ရေလက်ကြား၌ယူအက်စ်နှင့် အီရန်တို့ အသစ်တဖန်တိုက်ခိုက်ကြပြန်

ရေလမ်းကြောင်းကို အပြိုင်ပိတ်ဆို့ကာ ဟော်မုဇ်ရေလက်ကြားကို ထိန်းချုပ်နိုင်ရန် ကြိုးပမ်းနေသည့် အမေရိကနှင့် အီရန်တို့သည် တနင်္လာနေ့တွင် အသစ်တဖန်တိုက်ခိုက်ကြသဖြင် အပစ်ရပ်ရေးကို ထိခိုက်စေခဲ့သည်။

သောင်တင်နေသော ရေနံတင်သင်္ဘောများနှင့် အခြားသင်္ဘောများ ရေလက်ကြားကို ဖြတ်သန်းသွားနိုင်ရန် သမ္မတဒေါ်နယ်ထရမ့်ပ်က အစီအစဉ်သစ်တစ်ခု စတင်လိုက်ပြီးနောက် ဒုံးကျည်များနှင့် ဒရုန်းပစ်ခတ်မှုများ ပေါ်ပေါက်လာခြင်းဖြစ်သည်။

တနင်္လာနေ့ မကုန်ဆုံးမီတွင် ပင်လယ်ကွေ့ရှိ ကုန်တင်သင်္ဘောများစွာသည် ပေါက်ကွဲမှုများ သို့မဟုတ် မီးလောင်မှုများဖြစ်ပွားခဲ့ကြောင်း သတင်းများထွက်ခဲ့ပြီး အီရန်စစ်သင်္ဘောငယ် ခြောက်စင်းကို ဖျက် ဆီးခဲ့သည်ဟု အမေရိက,က ပြောကြားခဲ့သည်။ အမေရိကန်အခြေစိုက်စခန်းကြီးတစ်ခု တည်ရှိရာ အာရပ်စော်ဘွားများပြည်ထောင်စု(ယူအေအီး) ရှိ ရေနံဆိပ်ကမ်းတစ်ခုသည် အီရန်ဒုံးကျည်များ ထိမှန်မှုကြောင့် မီးလောင်ခဲ့သည်။

အမေရိကသည် အီရန်သင်္ဘောငယ် ခုနစ်စင်းကို ပစ်ခတ်နှစ်မြုပ်ခဲ့ကြောင်း ထရုဆိုရှယ်ပို့စ်တစ်ခုတွင် ထရမ့်ပ်က ပြောခဲ့ပြီး အဆိုပါ သင်္ဘောများသည် အီရန်လက်တွင်း ကျန်ရှိသမျှအကုန်ဖြစ်ကြောင်း ထပ်လောင်းပြောကြားခဲ့သည်။

Ref: စီအင်န်အေ