ဝါရှင်တန်၊ဧပြီ ၁၄
အမေရိကအနေဖြင့် အီရန်က နျူကလီးယားလက်နက်မရေစရေးအတွက် သံတမန်နည်းလမ်းဖြင့်သာဆောင်ရွက်သွားရန် မျှော်လင့်ထားသော်လည်း သံတမန်နည်းလမ်းဖြင့် မအောင်မြင်ပါက စစ်ရေး နည်လမ်းကို အသုံးပြုရန်အတွက်အမေရိကန်စစ်တပ်ကအဆင်သင့်ဖြစ်နေပြီဟု ကာကွယ်ရေးဝန်ကြီးကပြောကြားခဲ့သည်။
အီရန်၏နျူကလီးယားကိစ္စနှင့်ပတ်သက်၍ အနောက်နိုင်ငံများ၏သည် စိုးရိမ်မှုများမြင့်တက်လျက်ရှိပြီး အဆိုပါပြဿနာကို ဖြေရှင်းနိုင်ရန် အမေရိကနှင့်အီရန်ကိုယ်စားလှယ်များ အိုမန်၌ စနေနေ့ကတွေ့ဆုံဆွေးနွေးခဲ့ကြသေးသည်။
အမေရိကန်ကာကွယ်ရေးဝန်ကြီး ပိတ်ဟက်ဆက်ကမူ အိုမန်၌ကနဦးသဘောတွေ့ဆုံမှုသည် အကျိုးဖြစ်ထွန်းခဲ့ပြီး ခြေလှမ်းကောင်းတစ်ရပ်အဖြစ်သတ်မှတ်ခဲ့ကြောင်းပြောကြားခဲ့သည်။
“အမေရိကအနေနဲ့ စစ်ရေးအရဖြေရှင်းလိုတဲ့ဆန္ဒမရှိပါဘူး၊ဒါပေမဲ့ လိုအပ်လာရင်တော့လည်း စစ်အင်အားကိုထုတ်သုံးသွားမှာဖြစ်ပြီး နျူကလီးယားလက်နက်တွေ အီရန်လက်ထဲမရောက်ဖို့ နည်းလမ်းကုန်သုံးပြီး ကြိုးပမ်းသွားမှာပါ” ဟုလည်း၄င်းက ပြောကြားခဲ့သည်။
“အိုမန်မှာလုပ်တဲ့ဆွေးနွေးမှုတွေမအောင်မြင်ခဲ့ရင် အစ္စရေးနဲ့ပေါင်းပြီး အီရန်ကိုစစ်ရေးအရအရေးယူသွားမှာပါ” ဟုလည်း အမေရိကန်သမ္မတထရမ့်ပ်ကပြောကြားခဲ့သည်။
Source : ဆော့ထ်ချိုင်းနားမောနင်းပို့စ်ထ်