ငွေကြယ်ပွင့်တွေ စုံလင်စွာ တက်ရောက်ခဲ့တဲ့ ၉၈ ကြိမ်မြောက် မြန်မာ့ရုပ်ရှင်နေ့နဲ့ ၅၅ ကြိမ်မြောက် ရုပ်ရှင်သက်ကြီးပူဇော်ပွဲ

ငွေကြယ်ပွင့်တွေ စုံလင်စွာ တက်ရောက်ခဲ့တဲ့ ၉၈ ကြိမ်မြောက် မြန်မာ့ရုပ်ရှင်နေ့နဲ့ ၅၅ ကြိမ်မြောက် ရုပ်ရှင်သက်ကြီးပူဇော်ပွဲ
October 15, 2018 Asian Fame Media


၂ဝ၁၈ ခုနှစ် အောက်တိုဘာ ၁၃ ရက်နေ့မှာ ၉၈ နှစ်ပြည့်မြောက်ခဲ့ ပြီဖြစ်တဲ့ မြန်မာ့ရုပ်ရှင်နေ့အခမ်း အနားနဲ့ ၅၅ ကြိမ်မြောက် ရုပ်ရှင် သက်ကြီးပူဇော်ပွဲကို အဲဒီနေ့ မနက် ပိုင်းက ရန်ကုန်မြို့ရှိ နှင်းဆီကုန်း ဘိုးဘွားရိပ်သာဝင်းကြီးအတွင်းမှာ ကျင်းပပြုလုပ်ခဲ့ရာမှာ နာမည်ကျော် ထိပ်တန်းမင်းသား မင်းသမီးများအပါ အဝင် ရုပ်ရှင်သရုပ်ဆောင်များစွာ တက်ရောက်ပြီး သက်ကြီးဝါကြီးများ ကို ဂါရဝပြုခဲ့ကြပါတယ်။ အခမ်းအနား ကို အောင်အောင်မြင်မြင် ပြုလုပ်နိုင် ခဲ့တဲ့အတွက် အင်မတန် ပီတိဖြစ်ခဲ့ရ တယ်လို့ မြန်မာနိုင်ငံ ရုပ်ရှင်အစည်း အရုံး ဥက္ကဋ္ဌ ဦးဇင်ဝိုင်းက ဆိုတယ်။


”ဒီနှစ်က ပိုပြီးတော့ လှူဒါန်းမှု တွေ ပိုမိုများပြားလာခဲ့ပါတယ်။ ဘိုး ဘွားတွေအတွက် ဆေးဝါးတွေလည်း အများကြီးလှူဒါန်းကြတယ်။ ဒီနှစ်ဆို ရင် ဘိုးဘွားတစ်ဦးကို ကျပ်နှစ်သိန်း ခြောက်သောင်းလောက် အထိကို လှူဒါန်းနိုင်ခဲ့တယ်။ ဆေးဝါးနဲ့ ကန် တော့ပစ္စည်းတွေရဲ့ တန်ဖိုးဟာဆိုရင် လည်း အနည်းဆုံး ကျပ် ငါးသိန်း ကနေ ခြောက်သိန်းဆိုတဲ့ တန်ဖိုး ကြားမှာ ရှိပါတယ်။ ဖုန်းတွေလည်း မဲဖောက်ပေးခဲ့ကြသေးတယ်။ ပြီး တော့ မင်းသွေးတို့အဖွဲ့ကလည်း ကွယ်လွန်သူ မင်းသွေးအတွက် ရည် စူးပြီးတော့ သူတုိ့ အလှူခံလို့ရလာတဲ့ ငွေကြေးလေးတွေကို ဘိုးဘွားတွေ အတွက် စာအိတ်ကိုယ်စီနဲ့ လှူဒါန်းခဲ့ ပါတယ်။ သူတို့လှူဒါန်းငွေကလည်း စုစုပေါင်း ကျပ် ၄၅ သိန်းလောက် ရှိခဲ့တယ်လို့ သိရပါတယ်။ နောက် တစ်ခုက ဒီနှစ်မှာ နိဗ္ဗာန်ဈေးတန်းမှာ ဖွင့်တဲ့ မုန့်ဆိုင်တွေ အရေအတွက်က အရင်နှစ်တွေကထက် တအားများခဲ့ ပါတယ်”လို့ ဦးဇင်ဝိုင်းက ပြောပါ တယ်။


နိဗ္ဗာန်ဈေးမှာ ပါဝင်လှူဒါန်း ဖြစ်ခဲ့ပုံနဲ့ပတ်သက်ပြီး သရုပ်ဆောင် ဝေဠုကျော်က အခုလို ပြောပါတယ်။ ”ကျွန်တော်က ကော်ဖီဘူးရယ်၊ ရေသန့်ရယ် လှူပါတယ်။ ဒါကတော့ ကျွန်တော်တို့ရဲ့ ဘိုးဘွား၊ အရင် စီနီယာ့ စီနီယာကြီးတွေဖြစ်တဲ့ ရုပ် ရှင်နဲ့ အသက်မွေးခဲ့ကြတဲ့ မိဘတွေကို ကန်တော့ရတယ်။ အဲဒီလိုကန်တော့ ရင်းနဲ့ ကျွန်တော်တို့ အနုပညာညီ အစ်ကို မောင်နှမတွေက နိဗ္ဗာန်ဈေးပွဲ တော် လုပ်ကြတယ်။ ကျွန်တော်ဆို လည်း ဒီ့ပြင်နေရာတွေ လျှောက်သွား တော့ တစ်နှစ်မှတစ်ကြိမ် ဒီလိုနေရာမှာ ပဲ လာဆုံကြရတယ်” လို့ ပြောပါတယ်။


ရုပ်ရှင်သက်ကြီးဘိုးဘွားတွေ ကို ဆုံတွေ့ပြီး ကန်တော့ခဲ့တဲ့အပေါ် အေးမြတ်သူကလည်း ”ကိုယ်လည်း ကြက်ကြော်လှူတယ်။ နိဗ္ဗာန်ဈေးပွဲ တော်ကို သဘောကျတယ်။ ကိုယ့်ရဲ့ သက်ကြီး အနုပညာရှင်တွေနဲ့လည်း ဆုံတွေ့ခွင့်ရတယ်။ ကုသိုလ်လည်းရ တယ်။ ပျော်လည်း ပျော်ရပါတယ်”လို့ ပြောပါတယ်။

ဒီနှစ်မှာ ကန်တော့ခံ ဘိုးဘွား တွေရဲ့ အရေအတွက်ဟာ ၁၇ဝ ဦး အထိ ရှိခဲ့ပြီး တစ်ခေတ်တစ်ခါက ငွေကြယ်ပွင့် မင်းသား မင်းသမီးကြီး တွေ အများအပြားတက်ရောက်ခဲ့ကြ ပါတယ်။

ထက်လူ
ဓာတ်ပုံ – အောင်ဇော်မင်း၊ မင်းမင်းထွန်း

Comments (0)

Leave a reply

Your email address will not be published. Required fields are marked *

*