မိုးရာသီ ဖျော်ဖြေပွဲကို အရင်ထက် ပိုမိုအားစိုက် ဖျော်ဖြေတင်ဆက် သွားမယ့် တင်မောင်ဆန်းမင်းဝင်း

မိုးရာသီ ဖျော်ဖြေပွဲကို အရင်ထက် ပိုမိုအားစိုက် ဖျော်ဖြေတင်ဆက် သွားမယ့် တင်မောင်ဆန်းမင်းဝင်း
September 5, 2017 Leanne Win
မိုးရာသီ ဖျော်ဖြေပွဲကို အရင်ထက် ပိုမိုအားစိုက် ဖျော်ဖြေတင်ဆက် သွားမယ့် တင်မောင်ဆန်းမင်းဝင်း

Tin-Mg-San-Min-Win

တင်မောင်ဆန်းမင်းဝင်းတို့ ရွှေမန်းသဘင် အဖွဲ့ကမျှော်စင်ကျွန်း၊ အပတ်စဉ် အထူးဖျော်ဖြေပွဲမှာ ကပြလျက်ရှိနေတာ ၁လကျော်ကြာမြင့်ခဲ့ပြီလည်းဖြစ်ပါတယ်။ ဒီ၁လကျော် ကာလအတွင်းမှာ တင်မောင်ဆန်းမင်းဝင်းတို့ရဲ့ ကြိုးစားမှု တွေကြောင့် အောင်မြင်မှုတွေများစွာ ရရှိနေပြီလည်း ဖြစ် ပါတယ်။ပြဇာတ်၊ အော်ပရာ၊ နောက်ပိုင်း ဇာတ်တော် ကြီးတွေကို အပတ်စဉ်သောကြာနေ့နဲ့ စနေနေ့များမှာ အစီအစဉ် မထပ်ရအောင်စီစဉ်တင်ဆက်ခဲ့ကြမှုတွေ အပြင် ဆက်တင်အပြင်အဆင်တွေကြောင့် အောင်မြင် မှုရရှိခဲ့ခြင်းလည်း ဖြစ်ပါတယ်။ ဒီလိုပရိသတ်တွေရဲ့ အားပေးမှုကို ရရှိထားတဲ့အတွက်လည်း သူ့အနေနဲ့ တာဝန်ပိုကြီးလာတယ်လို့ တင်မောင်ဆန်းမင်းဝင်းက ပြောပါတယ်။

“ပရိသတ်ကြိုက်လေ ကျွန်တော် နည်းနည်း ကြောက်လာလေဖြစ်နေတယ်။ အရင်ထက် ပို ကောင်းအောင် အားစိုက်ရတာတွေ များလာတယ်။ အားပေးကြတဲ့ ပရိသတ်တွေအတွက်လည်း ကျေးဇူးတင်ပါတယ်။ ကျန်တဲ့ လတွေအတွက်လည်း ကျွန်တော့် အနေနဲ့ ကြိုးစားသွားမှာပါ”လို့ တင်မောင်ဆန်းမင်းဝင်းက ပြော ပါတယ်။ သူ့အနေနဲ့ တစ်ပတ်နဲ့တစ်ပတ် မတူတဲ့ တင်ဆက်မှု အသစ်တွေ တင်ဆက်နိုင်ဖို့အတွက် နေ့စဉ်စဉ်းစားကာ ကြိုးစား အကောင်အထည်ဖော်လျက်ရှိပါတယ်။ အခုလက်ရှိ အချိန်မှာ လည်း မင်းသမီးလို ဝတ်ဆင်ကပြခဲ့သလို တာဇံလို ဝတ်ဆင်ကာ တင်ဆက်ခဲ့ပြီးပြီလည်း ဖြစ်ပါတယ်။

နောက်ထပ်လည်း ကာရိုက်တာ အသစ်တွေနဲ့ လည်း တင်ဆက်သွားဖို့ ရှိပြီး ရိုမီယို၊ ဂျုးလိယက်လို အချစ်ဇာတ်လမ်းမျိုးနဲ့ မောင်နှစ်မချစ်ခြင်း မေတ္တာ အကြောင်း ဇာတ်လမ်းမျိုးတွေကို တင်ဆက်သွားဖို့ ရှိကြောင်းလည်း သူကပြောပြပါတယ်။

အဘိုးဖြစ်သူ ရွှေမန်းတင်မောင်ရဲ့ နောက်ပိုင်း ဇာတ်တော်ကြီးတွေကိုလည်း ပြန်လည်ကပြဖို့ စီစဉ်ထားပြီး အကောင်းဆုံးတင်ဆက်နိုင်ဖို့ အတွက်ကိုလည်း ပြင်ဆင်နေပါတယ်လို့ သိရပါ တယ်။ ပုံမှန်ဆိုရင် ပြဇာတ်တစ်ပုဒ်ကပြရင် တစ်လ နီးပါးလောက်ကြိုတင်ပြင်ဆင် ဇာတ်တိုက်မှုတွေလုပ် ဆောင်ရတာမျိုးဖြစ်ပေမယ့် သူ့အနေနဲ့ကတော့ အချိန် နည်းပါးလွန်းတဲ့အတွက် တစ်ပတ်လောက်နဲ့ ဇာတ်တိုက်ပြီး ကပြနေရတာမျိုးဖြစ်တာကြောင့် အမှားအယွင်းလေးများ ပါရှိခဲ့ရင် ခွှင့်လွှတ်ပေးပါ” လို့ တင်မောင်ဆန်းမင်းဝင်းက ပြောပါတယ်။

               လင်းအက္ခရာ

Comments (0)

Leave a reply

Your email address will not be published. Required fields are marked *

*