Heineken Beer
Heineken Beer

သံလွင်မြစ်ရေတဖွေးဖွေး ကိုလူချောတို့လုပ်အားပေး

သံလွင်မြစ်ရေတဖွေးဖွေး ကိုလူချောတို့လုပ်အားပေး
September 5, 2018 Asian Fame Media

မြန်မာနိုင်ငံရုပ်ရှင်အစည်းအရုံးမှ အရင်(လူကြမ်းများ)အခု (ကိုလူချောအဖွဲ့)ကို ဦးဇော်မှိုင်းနဲ့ ဦး အောင်ခိုင်တို့ ဦးဆောင်ပြီးတော့ အ ဖွဲ့သား (၅ဝ)နဲ့ ကရင်ပြည်နယ် ဘား အံမြို့နယ်မှာ ရေဘေးဒဏ်ဆိုးဆိုး ရွားရွား ခံစားနေရတဲ့ရွာတွေကို ရေ ဘေးကယ်ဆယ်ရေးဆောင်ရွက်ဖို့ ဆန်အိတ်ကြီး(၁ဝဝ)၊ စားဖွယ် သောက်ဖွယ် ပစ္စည်းများစွာနဲ့ အထည် အဝတ်၊ ရော်ဘာဖိနပ်၊ ကျောင်းဝတ် စုံနှင့် သောက်ရေသန့်၊ ဆေးပစ္စည်း အလုံအလောက်ပေးဝေဖို့ ကား ၅ စီး ပေါ်တင်ပြီး ၁၉-၈- ၂ဝ၁၈ နေ့ နံနက် ၄ နာရီမှာ မြန်မာနိုင်ငံရုပ်ရှင်အစည်း အရုံးကကရင်ပြည်နယ်၊ ဘားအံမြို့ ဆီ ခရီးထွက်ခဲ့ကြပါတယ်။

လမ်းမှာ တာပေါ်ရေ ကျော်နေတာမို့ ဘားအံ မြို့ကို နေ့လယ် ၂ နာရီထိုးမှ ရောက် ရှိခဲ့ပါတယ်။ ဘားအံမြို့မှ ရပ်ကွက် အချို့ရေမြုပ်နေလို့ ကျွန်တော်တို့ ကားတွေ နောက်ပြန်ဆုတ်ရေလွတ် ရာဘက်မှ ကွေ့ပတ်ကာဘားအံမြို့ အထွက် ပေတစ်ရာပေါ်မှလှေဆိပ် တစ်ခုကိုရောက်ရှိပါတယ်။ ကားပေါ် မှ ပစ္စည်းတွေချ ပဲ့ထောင်စက်လှေ လေးတွေ ပေါ်တင်ဆောင်ပြီး ရွာ ချင်းဆက်ပြီး ရေနစ်မြုပ်နေတဲ့ ကော် ကူးနဲ့ မိဇံရွာကိုဦးတည်ပြီးသွားပါ တယ်။ ဘယ်ကြည့်ကြည့် မြင်ကွင်း တွေရှင်းနေတဲ့ ရေပြင်ကြီးကိုသာ မြင်နေရပါတယ်။

မိုးက ရွာလိုက်၊ လေကတိုက်လိုက်၊ လှိုင်းတွေ ရိုက် ပုတ်နေတဲ့ သံလွင်မြစ်ရဲ့ ကြမ်းတမ်း တဲ့ ရေပြင်ကြီးမှာ အန္တရာယ်ဘေးကို မတွေးဘဲ ကယ်ဆယ်ရေးအတွက် သံလွင်မြစ်ရေကို အံတုပြီး ရေပြင်နဲ့ တစ်ထွာလောက်ပေါ်တဲ့ လှေကလေး တွေနဲ့ သွားနေကြပါတယ်။ တစ်ခါတ လေသွားနေရင်း “ဒုံး”ခနဲဆောင့်မိ ပြီး လှေမှောက်လုမတတ် အကြိမ် ကြိမ်ဖြစ်ခဲ့ပါတယ်။ ဘာဖြစ်တာလဲလို့ မေးကြည့်တော့ပဲ့ထောင်မောင်းတဲ့ သူက

