ရုပ်ရှင်နဲ့ဗီဒီယိုသရုပ်ဆောင် လူ ရွှင်တော် ဦးချစ်စရာလို့ ပြောလိုက် တာနဲ့ အဲဒီအမည်နာမကို ပရိသတ် တွေ မသိသူမရှိသလောက်ပါပဲ။ ဒါ ပေမဲ့ ဦးချစ်စရာကတော့ အနုပညာ လောကနဲ့ ကင်းကွာသွားခဲ့တာ နှစ် အတော်ကြာခဲ့ပါပြီ။ လက်ရှိမှာတော့ သူက ရန်ကုန်မြို့ လှည်းတန်းမှာ တစ်ဦးတည်းနေ ထိုင်လျက်ရှိနေပါ တယ်။
သူ့အိမ်နံရံပေါ်မှာတော့ သူနဲ့သူ့ရဲ့ဇနီးတို့ တွဲရိုက်ထားတဲ့ ဓာတ်ပုံအဟောင်းလေးတချို့ကို မြင် တွေ့ရမှာ ဖြစ်ပါတယ်။ သူ့ရဲ့ ဇနီး ကတော့ သူ့ကို ထားရစ်ပြီး ကွယ်လွန် အနိစ္စ ရောက်ခဲ့ပါပြီ။ သူတို့တွေမှာ သားသမီးတွေလည်း မရှိခဲ့ပါဘူး။ ဘာကြောင့် သားသမီး မယူဖြစ်ခဲ့တာ လဲဆိုတော့ သူ့ရဲ့မိန်းမကို ချစ်လွန်း လို့ ဖြစ်တယ်လို့ ဦးချစ်စရာက ရိုးရိုး ရှင်းရှင်းဆိုပါတယ်။ ဘာကြောင့်လဲဆို တော့ သူ့ရဲ့ဇနီးမှာ ဆီးချိုသွေးချို ရောဂါရှိနေတာကြောင့်ပါ။ ကလေး ယူခဲ့ရင် မွေးတဲ့အခါမှာ ကလေး အသက်နဲ့ ဇနီးအသက် နှစ်ခုကို ရွေး ရတဲ့ အခြေအနေတွေ ရှိလာနိုင်တာ ကြောင့် ဦးချစ်စရာတို့ ဇနီးမောင်နှံ ဟာ ကလေးမယူဖို့ ဆုံးဖြတ်ခဲ့ကြတာ ဖြစ်ပါတယ်။ ဦးချစ်စရာကတော့ နောင်တမရခဲ့ဘူးဆိုပေမယ့်လည်း သူ့ဇနီးထားရစ်ခဲ့ပြီး နောက်ပိုင်းရက် တွေမှာတော့ တစ်ခါတလေ သူတစ် ယောက်တည်း အထီးကျန်တတ်တာ မျိုးတွေ ရှိလာတယ်လို့လည်း ပေါ်ပြူ လာဂျာနယ်နဲ့ တွေ့ဆုံတော့ ပြောပြ ပါတယ်။
နောက်တစ်ခု ဦးချစ်စရာလွမ်းမိ နေတာကတော့ သူကျင်လည်ခဲ့တဲ့ ရုပ်ရှင်လောကပဲ ဖြစ်ပါတယ်။ သူ ကိုယ်တိုင်ကလည်း အသက်အရွယ်ရ လာတဲ့အချိန် ကျန်းမာရေးကလည်း မကောင်းတော့တာကြောင့် အနု ပညာလောကကို စွန့်ခွာခဲ့ပေမယ့် လက်ရှိမှာတော့ သူ့ဇာတ်ကားတွေကို ရုပ်သံတွေမှာကြည့်ရှုဖြစ်တိုင်း ပြန် လွမ်းနေရတယ်လို့ မျက်ရည်ဝဲရင်း ဆိုပါတယ်။
