အကြမ်းဖက်အဖွဲ့ဝင်များဖျ-က်ဆီးခဲ့သည့် ရှမ်းပြည်နယ်၊ ကျောက်မဲမြို့နယ်ရှိ အထက်ရဲရွာရေအားလျှပ်စစ်စီမံကိန်းအား ပြန်လည်ပြင်ဆင်မှုများပြုလုပ်လျက်ရှိကြောင်း သိရသည်။
အကြမ်းဖက်အဖွဲများ၏ဖျ-က်ဆီးမှုကြောင့် ကျောက်မဲမြို့ပေါ်ရှိ စီမံကိန်းအခြေစိုက်စခန်းတွင် ငွေကျပ်သန်း (၈၀၀)ခန့်နှင့် အထက်ရဲရွာရေအားလျှပ်စစ်စီမံကိန်းတွင် အဆောက်အအုံများနှင့် မြို့ပြတည်ဆောက်မှုလုပ်ငန်းသုံးပစ္စည်းများ၊ စက်ပစ္စည်းများ၊ စက်/ယာဉ် ယန္တရားများ၊ ဓာတ်အားခွဲရုံနှင့် ဓာတ်အားလိုင်းများ ငွေကျပ် (၂၆)ဘီလီယံခန့်ပျ-က်စီးဆုံးရှုံးခဲ့ကြောင်း သိရသည်။
ထို့ပြင် ပြည်ပနိုင်ငံမှတင်သွင်းတပ်ဆင်ရသော စက်မှုလျှပ်စစ်ပစ္စည်းများ၏ ပျ-က်စီးဆုံးရှုံးမှုတန်ဖိုးသိရှိနိုင်ရန် ယင်း ပစ္စည်းများတင်သွင်းတပ်ဆင်ရန် စာချုပ်ချုပ်ဆိုထားသော ပြည်ပကုမ္ပဏီနှင့် ဌာနမှကျွမ်းကျင်အင်ဂျင်နီယာပညာရှင်များပူးပေါင်း၍ အသေးစိတ်စစ်ဆေးခြင်းနှင့် တန်ဖိုးသင့်တွက်ချက်ခြင်းများကိုလည်းဆောင်ရွက်လျက်ရှိကြောင်း သိရသည်။
ကျောက်မဲမြို့ပေါ်ရှိ စီမံကိန်းအခြေစိုက်စခန်းရုံးနှင့် ဝန် ထမ်းအိမ်ရာအဆောက်အအုံများပြန်လည်ပြုပြင်တည် ဆောက်ခြင်းကို ၂၀၂၅-၂၀၂၆ ဘဏ္ဍာရေးနှစ်တွင်ပြီး စီးခဲ့၍ ကျောက်မဲမြို့၌ နိုင်ငံတော်ဓာတ်အားစနစ်မှ လျှပ်စစ်မီးပြန်လည်ရရှိသည်နှင့် ကျောက်မဲမြို့စီမံ ကိန်းအခြေစိုက်စခန်းတွင် ထရန်စဖော်မာများပြန်လည်တပ်ဆင်ခြင်း၊ ဓာတ်အားလိုင်းများပြန်လည်ပြုပြင်တပ်ဆင်ခြင်းများကို ဆက်လက်ဆောင်ရွက်သွားမည်ဖြစ် ကြောင်း သိရသည်။
ထို့အတူ အထက်ရဲရွာရေအားလျှပ်စစ်စီမံကိန်းလုပ် ငန်းခွင်စခန်းတွင် စီမံကိန်းအဝင်လမ်းများပြန်လည်ပြု ပြင်အဆင့်မြှင့်တင်ခြင်း၊ စီမံကိန်းရှင်းလင်းဆောင်နှင့် ဝန်ထမ်းအိမ်ရာများပြုပြင်မွမ်းမံတည်ဆောက်ခြင်း၊ ရေမီးရရှိရေးလုပ်ငန်းများနှင့် တည်ဆောက်ရေးလုပ်ငန်းသုံးလျှပ်စစ်ဓာတ်အားလိုင်းပြန်လည်ပြုပြင်ခြင်းတို့လည်းကို ၂၀၂၆-၂၀၂၇ ဘဏ္ဍာရေးနှစ်မှစတင်ဆောင်ရွက်လျက်ရှိပြီး ပျ-က်စီးဆုံးရှုံးခဲ့မှုများကို ပြည်ထောင်စုဘဏ္ဍာရန်ပုံငွေမှကျခံ၍ ဆက်လက်ပြုပြင်ဆောင်ရွက်သွားမည်ဖြစ်ကြောင်း သိရသည်။
အထက်ရဲရွာရေအားလျှပ်စစ်စီမံကိန်းသည် ရှမ်းပြည် နယ်(မြောက်ပိုင်း) ကျောက်မဲမြို့၏ တောင်ဘက်မိုင် (၂၀)ခန့်အကွာ၊ တောင်ခြေကျေးရွာအနီး ဒုဋ္ဌဝတီမြစ် (မြစ်ငယ်မြစ်)ပေါ်တွင်တည်ရှိကာ စီမံကိန်း(၂၈၀ မဂ္ဂါဝပ်)ကို ၂၀၁၀-၂၀၁၁ ဘဏ္ဍာရေးနှစ်မှစတင်ပြီး အကောင်အထည်ဖော်ဆောင်ရွက်ခဲ့ရာ လက်ရှိအချိန်တွင် စီမံကိန်းတစ်ခုလုံး၏ (၅၃ ဒသမ ၉၅)ရာနှုန်းပြီးစီးပြီဖြစ်ကြောင်း သိရသည်။
အဆိုပါ အထက်ရဲရွာရေအားလျှပ်စစ်စီမံကိန်းအား ၂၀၂၉-၂၀၃၀ ဘဏ္ဍာရေးနှစ်တွင်ပြီးစီးရန်လျာထားဆောင်ရွက်လျက်ရှိကာ စီမံကိန်းတစ်ခုလုံးပြီးစီးပါက ပျမ်းမျှလျှပ်စစ်ဓာတ်အား ယူနစ်(၁,၄၀၉)သန်း နှစ်စဉ်ထုတ်လုပ်၍ မဟာဓာတ်အားလိုင်းမှတစ်ဆင့် ရှမ်းပြည်နယ်အပါအဝင် မြန်မာနိုင်ငံလူဦးရေ(၃ ဒသမ ၇)သန်းအား လျှပ်စစ်ဓာတ်အားတိုးတက်ဖြန့်ဖြူးပေးနိုင်မည်ဖြစ်ကြောင်း သိရသည်။