကို မေးတော့ ကောင်ကလေးက ‘အဖြူရောင်ပါ’ဟု ပြောသည်။ကောင်မလေးက အမည်း ရောင်သာမြင့်သည့်အတွက် ကောင် လေးနှင့် ငြင်းခုံကြပြန်သည်။ ဆရာမ က ၂ ယောက်နေရာ ပြောင်းခိုင်းပြီး မေးပြန်သည်။ ထိုအခါကျမှ သူတို့ သဘောပေါက်သွားသည်။ အလုံးကြီး က အဖြူတစ်ခြမ်း အမည်းတစ်ခြမ်း မို့ ကောင်မလေးဘက်က အဖြူရောင် မြင်သည်။ ကောင်လေးဘက်က အမည်းရောင်ဖြစ်သွားသည်။ ဝတ္တု ကလေး၏ နိဂုံးတွင် ‘ကျွန်မ ဆရာမ က ကျွန်မကို အဲဒီနေ့က ကောင်း ကောင်းကြီး သင်ခန်းစာပေးလိုက်ပါ တယ်။ တစ်ဖက်လူတွေရဲ့ အမြင်ကို မှန်မှန်ကန်ကန်နားလည်ဖို့အတွက် သူတို့နေရာက ရပ်ပြီး အခြေအနေ ကို သူတို့ခုမြင်ရသလို ရှုမြင်ရမယ်ဆို တာပါပဲ’ဟု ကောင်မလေးက ပြော ပြပုံဖြင့် အဆုံးသတ်ထားသည်။

အလားတူပင် ကလေးတွေ ပျော်ပျော်ရွှင်ရွှင်ဖတ်ရင်း ‘အသိ’ ရော ‘အလိမ္မာ’ပါ တိုးစရာ ရေးဖွဲ့ ထားသော ဝတ္တုတိုအများအပြားပါ သည်။ ဘောလုံးအသင်းထဲက လက် တစ်ဖက်တံတောင်ဆစ်က စပြီး ပြတ် နေသော ‘ဘင်’ဆိုသည့် ကလေး သည်လည်း အများနည်းတူ ဘော လုံးအသင်းသား တစ်ဦးပင်ဖြစ် ကြောင်း၊ လူမည်းမိန်းကလေးတစ် ယောက်၏ မွေးနေ့ပွဲကို လူဖြူသူ ငယ်ခင်းတွေ မလာသည့်အတွက် လူ မည်းမလေး ဝမ်းနည်းနေစဉ် စာနာ တတ်သော သူငယ်ချင်း လူဖြူကလေး က သူနှင့်အတူ မွေးနေ့ပွဲကို အစ အဆုံး ဆင်နွှဲပြီး အတူတူကစားကြ သည့်အကြောင်း၊ ‘မွေးစားသား’ဟူ၍ အချင်းချင်းလှောင်ပြောင်ခံရသော မွေးစားသားကို၊ သားအရင်းကောင် လေးက ‘မွေးစားတယ်ဆိုတာ ဂရု မစိုက်လို့ မွေးစားတာမှ မဟုတ်ဘဲ သိပ်ချစ်လို့ မွေးစားတာပါ’ဟု ပြော ပြီး နှစ်သိမ့်ပေးသည့် အကြောင်း စသည့်အကြောင်းများကို ဖွဲ့ထား သော ဝတ္တုတိုကလေးများ ဖြစ်ပါ သည်။ တစ်ပုဒ်ဖတ်ပြီးလျှင် ကြက် စွပ်ပြုတ်တစ်ဇွန်း သောက်လိုက်ရ သလို စိတ်ထဲမှာ အရသာရှိသွားသော ‘နှလုံးသားအာဟာရ’ကလေးများ ဖြစ် ပါသည်။