“ရေအောက်မှာမြုပ်နေတဲ့ အိမ် ခေါင်မိုးတွေ၊ သစ်ပင်သစ်ကိုင်းတွေနဲ့ တိုက်မိလို့ပါတဲ့”။

ရေတွေက နောက် ကျိနေတော့ သူလည်းဘယ်မြင်ပါ့မ လဲ။ ဒီလိုနဲ့ ကော်ကူးရွာ၊ မိဇံရွာသူရွာ သားတွေ ရေဘေးရှောင်ခိုကပ်နေတဲ့ တောင်ပေါ် ဘုန်းကြီးကျောင်းအနား ကို လှေတွေဆိုက်ကပ်လို့ ရပါတယ်။

ကုန်းပေါ်က မိန်းမကြီးတစ်ယောက် က ကျွန်တော်တို့ကို သေသေချာချာ ကြည့်ပြီး လူဆိုးတွေ လူဆိုးတွေဆိုပြီး အသကုန် အော်ဟစ်ပါလေရော …။

သူအော်ဟစ်တာက အား ရဝမ်းသာစွာနဲ့ အော်ဟစ်တာပါ။ သူမှ ကျွန်တော်တို့နာမည်ကို မသိ တာ။ ရုပ်ရှင်ထဲမှာမြင်ဖူးတဲ့ လူဆိုး တွေလို့ပဲအော်တာပေါ့…

ရွာသူ ရွာသားတွေနဲ့ ကိုလူချောအဖွဲ့သား တွေပစ္စည်းတွေချပြီး နီးစပ်ရာရွာ တွေကို ကယ်ဆယ်ရေးပစ္စည်းများ ညီတူညီမျှခွဲဝေပေးလိုက်ပါတယ်။

ရေဘေးဒဏ်ခံနေရတဲ့ အမိုး တစ်ယောက်က ရုပ်ရှင်သမားတွေကို သံယောဇဉ်ကြီးစွာနဲ့ မေးရှာပါတယ်။

“ရုပ်ရှင်မင်းသမီး – မင်းသားတွေ မလာကြဘူးလားတဲ့”။

“အမိုးတို့မုန်း တဲ့ ကျွန်တော်တို့ လူကြမ်းတွေတောင် လာသေးတာပဲ၊ အမိုးတို့ချစ်တဲ့ မင်း သားမင်းသမီးတွေ အမိုးတို့ဆီကို လာကြမှာပါ”လို့ နှစ်သိမ့်စကားလေး ပြောကာ အားပေးနှစ်သိမ့်စကားဆို ခဲ့ရပါတယ်။ ကရင်ပြည်နယ်ဒေသ အသီးသီးမှာ ကျွန်တော်တို့ ရုပ်ရှင် ဇာတ်ကားပေါင်းများစွာ ရိုက်ကူးခဲ့ပါ တယ်။

ရိုက်ကူးတဲ့နေရာတိုင်းမှာ ဒေ သခံ ရွာသူရွာသားတွေက အစွမ်း ကုန်ကူညီကြပြီး ရုပ်ရှင်ဇာတ်ကားတွေ ကိုလည်း ပိုက်ဆံပေးပြီး အမြဲတမ်း ကြည့်ရှုအားပေးကြတယ်လေ။ ကျွန် တော်တို့ရဲ့ ကျေးဇူးရှင်တွေပါ။ ဒုက္ခ ရောက်နေတဲ့ ကျေးဇူးရှင်တွေကို တတ်နိုင်သလောက် လာရောက်ကူညီ ရတာ အင်မတန်မှဝမ်းသာလှပါတယ်။

သဘာဝဘေးကျရောက်တဲ့နေ ရာတိုင်း အခုလိုပဲ ကိုလူချောအဖွဲ့ တွေ အမီပြေးပြီး အကူအညီပေးခဲ့ပါ တယ်။ ကိုလူချောတို့ ဒီလူမှုရေးမီး အိမ်လေးကို စေတနာ၊ မေတ္တာအား တွေနဲ့ အမြဲတမ်းထွန်းညှိထားပါတယ်။ လိုအပ်ရင် ခေါ်ကြပါ။