“အနုပညာလောကကို မလွမ်း ဘူးလားမေးတိုင်း မျက်ရည်ဝဲရတယ်။ လွမ်းတာပေါ့ဗျာ။ ကိုယ်လုပ်ခဲ့တဲ့ အနုပညာ သရုပ်ဆောင်ချက်လေး တွေ တီဗီကလာတိုင်း အောက်မေ့ သတိရတယ်။ ကိုယ့်အပေါင်းအသင်း မိတ်ဆွေတွေအားလုံးကို သတိရ တယ်။ ပြီးတော့ ပရိသတ်ကိုလည်း အားနာရတယ်။ ကိုယ်က အသက် အရွယ်ကြီးသွားတော့ ဘာမှ မလုပ် နိုင်တော့ဘူး။ ပရိသတ်တွေက ကျွန် တော်တို့ရဲ့ ထမင်းရှင်၊ ဟင်းရှင် အစစ်တွေပါ။ တကယ်အားနာပါ တယ်။ အဲဒါကြောင့် ကျွန်တော်တို့ ပါဝင်တဲ့ ဇာတ်ကားလေးတွေ လာ တိုင်း ပြန်လည် အားပေးပါဦးလို့ပဲ တောင်း ဆိုနိုင်တော့တယ်။ ကျေးဇူး တင်ပါတယ်ဗျာ” လို့ ဦးချစ်စရာက ပြောပြပေးပါတယ်။
အသက်အရွယ်ကြီးလာတဲ့အခါ ရောဂါဘယတွေကလည်း အမျိုးမျိုး ဝင်လာနေတော့ ဆေးဖိုးဝါးခတွေရဲ့ ကုန်ကျစရိတ်တွေဟာလည်း မနည်း မနောပါလို့ ဦးချစ်စရာက ဆိုတယ်။ တဖြည်းဖြည်းနဲ့ ဆေးဖိုးဝါးခ အကျပ် အတည်းတွေ ဒုက္ခလည်း ကြုံဆုံလာ ရတယ်လို့ ဆက်ပြီး စကားဆိုတယ်။ အဲဒါကြောင့်လည်း လက်ရှိမှာ သူတို့ လို ဇာတ်ပို့ဇာတ်ရံနေရာကနေ ကျင် လည်ဖြတ်သန်းနေကြရတဲ့ အနုပညာ ရှင်တွေကို မှာချင်တာက မဖြုန်းပါနဲ့၊ အကျိုးရှိအောင် အသုံးချကြပါ။ ဆင် ခြင်တုံတရားနဲ့ သုံးသပ်ပြီး ဖြတ်သန်း ကြပါလို့ ဆုံးမစကား ပြောဆိုပါတယ်။
“ဒီဘက်ခေတ် ဇာတ်ပို့လေးတွေ ကံကောင်းကြတယ်။ ရုပ်သံတွေ ရှိ လာတယ်။ ရုပ်ရှင်တွေ ပြန်လည် ရှင် သန်လာတယ်။ ဒါပေမဲ့ ဗီဒီယိုတော့ သိပ်မရှိတော့ဘူးပေါ့နော်။ အဲဒီတော့ အခုအချိန်မှာ ရှာဖွေလို့ ကောင်းနေ တဲ့ သူတွေကို မှာချင်တာရှိတယ်။ ရတုန်းမှာ၊ ရတဲ့အချိန်မှာ ရရှိလာတဲ့ ငွေတွေကို စုစည်းပါ။ စုဆောင်းပါ။ ဖြုန်းတာနဲ့ သုံးတာနဲ့ မတူဘူးလေ။ အရင်းအနှီးရတဲ့ တစ်ခုခု စုဆောင်း ကြပါ။ အလုပ်ပါးလာတဲ့အချိန် ငွေ ကြေးအခက်အခဲဆိုတာ ကြုံလာနိုင် ပါတယ်။ အဲဒီတော့ ဆင်ခြင်တုံတရား နဲ့ ဝေဖန်ပိုင်းခြားပြီးတော့ ဖြတ်သန်း ကြပါ။ အိုစာမင်းစာအတွက် စု ဆောင်းကြပါလို့ပဲ မှာချင်ပါတယ်”လို့ ဦးချစ်စရာက ပြောပြပေးခဲ့ပါတယ်။
ထက်လူ