Heineken Beer
Heineken Beer

ရွှေရတုပွဲ မလုပ်ဖြစ်လိုက်ပေမယ့် တစ်ကိုယ်တော်အခွေတော့ ထွက်ဖြစ်အောင် လုပ်မယ်ဆိုတဲ့ ကော်နီ

ရွှေရတုပွဲ မလုပ်ဖြစ်လိုက်ပေမယ့် တစ်ကိုယ်တော်အခွေတော့ ထွက်ဖြစ်အောင် လုပ်မယ်ဆိုတဲ့ ကော်နီ
January 24, 2018 Leanne Win

အဆိုတော်ကော်နီက အသက် ၅ဝ ပြည့်အမှတ်တရအနေနဲ့ ရွှေရတုပွဲကို ပြုလုပ်ဖို့ရည်ရွယ်ထားပေမယ့် ကျန်းမာရေးကြောင့် မလုပ်ဖြစ်ခဲ့ပါဘူး။ ပွဲလုပ် ဖို့ရည်ရွယ်ထားပြီးမှ  မလုပ်ဖြစ်ခဲ့တဲ့အတွက် နှမြောစိတ်တော့ဖြစ်မိကြောင်းလည်း သူက ပြောပါတယ်။

“မကော်က ယောက်ျာလေး နည်းနည်းဆန်တယ်။ ကျန်းမာရေးကို ထိန်း သိမ်းတယ်ဆိုတာတော့ သိပ်မရှိဘူး။ ဒါပေမဲ့ အရင်တုန်းက လေ့ကျင့်ခန်းတွေ လုပ်ဖြစ်ခဲ့တယ်။၂ဝဝဝ ပြည့်နှစ်လောက်ကတည်းက လေ့ကျင့်ခန်းလုပ်လာခဲ့တာ က အခုအချိန်အထိ အဆင်ပြေပါတယ်။ အခုက လေ့ကျင့်ခန်းမလုပ်ဖြစ်တာ ၂ နှစ်ကျော်သွားပြီ။ ခါးနာလို့ပါ။ ဒီနှစ်ထဲမှာ အမေရော မကော်ရော ကျန်းမာရေး တော်တော်ချုချာတယ်။ အမေ့ကိုလည်း ငဲ့ရတော့ ကိုယ်ကလည်း ကျန်းမာရေးမကောင်းတော့ မလုပ်ဖြစ်လိုက်ဘူး” လို့ ပွဲနဲ့ပတ်သက်လို့ ကော်နီ ကပြောပါတယ်။

ဒါ့အပြင်ကော်နီက ကိုယ်ပိုင်သံစဉ်တစ်ကိုယ်တော်အခွေကိုလည်း စီစဉ်နေပြီး ဒီအခွေကို  ၂ဝ၁၁ ခုနှစ်ကတည်းက စီစဉ်နေခဲ့တာဖြစ် ခဲ့တယ်လို့ သိရပါတယ်။

“အဲဒီအခွေလေးကလည်း အတီးတွေ အားလုံးပြီးနေပါပြီ။ မကော်က အဲဒီလို စိတ်မပါရင် မလုပ်ချင်တာပေါ့။ မဆိုချင်သေးဘူးပေါ့။ တစ်ခါတလေ ကျတော့လည်း ကိုယ်ဆိုချင်တဲ့အချိန်မှာ စတူဒီယို date မရဘူး။ ဆိုမယ်လို့ အားခဲထားတဲ့အချိန်ကျတော့ အတီးတွေမပြီးသေးလို့ မကော် မဆိုသေးဘူး။ အဲဒီလိုမျိုးအကြောင်းကြောင်းတွေကြောင့် အခွေ မထွက်ဖြစ်ဘူး။ ဒီနှစ်ထဲတော့ ထွက်ဖြစ်အောင်လုပ်ရမယ်။ ဘာဖြစ်လို့လဲဆိုတော့ ရွှေရတုပွဲလည်းပရိသတ် ကို မပေးဆပ်နိုင်ဘူးဆိုတော့ ဒီအခွေလေးတော့ မကော် လုပ်ပါ့မယ်။

သင်္ကြန် ပြီးလောက်ထွက်နိုင်အောင်တော့ ကြိုးစားမယ်” လို့ အခွေနဲ့ပတ်သက်လို့ ကော်နီကပြောပြပါ တယ်။ သူ့အနေနဲ့ သီချင်းနဲ့ပတ်သက်   ရင် ကြေး(ဂျီး)များတဲ့အတွက် အရင် ကတည်းက အများကြီး ရွေးထားပြီး အခွေကလုပ်နေတာ ၇ နှစ်လောက် ကြာသွားပြီဖြစ်တာကြောင့် နည်းနည်း ဟောင်းနိုင်တဲ့ သီချင်းလေးတစ်ပုဒ် နှစ်ပုဒ်လောက်ကိုတော့ ဖြုတ်ဖုိ့ စဉ်း စားထားတယ်။ ဒါပေမဲ့လည်း သီချင်းတွေက အကုန် ကောင်းတဲ့အတွက် ဖြုတ် ဖို့တောင် တော် တော် ခက်နေတယ်လို့ သီချင်းတွေနဲ့ ပတ် သက်လို့ ပြောပါ တယ်။

လင်းအက္ခရာ

ဓာတ်ပုံ – မင်းမင်းထွန်း

Comments (0)

Leave a reply

Your email address will not be published. Required fields are marked *

*