မီးအိမ်ကလေး ကတော့ မာကျူရီမီး၊ ဆလိုက်မီးကြီး တွေရဲ့ အလင်းရောင်တွေနဲ့တော့ မ ယှဉ်သာပါဘူး။ ကိုလူချောတို့ အင် အား မီးအိမ်မှိန်မှိန်လေးကတော့ လမ်းမှားလမ်းပျောက် ဒုက္ခရောက်နေ သူတွေကို နွေးထွေးစွာကြိုဆိုအားပေး ပြီး လိုရာခရီးကို လမ်းပြပို့ဆောင်ပေး မှာပါ။

ရေကြမ်းနေတဲ့ သံလွင်မြစ်တစ် ဖက်ကမ်းမှာ တော်ဝင်ထွန်းရုပ်ရှင်မှ ဒါရိုက်တာ ဦးထွန်းမြင့်ထွန်း၊ ဒါရိုက် တာတင်အောင်မြင့်ဦး၊ အကယ်ဒမီ ဒေါ်ခင်လေးသိမ့်၊ မင်းသမီး ခင်သီ တာထွန်း၊ ဒါရိုက်တာ ကြည်ဖြူသျှင် တို့ရဲ့ “ဝက်ကြီး”ဆိုတဲ့ ရွာကလေးကို လည်း အရောက်သွားချင်ပါတယ်။ မှောင်ရီပျိုးလို့ သံလွင်မြစ်ရေတွေ တိုးပြီး လှိုင်းအော်သံတွေ ကြားနေရ ပါတယ်။

လှိုင်းကြီးလှေအောက်ဆိုပေ မဲ့ လှေမှောက်ရင်တော့ ကိုလူချော အဖွဲ့သားတွေအတွက်”The River of No Return” ဇာတ်လမ်းကို ဒါ ရိုက်တာ ကြည်ဖြူသျှင်ကို ရိုက်ကူး ခိုင်းရမှာပဲ။

ရေဘေးသင့်နေတဲ့သူတွေကို ကူညီလှူဒါန်းခဲ့ပြီး တောင်ကျရေတွေ နဲ့ သံလွင်မြစ်ရေပြင်ကြီးကျော်လွှား လို့ ဘားအံမြို့ကို ပြန်ခဲ့ပါပြီ …။ ရှေးယခင်သမိုင်းကြောင်းအရ ဒီဒေ သဟာ ပင်လယ်ပြင်ကြီး ရေအပြည့်ရှိ နေပါတယ်။

‘ဗန္ဓဝဂီရိ’အမည်ရှိတဲ့ ဇွဲ ကပင် တောင်မှာ ကုန်ရောင်းကုန်ဝယ် ကုန်သည်တွေရဲ့ လှေသင်္ဘောတွေ ဆိုက်ကပ်ချည်နှောင်ခဲ့တဲ့ တိုင် ဟောင်း နေရာတွေ ရှိခဲ့တယ်လို့ သိရ ပါတယ်။ ဖြစ်နိုင်ပါတယ်။ အခုလည်း သံလွင်မြစ်ကြီးက ဘားအံမြို့ကို ဦး တိုက်ပြီး စီးဆင်းနေတယ်လေ ..။

မီးရောင်ပျပျလေးမြင်နေရတဲ့ ဇွဲက ပင်တောင်ပေါ်က ဆံတော်ရှင်စေတီ ကို ခုတ်မောင်းနေတဲ့ စက်လှေပေါ်မှ ဖူးမြော်ရင်း ဆုတောင်းမိပါတယ်။ နယ်သူ နယ်သား၊ ရွာသူရွာသားများ၊ သဘာဝဘေးအန္တရာယ်မှ လွတ် မြောက်၍ သံလွင်မြစ်ရေကြည်လင် အေးမြပြီး ငြိမ်းချမ်းရေး အမြန်ဆုံး ရရှိကြပါစေလို့ …။

‘ကိုလူချောအဖွဲ့’

ဦးဇော်မှိုင်း

Comments (0)

Leave a reply

Your email address will not be published. Required fields are marked *

*