သီချင်းတစ်ပုဒ်ကို ပရိသတ်ရင်ထဲရောက်အောင် ဘယ်လိုဆိုရမလဲ ဂန္ထဝင်တေးသံရှင်ကြီး ဒေါ်မာမာအေး

သီချင်းတစ်ပုဒ်ကို ပရိသတ်ရင်ထဲရောက်အောင် ဘယ်လိုဆိုရမလဲ ဂန္ထဝင်တေးသံရှင်ကြီး ဒေါ်မာမာအေး
December 13, 2017 Leanne Win
သီချင်းတစ်ပုဒ်ကို ပရိသတ်ရင်ထဲရောက်အောင် ဘယ်လိုဆိုရမလဲ ဂန္ထဝင်တေးသံရှင်ကြီး ဒေါ်မာမာအေး

 

ဂန္တဝင်တေးသံရှင်ကြီး ဒေါ်မာမာအေးက အခုလက်ရှိမှာ တော့ ဒီဇင်ဘာ ၁၃ ရက်နေ့ ရန်ကုန်မြို့ အမျိုးသားဇာတ်ရုံမှာ ပြုလုပ်မယ့် မွေးနေ့ဖျော်ဖြေပွဲအတွက် ပြင်ဆင်နေပြီဖြစ်ပါတယ်။ ဒါ့အပြင် သူက တေးရေးနှလုံးသားရေးသားတဲ့ သီချင်းခွေအတွက် ကိုလည်း အသံသွင်းလျက်ရှိပါတယ်။ သူအသံသွင်းနေတဲ့ စတူဒီ ယိုရှိရာကို သွားရောက်ပြီး အင်တာဗျူးဖြစ်တဲ့အခါမှာတော့ လူငယ်တွေအနေနဲ့ တေးသီချင်းတစ်ပုဒ်ကို ပရိသတ်ရင်ထဲရောက် အောင် ဘယ်လိုသီဆိုရမလဲဆိုတာမေးမြန်းဖြစ်ခဲ့ပါတယ်။ အဲဒီ အမေးကိုတော့ တေးသံရှင်ကြီး ဒေါ်မာမာအေးက အခုလိုပြန် လည်ပြောကြားလာတာက …

“တို့တုန်းကတော့ သီချင်းတစ်ခုကိုဆိုရမယ်ဆိုရင် သီချင်းရဲ့စာသားကို ကျေကျေညက်ညက်ကြည့်ပြီးတော့ ဘာလုပ်သင့်သလဲဆိုတာကို အရင်ဆုံးစဉ်းစားတယ်။ စာကို လေ့ လာမယ်။ သူကဘာကို ပြောချင်တာလဲဆိုတာ စဉ်းစားပြီးတော့မှ ဒီသီချင်းကို စန္ဒရားဆရာ တစ်ယောက်ယောက်နဲ့တိုက်ရတယ်။ အဲဒီလို သီချင်းတိုက်ရတဲ့အခါကျတော့ ဒီစာသားနဲ့ အသံနဲ့လိုက်လား မလိုက်ဘူးလားဆိုတာလည်း သိပြီလေ။ အဲဒီ့အခါကျတော့ ဘယ်နေရာလေးမှာ လိုသလဲ၊ ဘယ်နေရာ လေးမှာ ဖြည့်သင့်သလဲ၊ သီချင်းကမြူးတာလား၊ လွမ်းတာလားဆိုတာ သီချင်းစာမှာပဲပေါ်တာလေ။ စာကိုကြည့်ပြီး တော့မှ လွမ်းရင်လွမ်းသလို ဆွေးရင်ဆွေးသလို ပျော်ရင်ပျော်သလို စိတ်သွင်းပြီးတော့ ဆိုပြရတယ်။ ဒါကလည်း ထူးပြီးတော့ လုပ်ရတာမျိုး မဟုတ်ဘူး။ အပြင်လောကမှာလည်း ငိုခြင်းရယ်ခြင်း ပျော်ရွှင်ခြင်း ဆွေးမြေ့ခြင်းရှိတာပဲလေ။ ရှိနေတဲ့ သဘာဝအတိုင်းကို ကိုယ်ကဆိုပြလို့ရှိရင် အဆင်ပြေပါတယ်။ တချို့ကလည်း အသံကောင်းမှလို့ပြောကြတယ်။ အန်တီတို့ဆိုရင် တကယ်အသံမကောင်းပါဘူး။ ကိုယ်ကဆိုတတ်လို့ပေါ့လေ။ သီချင်းတစ်ပုဒ်ကို သက်ဝင်အောင် ဆိုလို့ ရတဲ့အတွက်ကြောင့် အန်တီတို့က ရပ်တည်နိုင်တာပါ။ ကိုယ့်ထက် အသံကောင်းတဲ့လူတွေ အများကြီးရှိပါတယ်။ နယ် တွေမှာလည်း အသံကောင်းတဲ့လူတွေဆိုနေကြတာပဲ။ ဒါပေမဲ့ တကယ်စည်းနဲ့ ဝါးနဲ့ တီးပြီးဆိုရင် အဲဒီ့လူတွေက မဆိုနိုင်တော့ဘူး။

အဲဒါက ဝမ်းတွင်းပါ Talent  နဲ့လည်းပတ်သက်လိမ့်မယ်လို့ အန်တီတို့က ယူဆပါတယ်။ အန်တီက တော့ ကိုယ့်အမိအဖကိုက ဂီတသမားတွေလေ။ သူတို့နဲ့ တစ်လျှောက်လုံး အတူတူလိုက်ပါနေတဲ့အခါကျတော့ သင်တန်းကြီးလိုဖြစ်ပြီးတော့ နားထဲမှာ အကုန်ဝင်သွားတယ်။ ပြီးတော့ ဆရာတွေမျိုးစုံအောင်လည်း တွေ့ခဲ့ရတယ်။ သီချင်းတွေလည်း အမျိုးစုံအောင်ဆိုတယ်။ အများကြီးလည်းဆိုတယ်။ နှစ်ပေါင်းများစွာလည်းဆိုတယ်။ အဲဒါကြောင့် ဘယ်သီချင်းမျိုးပဲလာလာ ဘာမှ ပြဿနာမရှိတော့ဘူး။ အဲဒါကြောင့်မို့ များများဆိုပါ။ များများနားထောင်ပါ။ သူများတွေ ဆိုနေတဲ့အချိန်မှာ ငါဆိုတဲ့အခါ ဘယ်လိုဆိုမလဲဆိုပြီး စဉ်းစားပြီးတော့ သီချင်းတစ်ပုဒ်ကိုလေ့လာပါ။ အဲဒီလိုဆိုရင် ကောင်းလာမှာပါ” လို့ ပြောပြခဲ့ပါတယ်။ ဂန္တဝင်တေးသံရှင်ကြီး ဒေါ်မာမာအေးက သူ့ရဲ့မွေးနေ့အမှတ်တရ ဖျော်ဖြေ ပွဲကို ရန်ကုန်နဲ့ မန္တလေးတို့မှာပြုလုပ်လို့ပြီးသွားရင် သူနေထိုင်ရာ အမေရိကန်နိုင်ငံဆီကို ပြန်သွားမယ်လို့ သိရပါတယ်။

လင်းအက္ခရာ

Comments (0)

Leave a reply

Your email address will not be published. Required fields are marked *

*