တုံကင်ပင်လယ်ကွေ့အနောက်မြောက်ဘက်တွင် အား ကောင်းသောအပူပိုင်းမုန်တိုင်း”မိုင်ဆက်ခ်”နှင့် ဘင်္ဂလားပင်လယ်အော်အနောက်မြောက်ပိုင်းနှင့် ယင်းနှင့်ဆက်စပ်လျက်ရှိသော အိန္ဒိယနိုင်ငံ၊ ဩရိဿပြည်နယ်မြောက်ပိုင်း-အနောက်ဘင်္ဂလားပြည်နယ်ကမ်းခြေတို့တွင် အားကောင်းသောလေဖိအားနည်းရပ်ဝန်းတို့ဖြစ်ပေါ်လျက်ရှိကြောင်း မိုးဇလထံမှ သိရသည်။
ယင်း အခြေအနေနှစ်ရပ်ကြောင့် မနက်ဖြန် ဇူလိုင် ၅ ရက်မွန်းတည့်ပိုင်းအထိ ရန်ကုန်တိုင်း၊ ပဲခူးတိုင်း၊ မ ကွေးတိုင်း၊ ဧရာဝတီတိုင်း၊ တနင်္သာရီတိုင်း၊ ကရင်ပြည် နယ်၊ ချင်းပြည်နယ်၊ မွန်ပြည်နယ်နှင့် ရှမ်းပြည်နယ်တို့တွင် နေရာကွက်၍မိုးကြီးနိုင်ကြောင်း သိရသည်။
ထို့ပြင် ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ စစ် ကိုင်းတိုင်း(အထက်ပိုင်း)၊ ဧရာဝတီတိုင်း၊ ကချင်ပြည် နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် မိုးတိမ်တောင်များဖြစ်ထွန်းလျက်ရှိရာ ဖြစ်ပေါ် လာနိုင်သည့် မိုးလေဝသဖြစ်စဉ်များကိုကြိုတင်သတိ ပြုကြရန် မိုးဇလကအသိပေးခဲ့ကြောင်း သိရသည်။
မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင်လည်း မကြာခဏ မိုးသက်လေပြင်းများကျရောက်ပြီး လှိုင်းကြီးရာမှလှိုင်းအလွန်ကြီးနိုင်သည်ဟုလည်း မိုးဇလကအသိပေးခဲ့ကြောင်း သိရသည်။