Heineken Beer
Heineken Beer

သမ္မတကြီး ဦးထင်ကျော် (ငြိမ်း)အား ချစ်ခင်လေးစားသော ပြည်သူများ၏ ဒုလ္လဘ စုပေါင်းရဟန်းခံပွဲတွင် ဖျော်ဖြေမည့် အငြိမ့်နှစ်ဖွဲ့

သမ္မတကြီး ဦးထင်ကျော် (ငြိမ်း)အား ချစ်ခင်လေးစားသော ပြည်သူများ၏ ဒုလ္လဘ စုပေါင်းရဟန်းခံပွဲတွင် ဖျော်ဖြေမည့် အငြိမ့်နှစ်ဖွဲ့
April 4, 2018 Leanne Win

 

သမ္မတကြီး ဦးထင်ကျော် (ငြိမ်း)ကို ချစ်ခင်လေးစားသော ပြည်သူများရဲ့ ဒုလ္လဘ စုပေါင်းရဟန်းခံပွဲကို ဧပြီလ ၆ ရက်နေ့ မှော်ဘီမြို့၊ ရွှေညဝါဆရာတော်ကျောင်းတိုက်မှာ ကျင်းပပြုလုပ်မှာဖြစ်ပါတယ်။ အဆိုပါဂုဏ်ပြုအလှူပွဲမှာ သီးလေးသီး အငြိမ့်အဖွဲ့နဲ့ လူရွှင်တော်ဦးမေတ္တာတို့ရဲ့ မေတ္တာရွှေစင်အငြိမ့်အဖွဲ့တို့မှ မှော်ဘီမြို့ ရွှေညဝါဆရာတော် ကျောင်းတိုက်မှာ နှစ်ညတိုင်တိုင် မေတ္တာနဲ့ အားဖြည့်ဂုဏ်ပြုကာ ကပြဖျော်ဖြေကြမှာ ဖြစ်တယ်လို့သိရပါတယ်။ ဧပြီလ ၅ ရက်နေ့ ရဟန်းလောင်းများ ဆံချပြီးတဲ့ညမှာ သီးလေးသီးအငြိမ့်အဖွဲ့မှ အလှူမင်္ဂလာပွဲ စတင်သည့် အထိမ်းအမှတ် အဖြစ် ကပြဖျော်ဖြေမှာဖြစ်ပြီး ဧပြီလ ၆ ရက်နေ့ညမှာတော့ ဒီဂုဏ်ပြုအလှူပွဲကြီး အောင်မြင်တဲ့ အထိမ်းအမှတ်အနေနဲ့ လူရွှင်တော်ကြီး ဦးမေတ္တာတို့ရဲ့ မေတ္တာရွှေစင်အငြိမ့်အဖွဲ့မှ ကပြဖျော်ဖြေမှာဖြစ်ပါတယ်။ ဒီကုသိုလ်ပြု ဂုဏ်ပြုပွဲမှာ အနုပညာနဲ့ ပါဝင်ဖျော်ဖြေပေးခွင့်ရတဲ့အပေါ် မေတ္တာရွှေစင်အငြိမ့်အဖွဲ့မှ ဦးမေတ္တာရဲ့သား မေတ္တာမြင့်မြတ်ဟိန်းက…

“ကျွန်တော်တို့နိုင်ငံကို ဦးဆောင်ပြီး အုပ်ချုပ်ခဲ့တဲ့ သမ္မတကြီး ဦးထင်ကျော်(ငြိမ်း)ကို လေးစားချစ်ခင်သူတွေရဲ့ ဂုဏ်ပြုအလှူပွဲမှာ ကျွန်တော်တို့ မေတ္တာရွှေစင်အဖွဲ့အနေနဲ့ ပါဝင်ဖျော်ဖြေခွင့်ရတဲ့အတွက် အတိုင်းမသိဝမ်းသာပါ ပီတိ ဖြစ်ရပါတယ်လို့ အဖွဲ့ကိုယ်စားပြောချင်ပါတယ်။ ကျွန်တော်တို့မှာ အရင်ပွဲတွေထက် ဒီပွဲကပိုပြီးတာဝန်ကြီးပါတယ်။ အစစ အရာရာပေါ့။ နောက်ပြီး ဒီပွဲလေးက ကျွန်တော်တို့အဖွဲ့ကိုယ်တိုင် ပွဲကို စသိကတည်းက ဘယ်လိုဖြစ်ဖြစ် ဘာဖြစ်ဖြစ် ကမယ် ဆိုပြီး ဆုံးဖြတ်ခဲ့ကြတာပါ။ အဓိကကတော့ ကျွန်တော်တို့နိုင်ငံကိုခေါင်းဆောင်ခဲ့တဲ့ သမ္မတဟောင်း ဦးထင်ကျော်ကိုလည်း ကိုယ်တတ်နိုင်တဲ့ အနုပညာအားလေးနဲ့ ဂါရဝပြု ဂုဏ်ပြုချင်လို့ပါ။ ကျွန်တော်တို့ နိုင်ငံကို ပြောင်းလဲမှုတွေနဲ့ ကောင်း အောင် ခေါင်းဆောင်ခဲ့တဲ့ ဦးထင်ကျော်နဲ့ဇနီး ကျန်းမာရွှင်လန်းပါစေ” လို့ ဂုဏ်ယူပီတိစကားကို ပြောပြခဲ့ပါတယ်။

လင်းအက္ခရာ

 

 

Comments (0)

Leave a reply

Your email address will not be published. Required fields are marked *

*