ပလုတ်တုတ်ဂျာနယ်ထဲမှာ ကလေးကဗျာကလေးများကို ကလေး များနှင့် မိတ်ဆက်ပေးသည့် ပုံစံဖြင့် လည်း ဆောင်းပါးများ ရေးခဲ့ရာ ထို ဆောင်းပါးများကိုလည်း ထည့်သွင်း ဖော်ပြပါသည်။ ‘ကလေးတို့ရေ’ဟု ရည်ညွှန်းခေါ်လိုက်ပြီး ကလေးကဗျာ များ အကြောင်းပြောပြဟန်ရေးသား ထားပါသည်။ ရှေးကဗျာများဖြစ်သော ‘တောင်တောရယ်သာ’၊ ‘ဖိုးတောင်သူ တဲ’ကဗျာများကစ၍ ဆရာကြီးမင်း သုဝဏ်၏ ‘က – ကန်စွမ်းပင်ရေမှာ ရွှင်၊ ခ – ခရမ်းသီး ဓားနဲ့လှီး’ အစချီ သည့် သင်ပုန်းကြီးကဗျာ၊ ‘ကြက်တူ ရွေး’ကဗျာ၊ ‘ကြောင်ကလေးနှင့်ကြွက် ကလေးကဗျာ’၊ ‘ရွှေဥသြ’၊ ‘ပိုးစုန်း ကြူး’၊ ‘တောက်တဲ့’ စသည့် ကဗျာ များကို မိတ်ဆက်ပေးပါသည်။ မြန် မာနိုင်ငံ ပညာရေးသုတေသနအဖွဲ့ က ထုတ်ဝေသော ‘ပြည်ထောင်စု တေးကဗျာ’၊ ‘ဂုဏ်ဝင့်’၏ တိရစ္ဆာန် ဥယျာဉ်ကဗျာများ၊ ဒေါက်တာမောင် ဖြူး၏ ‘ဖိုးသာထူး’ကဗျာ၊ နုယဉ်၏ ထပ်တစ်ရာကလေးကဗျာ၊ တင်မိုး၏ မနီလာလေးကဗျာစသည့် ကဗျာများ အကြောင်းကိုလည်း မိတ်ဆက်ပေးခဲ့ ပါသည်။ ကလေးများ ကဗျာရွတ်ဖတ် ရင်း ကဗျာထဲက စိတ်ဝင်စားစရာ အကြောင်းများကို သတိပြုမိစေရန် ရည်ရွယ်ပါသည်။ ထိုစာများကို စု စည်း၍ ထုတ်ခြင်းဖြစ်သည်။

နောက်တစ်အုပ်က အသံလွှင့် ဟောပြောချက်များကို စုစည်းထား သော စာအုပ်ဖြစ်သည်။ ၂ဝ၁ဝ ဝန်း ကျင်ကာလက မြန်မာ့အသံညွှန်ကြား ရေးမှူး ဦးကိုကိုထွေး၏ ဖိတ်ခေါ်မှု အရ ပြည်လမ်း၊ မြန်မာ့အသံတွင် ‘သိ မှတ်စရာ မြန်မာစကား မြန်မာစာ’ ခေါင်းစဉ်ဖြင့် တစ်ပတ်လျှင် တစ် ကြိမ် ပုံမှန်အသံလွှင့်ခဲ့သော စာမူ များကို စုစည်းထားသော စာအုပ်ဖြစ် သည်။ မြန်မာ့အသံ နေပြည်တော် တပ်ကုန်းသို့ ပြောင်းရွှေ့သွားသော အခါကျမှ အစီအစဉ်ကို ရပ်နားလိုက် ရသည်။ အသံလွှင့်စာမူ ၄ဝ ကျော် ကို စုစည်းထုတ်ဝေခြင်းဖြစ်သည်။ ‘ပုဂံခေတ် ဗုဒ္ဓဝင်စာပေ’၊ ‘ရှေးဦး မြန်မာစစ်သီချင်း’၊ ‘ဇာတကနှင့်ရာမ’၊ ‘ပညာပန်းရှစ်ပွင့်’၊ ‘ရာဇာဓိရာဇ် အရေးတော်ပုံ’ မှ သူရဲကောင်းအဖွဲ့ များ၊ ‘အိုင်ချင်းကဗျာများမှ မိန်းမပျို ကလေးများ၏ ရင်ဖွင့်သံ’၊ ‘လယ်တီ ဆရာတော်နှင့် မြန်မာပြော’၊ ‘ပဉ္စရူပံ ဦးခင်စာပေ’၊ ‘ခုနစ်လုံးဘွဲ့ကဗျာက လေးများ’စသည့် ခေါင်းစဉ်များမှာ မြန်မာစာပေဆိုင်ရာ ခေါင်းစဉ်များ ဖြစ်သည်။ ‘ပုဂံသားတို့၏ စကားအ သုံးအနှုန်း၊ ရှေးကဗျာစာဆိုများနှင့် စာလုံးပေါင်းသတ်ပုံ’၊ ‘သတိထားစရာ အသုံးမှား အချို့’၊ ‘အသံထွက်ကိုလိုက် ၍သွားတတ်သော စာလုံးပေါင်းများ’၊ မြန်မာစကား အသုံးအနှုန်းနှင့် ‘မကိုက်ညီသော ‘သူမ’ နေရာအထား မှားသော အသုံးအနှုန်းများ’ ကြားနေ ကြရသော အသံထွက်မှားများ’ စသည့်ခေါင်းစဉ်များမှာ မြန်မာဘာ သာစကားဆိုင်ရာ ခေါင်းစဉ်များဖြစ် ပါသည်။

