အီရန်၏ နျူကလီးယားအစီအစဉ်နှင့် ပတ်သက်၍ ဖြစ်နိုင်ခြေရှိသော သဘောတူညီချက်အရ ဝါရှင်တန်အစိုးရသည် အီရန်ကို ယူရေနီယမ် များစွာသိုလှောင်မှု ပြုလုပ်ခွင့်ပြုမည် မဟုတ်ကြောင်း အမေရိကန်သမ္မတ ဒေါ်နယ်ထရမ့်က ပြောကြားခဲ့သည်။
“Autopen(ယခင် အမေရိကန်သမ္မတ ဂျိုးဘိုင်ဒန်က အလိုအလျောက်လက်မှတ်ထိုးစက်ဖြင့် လက်မှတ်များရေးထိုးခဲ့ခြင်းကို ရည်ညွှန်းပြောဆိုခြင်း)ဟာ အီရန်ကို ယူရေနီယမ် များစွာသိုလှောင်မှုလုပ်တာကို လွန်ခဲ့တဲ့အချိန်ကတည်းက ရပ်တန့်ခဲ့သင့်တယ်။ ကျွန်တော်တို့ရဲ့ ဖြစ်နိုင်ခြေရှိတဲ့ သဘောတူညီချက်အောက်မှာ – အီရန်ကို ယူရေနီယမ် များစွာသိုလှောင်မှုကို လုံးဝခွင့်ပြုမှာ မဟုတ်ဘူး!” ဟု သူက Truth Social လူမှုကွန်ရက်တွင် ရေးသားခဲ့သည်။
မေလ ၃၀ ရက်နေ့တွင် အမေရိကန်ပြည်ထောင်စုမှ အီရန်သို့ ပေးအပ်ခဲ့သော နျူကလီးယား သဘောတူညီချက် အဆိုပြုချက်သည် အီရန်မြေပေါ်တွင် အချိန်ကာလတစ်ခုအထိ ကန့်သတ်ထားသော အနိမ့်ဆုံးအဆင့် ယူရေနီယမ် သိုလှောင်မှုကို ခွင့်ပြုမည်ဟု ဖော်ပြခဲ့ပြီး ထိပ်တန်းအရာရှိများ၏ လူသိရှင်ကြား ပြောဆိုချက်များနှင့် ကွဲလွဲနေသည်ဟု Axios သတင်းဝက်ဘ်ဆိုက်က ရေးသားခဲ့သည်။