၂ဝ၁၇ ခုနှစ် အကယ်ဒမီဆုပေးပွဲကြီးကိုတော့ မတ်လ ၂၃ ရက်နေ့၊ မင်းဓမ္မလမ်းမှာရှိတဲ့Myanmar Event Park (MEP)မှာ ကျင်းပပြု လုပ်တော့မှာ ဖြစ်ပါတယ်။ အရင်နှစ်တွေကဆိုရင် ရွှေကြိုကို အပြင်က အနုပညာဝါသနာပါတဲ့ လူငယ်အချို့ကို ရွေးချယ်ခဲ့ရာမှ အခုနှစ်မှာတော့ အကူမောင်မယ်ဆိုပြီး ပြောင်းလဲမှုတစ်ခုအနေနဲ့ အနုပညာရှင်သားသမီးများကို ရွေးချယ်ခဲ့ပါတယ်။ အခုလို ရွေးချယ်ခြင်းခံရတဲ့ထဲမှာတော့ အကယ်ဒမီချိုပြုံးရဲ့ မြေး ဝင်းခန့်မိုး၊ အကယ်ဒမီမေသဉ္ဇာဦးရဲ့ သား မင်းသုခိုင်၊ အိစိကွေး၊ အားသစ်နဲ့ အကယ်ဒမီခိုင်သင်းကြည်ရဲ့ သမီး စံထိပ်ထားဦး၊ အကယ်ဒမီ မင်းမော်ကွန်းရဲ့သမီး လေပြေ သွေး၊ အရိုင်း ရဲ့သမီး ပန်းနုပျိုမေ၊ တင်ဇာဝင်းပြည့်ရဲ့သမီး စန္ဒြာရွှေရည်တို့ကို ရွေးချယ်ခဲ့ပါတယ်။ အခုနှစ်အကယ်ဒမီဆုပေးပွဲမှာ အကူမောင်မယ်အဖြစ် ဆောင်ရွက်သွားကြမယ့် လူငယ်အချို့ရဲ့ စကားသံများကို ဖော်ပြလိုက်ပါတယ်။
ဝင်းခန့်မိုး (အကယ်ဒမီ ချိုပြုံးရဲ့ မြေး) ။ ။ အခုလို ပါဝင်ခွင့်ရတဲ့အတွက် တအားပျော်ပါတယ်။ တော်တော်လည်း စိတ်လှုပ်ရှားပါတယ်။ အရင်တုန်းက အကယ် ဒမီပေးပွဲကို အဘွားနဲ့ အမြဲတမ်းလိုက်ဖြစ်ပါတယ်။ ကျွန်တော်အခုလို ပါဝင်ခွင့်ရတာက ကျွန်တော်ရဲ့ အိပ်မက်လို့တောင် ပြောလို့ပါတယ်။
မင်းသုခိုင် (အကယ်ဒမီ မေသဉ္ဇာဦးရဲ့ သား) ။ ။ ကျွန်တော် အခုလို ပါဝင်ခွင့်ရတဲ့အတွက် ဝမ်းသာပါတယ်။ ကျွန်တော့်ရဲ့ ပထမဦးဆုံးအနုပညာခြေလှမ်းပါ။ ကျွန်တော်အရင်ကတည်းက အခုလိုပါဝင်ချင်ခဲ့တာ။ ဒါပေမဲ့ မပါဖြစ်ခဲ့ပါဘူး။ ဒီနှစ်ကျမှ ပါဝင်ခွင့်ရတဲ့အတွက် တကယ့်ကို ဝမ်းသာပါတယ်။
အိစိကွေး ။ ။ အခုလို ပါဝင်ခွင့်ရတဲ့အတွက် အတိုင်းမသိ ဝမ်းသာပါတယ်။ ကျွန်တော့်ကို အကူမောင်မယ်စာရင်းမှာ ပါတယ်ဆိုပြီး ဖုန်းဆက်မှ ကျွန်တော်သိတာ၊ အမြဲတမ်းက အပြင်လူတွေပဲ လုပ်နေကျဆိုတော့ ကိုယ်တွေ တစ်ခါမှ စဉ်းလည်းမစဉ်းစားခဲ့ဘူး။ အခုလို ရုတ်တရက်ပါဝင်ခွင့်ရတဲ့အတွက်လည်း ဝမ်းသာပါတယ်။
အားသစ် ။ ။ ထူးချွန်တဲ့သူတွေကို ပေးရမယ့် ဆုအတွက် အကူအနေနဲ့ပါဝင်ဆောင်ရွက်ခွင့်ရတာ တအားဝမ်းသာပါတယ်။
***************
စံထိပ်ထားဦး (အကယ်ဒမီခိုင်သင်းကြည်ရဲ့ သမီး) ။ ။ ဒီနှစ်အကယ်ဒမီ အကူမောင်မယ်အဖြစ် ပါဝင်ခွင့်ရလို့ တအားဝမ်းသာတယ်။ ဒီနှစ်အကယ်ဒမီ အကူ မောင်မယ်တွေကို အနုပညာရှင်တွေရဲ့ သားသမီးတွေပဲပါဝင်ခွင့်ရတော့ အပြောင်းအလဲလေးဖြစ်သွားတာပေါ့။ အမေကလည်း ကိုယ့်အနုပညာ ဝါသနာပါလို့ ခွင့်ပြုခဲ့တယ်။
ပန်းနုပျိုမေ (အရိုင်းရဲ့ သမီး) ။ ။ ညီမ ဒီနှစ်အကယ်ဒမီအကူ မောင်မယ်အဖြစ် ပါဝင်ခွင့်ရလို့ တအားဝမ်းသာပါတယ်။ ညီမရဲ့ ဖေဖေကလည်း ခွင့်ပြုတယ်။ ညီမလည်း ပါဝင်ချင်လို့ ဒီနှစ်အကယ်ဒမီ အကူမောင်မယ်အဖြစ် ပါဝင်ဖြစ်တာပါ။
လေပြေသွေး (အကယ်ဒမီ မင်းမော်ကွန်းရဲ့ သမီး) ။ ။ ညီမဒီလိုပါဝင်ခွင့်ရတဲ့အတွက် တကယ့်ကိုဝမ်းသာတယ်။ ဒီအနုပညာအလုပ်နဲ့ပတ်သက်ပြီး တစ်ခါမှ မလုပ်ဖူးလို့ ပါဝင်ဖြစ်တာပါ။ မေမေနဲ့ ဘိုးဘိုးကလည်း ခွင့်ပြုပေးတယ်။
စန္ဒြာရွှေရည် (တင်ဇာဝင်းပြည့်ရဲ့ သမီး) ။ ။ ညီမက ဒီလိုပွဲမှာ အကယ်ဒမီ အကူမောင်မယ်အဖြစ် ပါဝင်ခွင့်ရတာ တအားပျော်တယ်။ အမေကိုယ်တိုင်ကလည်း ဒီလိုပါဝင်ဖို့အတွက် ပံ့ပိုးပေးခဲ့တယ်။ ညီမကလည်း ဒီအနုပညာအလုပ်ကို စိတ်ဝင်စားလို့ ပါဝင်ဖြစ်သွားတာပါ။
တွယ်တာ
