စိန်ခေါ်မှုတွေ အများကြီးရှိတဲ့ Star Awards ဆုချီးမြှင့်ပွဲစီစဉ်သူ Stellar Seven Entertainment မှ Operation Director ဒေါ်လင်းဝတ်မှုန် နှင့် တွေ့ဆုံခြင်း

စိန်ခေါ်မှုတွေ အများကြီးရှိတဲ့ Star Awards ဆုချီးမြှင့်ပွဲစီစဉ်သူ Stellar Seven Entertainment မှ Operation Director ဒေါ်လင်းဝတ်မှုန် နှင့် တွေ့ဆုံခြင်း
January 15, 2019 Asian Fame
စိန်ခေါ်မှုတွေ အများကြီးရှိတဲ့ Star Awards ဆုချီးမြှင့်ပွဲစီစဉ်သူ Stellar Seven Entertainment မှ Operation Director ဒေါ်လင်းဝတ်မှုန် နှင့် တွေ့ဆုံခြင်း

ပထမဦးဆုံးအကြိမ်ဆိုပေမယ့် သူတို့ Stellar Seven Entertainment အဖွဲ့က လူတွေအကုန်လုံးက အနုပညာကို အရမ်းထက်သန်ပါတယ်လို့ ဒေါ်လင်းဝတ်မှုန်က ပြောပါတယ်။ Star Awards ဆုချီးမြှင့်ပွဲမှာ ချီးမြှင့်မယ့် ဆု ၁၅ ဆုအပြင် Stellar Seven မှ ချီးမြှင့်မယ့် ပွဲတက်ဖက်ရှင်ဆု ၃ ဆုလည်းပါဝင်တယ်။ ချီးမြှင့်မယ့် ဆုတွေကလည်း တစ်ဆုကို သိန်း ၅ဝဆိုတော့ ရင်ခုန်ဖို့ကောင်း ပါတယ်။ ဧပြီလ ၅ရက်နေ့မှာ ကျင်းပမယ့် Star Awards ဆုချီးမြှင့်ပွဲကို Stellar Seven Entertainment မှ ဘယ်လိုတွေ စီစဉ် ထားသလဲဆိုတာ Operation Director ဒေါ်လင်းဝတ်မှုန်နဲ့ တွေ့ဆုံမေးမြန်းခဲ့ပါတယ်။

မေး-ပထမဦးဆုံးအကြိမ်ဆိုတော့ ဒီပွဲစီစဉ်ဖို့ စိန်ခေါ်မှုတွေရှိမှာပေါ့။
ဖြေ- အကယ်ဒမီပေးပွဲနောက်မှ လုပ်ရတာထက် MJA အဖွဲ့အနေနဲ့ရော၊ ကျွန်မတို့ Stellar Seven အနေနဲ့ရော ပထမဦးဆုံးလုပ်တဲ့ပွဲအကြီးမျိုးပေါ့နော်။ ပွဲအကြီးဖြစ်တဲ့ အတွက် ကျွန်မတို့ နှစ်ဖက်စလုံး ပြင်ဆင်ရတာတွေက အများကြီး ရှိပါတယ်။ စိန်ခေါ်မှု တွေလည်း အများကြီးရှိမယ်လို့ထင်ပါတယ်။

မေး-ပွဲအတွက် Stage Design နဲ့ ဘယ်သူတွေကိုဖိတ်ကြားသွားမလဲ။
ဖြေ-Stage Design ကို DM4 အဖွဲ့နဲ့ စီစဉ်ထားပါတယ်။ တက်ရောက်လာမယ့် အနု ပညာရှင်တွေရော၊ လက်မှတ်ဝယ်ယူပြီးကြည့်မယ့်ပရိသတ်တွေရော အကုန်လုံးအဆင်ပြေ အောင် ကျွန်မတို့ စီစဉ်တင်ဆက်ပေးသွားမှာပါ။

မေး-ပရိသတ်အတွက် စီစဉ်တဲ့လက်မှတ်နှုန်းထားလေးသိပါရစေ။
ဖြေ-ပရိသတ်တွေအတွက် စီစဉ်ပေးထားတဲ့ လက်မှတ်နှုန်းထားတွေကတော့ ကျွန်မတို့ မသတ်မှတ်ရသေးပါဘူး။ စီစဉ်နေတုန်းရှိပါသေးတယ်။ ဒါပေမဲ့ ကျွန်မတို့မဖြစ်မနေ စီစဉ်ပေးမယ့်တစ်ခုပါ။ အနုပညာရှင် တွေတက်ရောက်မယ့် ဒီလိုမျိုးဆုပေးပွဲကို ပရိသတ် တွေလည်း ကြည့်ချင်ကြလိမ့်မယ်လို့ ကျွန်မတို့ ထင်ပါတယ်။ ကြည့်ချင်တဲ့သူတွေအကုန်လုံး လာကြည့်နိုင်အောင် ဒီအစီအစဉ်လေးလုပ်ပေးထားတာပါ။

မေး-တက်ရောက်မယ့်အနုပညာရှင်တွေရယ်၊ ပရိသတ်တွေရယ်ကြောင့် Space ကျယ်တဲ့ နေရာကို ရွေးချယ်ခဲ့တာလား။
ဖြေ-အဲဒါကြောင့်မို့လို့ Venue ရွေးချယ်တဲ့အခါမှာ သုဝဏ္ဏဘူမိ ကို ရွေးချယ်လိုက်တာ ပါ။ ကွင်းပြင်ကအကျယ်ကြီးပဲဆိုတော့ ခုံတွေလည်း လိုသလိုထားလို့ရပါတယ်။ အဲဒါ ကြောင့် မို့လို့ ကျွန်မတို့ ဖိတ်ရတာရော၊ လက်မှတ်ဝယ်ပြီးလာကြည့်တဲ့သူတွေအတွက်ပါ အကုန်လုံးအဆင်ပြေအောင် ဒီ Venue ကို စီစဉ်ထားတာပါ။

မေး-လက်မှတ်ဈေးနှုန်းတွေကို ဘယ်တော့လောက်သိရမလဲ။
ဖြေ-ဖေဖော်ဝါရီလကုန်မတ်လောက် ကျရင်တော့ သိရပါပြီ။

မျိုးမောင်
ဓာတ်ပုံ-ထက်လူ

Comments (0)

Leave a reply

Your email address will not be published. Required fields are marked *

*