ပင်လယ်နှင့်လက်ရေး

ပင်လယ်နှင့်လက်ရေး
October 1, 2018 Asian Fame Media
ပင်လယ်နှင့်လက်ရေး

ပညာက ရှေ့ဆောင်သောနည်း ပညာခေတ်တွင် ကမ္ဘာကြီး ပြောင်းလဲတိုးတက်လာခဲ့သလို အ ခြေခံလူတန်းစားများ၏ ဘဝနေနည်း အနုပညာကလည်း ယခင်ကထက် ခြားနားလာခဲ့သည်။

တစ်ရံရောအခါက အိမ်ထောင် ဦးစီးတစ်ယောက်၏ ဝင်ငွေနှင့် မိ သားစု အပူအပင်ကင်းကင်းရပ်တည် နိုင်ခဲ့သော်လည်း မော်ဒယ်လ်နှင့် လက်ကိုင်ဖုန်းနှင့် မြန်မာအိုင်ဒေါလ် နှင့် ငြိမ်းချမ်းရေးစကားဝိုင်းနှင့် ကောင်း ကင်ရောက်ကုန်ဈေးနှုန်းနှင့် ဒေါ သကြီးသော နိုင်ငံခြားငွေလဲလှယ်မှု နှင့် သက်ငယ်မုဒိမ်းနှင့်ြှ နှင့် မူးယစ်ဆေးနှင့် သုံးလောင်းလေး လောင်း အပြိုင်သေဆုံးမှုနှင့် အရည် ပျော်သွားသော ကတိများနှင့် သဘာ ဝဘေးအန္တရာယ်နှင့် ‘၂ဝ၁၈’၏ အခမ်းအနားအောက်တွင် အိမ်ရှိလူ အကုန် အလုပ်ထွက်လုပ်ရသော ပြ ကွက်က ခေတ်မီနေဆဲဖြစ်သည်။

x x x x

‘သုံးယောက်ကမ္ဘာ’ဟုခေါ်လို့ရ သော သူတို့သန်းခေါင်စာရင်းထဲတွင် သူ့အမျိုးသမီးက အလုပ်လုပ်ရသလို သူ့သားလေးကလည်း ဒုတိယတိုး တက်သည့် အလုပ်ကိုလုပ်သည်။ ထို့ အတူ သူကလည်း အလုပ်လုပ်ရ သည်။ အလုပ်လုပ်သူ ‘နှစ်’အလုပ် မလုပ်သူ ‘တစ်’ဆိုသော်လည်း အ ထွေထွေစရိတ်များ၏။ ရိုက်ပုတ်မှုကို သူတို့ဝင်ငွေက အသည်းအသန်ကာ ကွယ်နေရသည်။

နံနက် ‘၇’နာရီ ထိုးသည်နှင့် သူ့အမျိုးသမီးက အလုပ်သွားရသလို သူကလည်း ‘၉’နာရီလောက် အိမ်က ထွက်ရသည်။ ထိုအခါ သား၏ အ ဆာပြေကိစ္စ၊ နံနက်စာကိစ္စများကို သူ အလုပ်မသွားခင် အကုန်စီစဉ်ရသည်။ နံနက်အဆာပြေကိစ္စကိုတော့ ‘ကော် ဖီမစ်နှင့် ပူတင်း ‘ပေါင်မုန့်’တစ်ခုခု ဖန်တီးပေးလိုက်သည်နှင့် အိုကေ သည်။ အလုပ်ပိတ်ရက် တချို့တွင် သူ တို့မိသားစုသုံးယောက် လမ်းထိပ်မှာ လက်ဖက်ရည်ထွက်သောက်ဖြစ် သည်။

ယနေ့လည်း သားက ‘အီကြာ ကွေး’စားချင်သည်ဟုဆိုသည်။ ထို့ ကြောင့် သားအဖနှစ်ယောက် တစ် ယောက်တစ်ချောင်းစားမည်ဆိုသည့် စိတ်ကူးနှင့် အီကြာကွေးနှစ်ချောင်း ဝယ်လိုက်သည်။ သို့သော် သူရေချိုး ပြီး အိမ်ပေါ်ကို ပြန်တက်လာသော အခါ အီကြာကွေးမကျန်တော့ပေ။

”သားရေ …ဖေကြီးအတွက် အီကြာကွေး …ကော”

”သားဗိုက်မဝတာနဲ့ နှစ်ချောင်း စလုံး စားလိုက်ပြီ”

”အေး အေး”

သူဘာမှဆက်မပြောတော့ဘဲ သားကို ပြုံးကြည့်ပြီး ကျောင်းစိမ်း ဘောင်းဘီနှင့် အင်္ကျီလေးကို ဝတ် ပေးလိုက်၏။

x x x x

ယနေ့ အလုပ်ပိတ်သော်လည်း သူအစောကြီးနိုးနေသည်။ ထို့ကြောင့် ဘုရားပန်းဝယ်ဖို့ မနီးမဝေးရှိ ဈေး သို့ ထွက်လာခဲ့၏။ အနည်းငယ်စော နေသောကြောင့် ဆိုင်တချို့မဖွင့်သေး သလို တချို့ဆိုင်လည်း ခင်းကျင်းနေ တုန်းဖြစ်သည်။ ထို့ကြောင့် ပန်းဆိုင် ရှေ့မှာ ရပ်ရင်း ဟိုဟိုဒီဒီကြည့်နေမိ ၏။

