YBS အလွမ်း၊ တက္ကသိုလ်အလွမ်း

YBS အလွမ်း၊ တက္ကသိုလ်အလွမ်း
February 21, 2017 Asian Fame
YBS အလွမ်း၊ တက္ကသိုလ်အလွမ်း

ybs2

YBS ပြောင်းလဲလိုက်တဲ့ စနစ်သစ်တစ်ခု၊ အထာမကျသေးတဲ့ အခိုက်အတန့်ကာလ၊ ကားဂိတ်တွေမှာ ရုံးဆင်းချိန် ကျောင်း ဆင်းချိန် ကားတွေကြပ်၊ လူတွေညပ်ပြီး ယောက် ယက်ခတ်နေ တာကို မြင်ရတော့ ဟိုးအတိတ်တစ်ချိန် ရန်ကုန် တက္ကသိုလ်ကျောင်းသူ ဘဝ၊ ကားမှတ်တိုင်မှာ ကားမရလို့ အကျပ်ရိုက်ခဲ့ရတဲ့ ဖြစ်စဉ်လေး ကြေးမုံပြင်လို စိတ်အတွေးတရေးရေး ပေါ်လာခဲ့ပါပေါ့။ သူငယ်ချင်းတို့ရေ လွမ်းလိုက်ရတာဟယ်။

ဟိုးလွန်ခဲ့တဲ့ အနှစ်၃ဝနီးပါး ကာလတစ်ခု၊ ပြေငြိမ်းနဲ့ တင်နီလာဝင်းတို့ လျှမ်းလျှမ်းတောက် အောင်မြင်နေချိန်မှာပေါ့။ ဆံပင်ရှည်ရှည် လွယ်အိတ်ရှည်ရှည်၊ ထဘီတိုတို၊ ဒေါက်ဖိနပ်မြင့်မြင့်စီးပြီး စာအုပ် လက်မှာပိုက်လို့ ဒီမှာဟေ့ တက္ကသိုလ်ကျောင်းသူရယ်လို့ မြင်တာနဲ့ သိနိုင်အောင် စတိုင်လုပ်ရှိုးထုတ်ထားတဲ့ ကျွန်မတို့သူငယ်ချင်း ၄ယောက်၊ သောက နဲ့နပန်းလုံး ခံခဲ့ရတဲ့ ညနေခင်းလေးတစ်ခုမှာပေါ့နော်။ ထမင်း စားဖိတ်ထားတဲ့ မြေနီကုန်းက ကျွန်မအဒေါ်အိမ်ကို ထမင်းစားသွားဖို့အတွက် မိန်းထဲကထွက်၊ ကမာရွတ် ရဲစခန်းကိုကျော်ပြီး လှည်းတန်းလမ်းမကြီးပေါ်မှာ ကားစောင့်လေသတည်း ပေါ့။ ရုံးဆင်းချိန်၊ ကျောင်းဆင်းချိန်မို့ ရပ်လိုက်တဲ့ကားမှန်သမျှ လူတွေငါးပိငါးချဉ် သိပ်ကြပ်ညပ်နေတာမို့ လေးယောက်လုံးဘယ်လိုမျှတက်လို့မရ။ စတိုင်နဲ့မလိုင်နဲ့ ပိုက်ဆံအကုန်အကျခံပြီး တက္ကစီငှားစီးမယ် ဆိုတာတောင် လွတ်တဲ့တက္ကစီရယ် လို့ တစ်စီးမှမတွေ့ရလောက်အောင် ခရီးသည်တွေကလည်း ပေါပါဘိ။ တက္ကသိုလ် ကျောင်းသူတွေရဲ့ လှတပတရုပ်လေးတွေမှ မထောက်ထား၊ တက္ကစီကားသမားတွေ ကလည်း လက်ခါပြပြီး ပါစင်ဂျာပါပြီးသားမို့ ရပ်မပေး။ ရော်.. ခက်လှပါပေါ့။ ဒီလိုပုံနဲ့ မြေနီကုန်းဘယ်လိုရောက်ပါ့။ အစာအိမ်ရဲ့ အချက်ပေးခေါင်း လောင်း သံကလည်း ဘာမှမစားရသေးတဲ့ ကျွန်မတို့ကို ကျီစယ်လိုက်သမှ တဂွီဂွီတ ဂွမ်ဂွမ်နဲ့ပါ။ ဖိတ်ကျွေးတဲ့ထမင်းပွဲမှာ အဝတွယ်လိုက်မဟဲ့လို့ စိတ်ကူး ထားပြီး သကာလ ကျွန်မတို့ ခွဲတမ်းဟင်းတွေယူစားကြလို့ အဆောင်က သူငယ် ချင်းတွေကို စေတနာရေ စီးကမ်းပြိုလိုက်မှာခဲ့ပြီးသား။ ကားမရတဲ့ ဒုက္ခရင်ထဲ မှာ ဗလောင်ဆူပူလိုက်တာမှ ပူပူနဲ့တောင်နေသေး။ စားချင်တာတွေ ကြိုတင် မေးပြီး တကူးတက ချက်ကျွေးမယ့်ထမင်းဝိုင်းထဲက ငါးဖယ်ဆီပြန်၊ ကြက်သား ဘူးသီး ကာလသားချက်၊ ကြက်သဲကြက်မြစ်သုပ်၊ ပါးပိရည်တို့စရာ ကိုပြေးမြင် ခဏတံတွေးမျိုချရင်း ကြံစမ်းလို့ ဦးနှောက်ကို အလုပ်ပေးရင်းက ရလာတဲ့ အကြံအစည်ကို အကောင်အထည်ဖော်ဖို့ ကျွန်မတို့ရှေ့ကနေခေါက်တုံ့ ခေါက် ပြန်လျှောက်နေတဲ့ မော်တော်ပီကယ် မမလှလှလေးကို လှမ်းခေါ်လိုက်ပါတယ်။

