အသက်၂ဝပြည့် မွေးနေ့မှာ ကိုယ့်ကိုယ်ကိုယ်မွေးနေ့လက်ဆောင် ပြန် ပေးတဲ့ ဟန်သီ

အသက်၂ဝပြည့် မွေးနေ့မှာ ကိုယ့်ကိုယ်ကိုယ်မွေးနေ့လက်ဆောင် ပြန် ပေးတဲ့ ဟန်သီ
August 1, 2017 Leanne Win

han2

မော်ဒယ် သရုပ်ဆောင် ဟန်သီရဲ့ အသက် ၂ဝပြည့် မွေးနေ့ အလှူအဖြစ် ဇူလိုင်လ ၂၅ရက်နေ့ မနက် ၉နာရီက မဟာစည်သာသနာ့ရိပ်သာမှာ တရားနာယူခဲ့ပြီး လှူဖွယ် ပစ္စည်းများ ဆက်ကပ်လှူဒါန်းကာ သံဃာများ၊ သီလရှင် များနဲ့ ယောဂီတို့ကို နေ့ဆွမ်းဆက်ကပ် လှူဒါန်း ခဲ့ပါတယ်။

“ပြောပြမတတ်အောင် တအား ပျော်ပါတယ်။ ဟန်သီဒီမွေး နေ့လေးကို စောင့်နေခဲ့တာ။ လိုအပ်ချက်တွေ အများကြီးရှိမယ်လို့လည်း ထင်ပါတယ်။ အားလည်းအားနာသလို တအားလည်းပျော်ပါတယ်။ မွေး နေ့မှာ ဟန်သီ ကုသိုလ်ယူချင်တယ်။ ပျော်ပျော်ရွှင်ရွှင်နဲ့လည်း ဖြတ်သန်း ချင်တဲ့အတွက် မဟာစည်မှာ အလှူလာလုပ်ဖြစ်တာပါ။ တကယ် အဓိပ္ပာယ်ရှိသလို အမှတ်တရလည်း ဖြစ်ပါတယ်” လို့ မွေးနေ့ရှင် ဟန်သီကပြောပါတယ်။ ဒီနှစ်မွေးနေ့မှာတော့ ပရိသတ်တွေ ဖြစ်တဲ့ we love han thi  အဖွဲ့ က မွေးနေ့မတိုင်ခင်က ဟန်သီ့ ကို surprise လာလုပ်တာကြောင့် ဝမ်းသာပျော်ရွှင် ခဲ့ရကြောင်းလည်း ဟန်သီကပြောပါတယ်။

han1

“ဘောလုံးတွေ၊ ပန်းပွင့်တွေ ကိတ်မုန့်တွေနဲ့ရော surprise လာလုပ်ပေးတဲ့အတွက် တကယ်ဝမ်းသာပါ တယ်။ ပရိသတ်တွေရဲ့ စကားတစ်ခွန်းတိုင်း ဝေဖန်သံ တွေရော ဟန်သီ့ကို အားပေးတဲ့စကားသံတွေရော ဆုတောင်း ပေးတဲ့ စကားသံတွေအကုန်လုံးက ဟန်သီ့အတွက် အင်အားပါပဲ။ ပရိသတ်တွေ ကြောင့် ဟန်သီဆိုတာလည်း ဖြစ်လာတာပါ။ ဒီထက်ပိုပြီးလည်း ကြိုးစားသွား ပါ့မယ်” လို့ ပြောပါတယ်။

han3

ဟန်သီက ကိုယ့်ကိုယ်ကိုယ် မွေးနေ့ လက်ဆောင်ပေးတဲ့အနေနဲ့ သြဂုတ်လထဲမှာ အဆိုတော် Ariana Grande   ရဲ့ ဖျော်ဖြေပွဲကို ဘန်ကောက်မှာ သွားကြည့်ဖို့ စီစဉ်ထားတယ်လို့ သိရပါတယ်။ ပရိသတ်တွေအတွက် သီချင်းသစ်တွေလည်း သီဆိုဖို့ ပြင်ဆင်နေပြီး သရုပ် ဆောင်ပိုင်း နဲ့ရော သီချင်းတွေကို ပူးပေါင်းပြီး ထူးထူးခြားခြား တင်ဆက်ပေးဖို့ ရှိတယ်လို့ ဟန်သီက ပြောပါတယ်။

ခိုင်ဝေလွင်

ဓာတ်ပုံ-အောင်ဇော်မင်း

Comments (0)

Leave a reply

Your email address will not be published. Required fields are marked *

*