ဝါရှင်တန်၊ဒီဇင်ဘာ ၃၀
အမေရိကန်ပြည်ထောင်စု၏ ၃၉ ဦးမြောက်သမ္မတ ဂျင်မီကာတာသည် အသက် ၁၀၀ နှစ်အရွယ်၌ ကွယ်လွန်သွားခဲ့ပြီဖြစ်ကြောင်းသိရသည်။
၎င်းသည် အမေရိကန်သမ္မတအဖြစ် တာဝန်ယူထားစဉ်က အရှေ့အလယ်ပိုင်း၌ ငြိမ်းချမ်းရေးဖော်ဆောင်နိုင်ခဲ့သူတစ်ဦးလည်းဖြစ်ကာ ကမ္ဘာလုံးဆိုင်ရာကျန်းမာရေးနှင့်လူ့အခွင့်အရေးဆိုင်ရာကိစ္စများ ကိုစွမ်းစွမ်းတမံဆောင်ရွက်ခဲ့သူတစ်ဦးလည်းဖြစ်သည်။
ဂျင်မီသည် ဒီမိုကရက်ပါတီမှသမ္မတတစ်ဦးဖြစ်ပြီး အမေရိကန်သမ္မတအဖြစ် တစ်ကြိမ်သာတာဝန်ထမ်းဆောင်ခဲ့သော်လည်း နောက်ပိုင်းတွင် လူ့အခွင့်အရေးအတွက် တက်တက်ကြွကြွလှုပ်ရှားဆောင်ရွက်ခဲ့မှုများကြောင့် ၂၀၀၂ ခုနှစ်တွင် နို့ဘဲလ်ဆုရရှိခဲ့သည်။
ဂျင်မီသည် အမေရိကန်သမ္မတဟောင်းများအနက် အသက်အရှည်ဆုံးပုဂ္ဂိုလ်တစ်ဦးဖြစ်ခဲ့ကာ ၎င်း၏ဇနီးသည် အသက် ၉၆ နှစ်အရွယ် ပြီးခဲ့သည့်နိုဝင်ဘာလက ကွယ်လွန်ခဲ့ခြင်းဖြစ်ပြီး ၎င်းတို့နှစ်ဦးသည် ၁၉၄၆ ခုနှစ်ကတည်းက လက်ထပ်ခဲ့ကြခြင်းဖြစ်သည်။
မစ္စတာဂျင်မီကာတာသည် ၁၉၇၇ ခုနှစ်မှ ၁၉၈၁ ခုနှစ်အထိ အမေရိကန်သမ္မတ တာဝန် ကို ထမ်းဆောင်ခဲ့ခြင်းဖြစ်ပြီး ကျန်းမာရေးအခြေအနေအရ ဆေးရုံတက်နေခဲ့ရသော်လည်း ၂၀၂၃ ခုနှစ်တွင် ၎င်းက အိမ်၌သာမိသားစုနှင့်အတူအချိန်ကုန်ဆုံးလိုကြောင်းပြောကြားခဲ့သဖြင့် နေအိမ်သို့ခေါ်လာခြင်းဖြစ်ကြောင်းသိရသည်။
Source : သည်ဂါးဒီးယန်း