ထိုအချိန်မှာပင် ဈေးရှေ့သို့ ကုန်ပစ္စည်းတင်လာသည့် ကားတချို့ လည်း ရောက်လာခဲ့သည်။ ငါးကား၊ ဟင်းသီးဟင်းရွက်ကား၊ အသားကား၊ ကြက်သွန်၊ အာလူးနှင့် ကုန်ခြောက် တင်သည့်ကား အမျိုးအစားစုံလင်လှ သည်။ ကားတစ်စီးရောက်လာတိုင်း လည်း အဝေးပြေးကားဂိတ်မှ တက္ကစီ သမားတွေလို အလုပ်သမားများက ထမ်းပိုးသယ်ယူခွင့်ရအောင် လုယက် နေကြသည်။

မြင်ကွင်းက အနုပညာမဆန် ပေ။ ထူထဲသော အတ္တများ၏ တိုက် ပွဲဖြစ်သော်လည်း မီးဖိုချောင်ကို အကျဉ်းချုပ်စနစ်နှင့် အသက်သွင်း နိုင်ဖို့ လူသားတို့၏ လှုပ်ရှားမှုများကို သူအလွယ်တကူသဘောပေါက်ခဲ့ သည်။

”အစ်ကို ခဏလေးနော်။ အစ် ကိုလိုချင်တဲ့ပန်းက အိမ်မှာ ကျွန် တော့်အမျိုးသမီးသွားယူနေတယ်”

ထိုစဉ် ဈေးရှေ့သို့ ကြက်သွန် အိတ်များ တင်ဆောင်လာသောကား တစ်စီးရောက်လာသည်။ တစ်ဆက် တည်းမှာပင် အလုပ်သမားနှစ် ယောက် ပြိုင်တူရောက်သွားပြီး သူ ထမ်းမည်၊ ငါထမ်းမည်ဟုဆိုကာ ကြက်သွန်အိတ်များကို လုနေကြ သည်။ တစ်ယောက်က အသက် ‘၂၅’ ဝန်းကျင် တစ်ယောက်က ရွှေရတု အသက်စွန်းစွန်းဖြစ်၏။ သူကလည်း ထိုအိတ်လုပွဲကို မည်သူရွှေခါးပတ် ရသွားမလဲဟုတွေးပြီး ငေးကြည့်နေ မိသည်။ ထိုစဉ်ပန်းသည်က သူ့ကို စကားစလိုက်၏။

”အစ်ကို လူနှစ်ယောက်နဲ့ အိတ် တစ်အိတ်ကို စိတ်ဝင်စားနေပြီနဲ့ တူ တယ်”

”အေး”

”အဲဒီနှစ်ယောက်စလုံးက မပြေ လည်ကြဘူး။ အဲဒီလူကြီးရဲ့ မိန်းမက ဆေးရုံတင်ထားရတယ်။ ဟို ကောင် လေးအမျိုးသမီးကလည်း မွေးခါနီး နေပြီ”

”ဟုတ်လား၊ ဘဝတွေကလည်း ဆိုးလိုက်တာကွာ”

လူဆိုသည်မှာ ‘ဘက်’ရှိသည်။ သူက ဦးလေးကြီးဘက်က ဖြစ်သဖြင့် ဦးလေးကြီးသာ ထမ်းခွင့်ရသွားစေ ချင်သည်။ သို့သော် သူ့ဆန္ဒက ဖြစ် မလာခဲ့ပေ။ အဘယ်ကြောင့်ဆိုသော် ကြက်သွန်အိတ်ကို ထမ်းပြီး ဈေးထဲ သို့ ဝင်သွားသူမှာ အစိတ်သားကောင် လေးဖြစ်နေသောကြောင့်ဖြစ်သည်။

ထို့နောက် သူလိုချင်သည့် ပန်း ကိုယူပြီး ဈေးပလက်ဖောင်းပေါ်မှာ ထိုင်နေသည့် ဦးလေးကြီးကိုကြည့် ရင်း ပြန်လှည့်အထွက်တွင် ပန်းသည် က သူ့ကိုစကားတစ်ခွန်းပြောလိုက် ၏။

”အစ်ကို စိတ်မကောင်းဖြစ်သွား လား”

”ဆိုပါတော့ကွာ”

”အဲဒီနှစ်ယောက်က သားအဖ တော်တယ်လေ”

”ဗျာ”

သူအရာရာကို နားလည်ခဲ့ရပြန် သည်။

မောင်မိုးဦး

Comments (0)

Leave a reply

Your email address will not be published. Required fields are marked *

*