” မမခင်မာဝေ” ကျွန်မရဲ့ ခေါ်သံမှာ ရုတ်တရက်အံ့အားသင့်သွားတဲ့ မော်တော်ပီကယ်အစ်မကို ကျွန်မလှိုက်လှိုက်လှဲလှဲပြုံးပြရင်း “မမဝေ တအား လှတာဘဲ ဒီလောက် နေပူကြီးထဲမှာနေရတာတောင် အသားအရေက မပျက်စီး ဘဲ လှနေတာနော်၊ အားကျလိုက်တာ”လို့ ရင်းနှီးတဲ့လေသံနဲ့ ကျွန်မက ပြော လိုက်တော့ ဇဝေဇဝါဖြစ်နေတဲ့ သူ့အမူအရာကို ပြင်လိုက်ရင်း “ညီမလေးတို့ ဘယ်သွားမလုိ့လဲ” လို့ ပါးချိုင့်ခွက်လေးပေါ်အောင် ပြုံးရင်းမေးပါလေရော။ ကျွန်မလိုချင်တဲ့ မိန်းပွိုင့်နက်နက်ထိလေ။ အောက်ဆုံးရောက်အောင်ပြုတ်ကျ လုလု စိတ်ဓာတ်ကို ပြန်ကောက်တင်ရင်း ကျွန်မက “မမဝေရေ၊ ညီမတို့ မြေနီ ကုန်းက အဒေါ့်အိမ် ထမင်းစားသွားမလို့ပါ။ ကားမရတော့ အခက်တွေ့နေ လို့ပါ။ အပြန်အချိန်မီ အဆောင်ပြန်ဝင်ရမှာမို့ အကူအညီ တောင်းချင်လို့မမ” လို့ ပြောလိုက်တော့ ” အေးအေး ခဏစောင့်၊ ဒီတစ်ခါမီးပွိုင့်နီရင် အဆင်ပြေအောင် စီစဉ်ပေးမယ်နော်” တဲ့။

ဟုတ်ကဲ့။ အဆင်ပြေလိုက်တာမှ ချောတဲ့မော် တော်ပီကယ်မမရဲ့အကူအညီတောင်းပေးမှုမှာ တစ်ယောက်တည်း ကားမောင်းလာတဲ့ ကိုယ်ပိုင်ကား မောင်းသူကလည်း လိုလိုလားလားပါ။ ကျွန်မတို့လည်း ဇိမ်ကျရင်း မော်တော် ပီကယ်မမကို လက်ပြရင်း မြေနီကုန်းကို ချောမွေ့စွာ ရောက်လေသတည်းပေါ့နော်။ ဒီဇာတ်လမ်းရဲ့ အဓိက စွမ်းဆောင်ရှင်က မော်တော်ပီကယ်မမပါ။ ဝန် ထမ်းတွေရဲ့ရင်ဘတ်နားမှာ ချိတ်ဆွဲထားတဲ့ နာမည်ကတ်လေးက အကူအညီ လိုရင် တောင်းနိုင်အောင် ချိတ်ဆွဲထားကြတာ ထင်ပါရဲ့။ ကျွန်မလည်း ဝန်ထမ်း နာမည်ကတ်လေးကိုကြည့်ပြီး တရင်းတနှီး ဆွေမျိုးစပ်ပြီး ကားရအောင် အကူ အညီတောင်းခံခဲ့ရတာပါနော်။ ခုလည်း YBS ကားတွေ အခက်အခဲ ဖြစ်နေချိန်မှာလည်း ပရဟိတ (အခမဲ့ယာဉ်)တွေ ကူညီမှုကြောင့် လိုရာခရီးကို (နည်းနည်း လေး စိတ်မောရတာကလွဲရင်) ချောချောမောမော ရောက်ကြတာပါပဲ။ အို၊ ကျွန်မချစ်တဲ့ ရန်ကုန်တက္ကသိုလ်၊ ကျွန်မချစ်တဲ့ သူငယ်ချင်းတွေရေ၊ YBS နဲ့ ဆက်စပ်ပြီး လွမ်းမိတာမို့  YBS အလွမ်း၊ တက္ကသိုလ်အလွမ်း တွေက ရင်ထဲမှာ .. ရင်ထဲမှာပေါ့။

စိမ်းမြမြ

Comments (0)

Leave a reply

Your email address will not be published. Required fields are marked *

*