မစ္စတာဟွန်ဆန်သည် ဧပြီလ ၃ ရက်က မြန်မာနိုင်ငံ၏ သမ္မတအဖြစ် ရွေးချယ်တင်မြှောက်ခြင်းခံရသော ဗိုလ်ချုပ်မှူးကြီး မင်းအောင်လှိုင်ထံသို့လည်း မနေ့က ရက်စွဲဖြင့် ဂုဏ်ပြုသဝဏ်လွှာတစ်စောင် ပေးပို့ခဲ့သည်။
“ကျွန်ုပ်တို့ နှစ်နိုင်ငံကြားက တူညီတဲ့ ယဉ်ကျေးမှုနဲ့ ကိုးကွယ်ယုံကြည်မှုဆိုင်ရာ နီးစပ်မှုတွေအပြင် အပြန်အလှန် လေးစားမှုနဲ့ နားလည်မှုတွေကြောင့် နက်ရှိုင်းစွာ ဆက်နွှယ်နေတဲ့ နှစ်နိုင်ငံဆက်ဆံရေး၊ ပူးပေါင်းဆောင်ရွက်မှုနဲ့ နှစ်ရှည်လများ ချစ်ကြည်ရင်းနှီးမှုတွေကို ကျွန်ုပ်အနေနဲ့ အထူးတန်ဖိုးထားပါတယ်။ အဆွေတော်ရဲ့ သမ္မတသက်တမ်းအတွင်းမှာ ဒီလိုဆက်ဆံရေးနဲ့ ပူးပေါင်းဆောင်ရွက်မှုတွေဟာ ကျွန်ုပ်တို့နိုင်ငံတွေရဲ့ လက်တွေ့ကျတဲ့ အပြန်အလှန် အကျိုးစီးပွားတွေအတွက် ဆက်လက်တိုးတက်နေလိမ့်မယ်လို့ ယုံကြည်ပါတယ်” ဟု ၎င်းက ဆိုသည်။
၎င်းသည် နှစ်နိုင်ငံပြည်သူများ၏ အကျိုးစီးပွားအတွက် နှစ်နိုင်ငံဆက်ဆံရေး၊ ချစ်ကြည်ရေးနှင့် ပူးပေါင်းဆောင်ရွက်မှုများကို ပိုမိုခိုင်မာစေရန်၊ ဒေသတွင်းနှင့် ဒေသပြင်ပ ငြိမ်းချမ်းရေး၊ တည်ငြိမ်ရေးနှင့် သာယာဝပြောရေးတို့ကို အထောက်အကူပြုနိုင်ရန် ဗိုလ်ချုပ်မှူးကြီး မင်းအောင်လှိုင်နှင့်အတူ နီးကပ်စွာ ဆက်လက်လုပ်ဆောင်သွားရန် အသင့်ရှိကြောင်း ဖော်ပြခဲ့သည်။
Ref: ခမာတိုင်းမ်စ်