ဟောပြောအသံလွှင့်ချိန် ၁၂ မိနစ်ခန့် ရပါသည်။ အချိန်ကိုက်ဖြစ် စေရန် ဟောပြောချက်ကို ကြိုတင် ရေးထားပြီး ပေါ့ပေါ့ပါးပါး ဟော ပြောအသံလွှင့်ခဲ့ပါသည်။ နေပြည် တော်တပ်ကုန်းသို့ မြန်မာ့အသံ ပြောင်းသွားပြီးနောက်တွင်လည်း ထို အစီအစဉ်ကို တော်တော်ကြာကြာ ဆက်၍ အသံလွှင့်နေပါသေးသည်။ ၂ဝ၁၆ ခုနှစ်တွင်မှ ထိုဟောပြော ချက် စာမူများကို ပုံနှိပ်ရန် စိတ်ကူး ရပြီး စာအုပ်အဖြစ် စီစဉ်လိုက်ရခြင်း ဖြစ်သည်။ မြန်မာဘာသာစကား အကြောင်း မြန်မာစာပေအကြောင်း သိကောင်းစရာများကို ပေါ့ပေါ့ပါးပါး နားထောင်နိုင်စေရန် ရည်ရွယ်ပါ သည်။

ဟောပြောချက်ကို ပုံသေအဖွင့် အပိတ်ကလေးများဖြင့် ဟောပြောခဲ့ ပါသည်။ အဖွင့်တွင် ‘သောတရှင်များ မင်္ဂလာအပေါင်းနဲ့ ပြည့်စုံကြပါစေ’ ဟု ဖွင့်ပြီး ဒီနေ့ ‘သိမှတ်စရာ မြန်မာ စကားမြန်မာစာ’အချိန်မှာ တင်ပြ မယ့်အကြောင်းအရာကတော့ အစချီ ပြီး ဟောပြောသည်။ နိဂုံးတွင် ‘သော တရှင်များ မြန်မာစာပေထဲကကောင်း ကွက်လှကွက်များကို နှစ်သက်မွေ့ လျော်နိုင်ကြပါစေ’ဟု ပုံမှန်အဆုံး သတ်သည်။ ထိုအဖွင့် အပိတ်ကလေး များကို သတိထားမိကြကြောင်း နား ထောင်သူများက ပြောပြ၍ သိရပါ သည်။ ရေးခဲ့သော စာအုပ်များ အကြောင်းနှင့် ဆက်စပ်ပြီး ထိုစဉ်က ကြုံတွေ့ခဲ့ရသော အမှတ်တရ အ ကြောင်းကလေးများကိုပါသတိရမိ ခြင်းဖြစ်ပါသည်။

မောင်ခင်မင် (ဓနုဖြူ)

Comments (0)

Leave a reply

Your email address will not be published. Required fields are marked *

*