အနုပညာလက်ရာစုံလှပြီး ဗုဒ္ဒသာသာနှင့်ပတ်သက်သည့် သမိုင်းကြောင်း အ​ထောက်ထားများရှိသည့် Leo Bardamov ပြတိုက်အား နစက ဥက္ကဋ္ဌ၏ ဇနီးကြည့်ရှုလေ့လာ

နစက ဥက္ကဋ္ဌ၊ နိုင်ငံတော်ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်နှင့်အတူ ရုရှားနိုင်ငံ၊ ဘူရားတီးယား ပြည်နယ်၊ အူလန်အူ​ဒေးမြို့သို့ရောက်ရှိနေသည့် နစက ဥက္ကဋ္ဌ၏ ဇနီးဒေါ်ကြူကြူလှသည် ယနေ့ ဇွန် ၂၉ ရက်နံနက်ပိုင်းက Leo Bardamov ပြတိုက်ကို သွားရောက်လေ့လာကြည့်ရှုခဲ့သည်။

အဆိုပါ Leo Bardamov ပြတိုက်သည် အူလန်အူ​ဒေးမြို့တွင်တည်ရှိပြီး ရှေးခေတ်ဆိုဗီယက်လူမျိုးတို့၏ ယဉ်ကျေးမှုအနုပညာလက်ရာများ၊ သမိုင်း ကြောင်းများနှင့် စာပေများကိုလေ့လာနိုင်သည့်အ ပြင် ဗုဒ္ဒသာသာနှင့်ပတ်သက်သည့် သမိုင်းကြောင်းများ၊ ဆင်းတုတော်များနှင့် ၂၀ ရာစုနှစ်အနုပညာရှင်တို့၏ လက်ရာများကိုလေ့လာခံစားနိုင်ပြီး ပြ တိုက်အတွင်း၌ စာပေယဉ်ကျေးမှု၊ ပန်းချီများ၊ အ သုံးအဆောင်များစသည့် အနုပညာလက်ရာအမျိုးအစားပေါင်း(၅,၀၀၀)ကျော်ပြသထားသည်။

ခန်းမကြီး ခြောက်ခန်းပါဝင်​သောနှစ်ထပ်ပြခန်းတွင် အရှားပါးဆုံးစာအုပ်များ၊ ​ရှေး​ဟောင်းအိမ်သုံးပစ္စည်းများ၊ ခေတ်ဟောင်းပုလင်းများနှင့် မြေပုံဟောင်းများကို စုံလင်စွာ ခင်းကျင်းပြသထားသည်။

ရုရှားနိုင်ငံ၏ တော်လှန်ရေးမတိုင်မီ​ခေတ်က ပစ္စည်းများ၊  လွန်ခဲ့သည့်နှစ်ပေါင်းနှစ်ရာကျော်ကပစ္စည်းများလည်းရှိသည်။ ဗုဒ္ဓမတိုင်မီနှင့် ဗုဒ္ဓဘာသာ အထောက်အထားများကိုလည်းပြသထားသည်။