၂၀၂၅ ခုနှစ်၊ ဇွန် ၂၆ ရက်တွင်ကျရောက်သည့် အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတို-က်ဖျ-က်ရေးနေ့အထိမ်းအမှတ်အဖြစ် တစ်နှစ်တာကာလအတွင်းဖမ်းဆီးရမိ မူးယစ်ဆေးဝါးများ၊ ဓာတုပစ္စည်းများကို ယနေ့ ဇွန် ၂၆ ရက်ကမီးရှို့ဖျ-က်ဆီးခဲ့ကြသည်။
ထိုသို့ ပြုလုပ်ရာ ရန်ကုန်တိုင်း၊ လှိုင်သာယာ(အ နောက်ပိုင်း)မြို့နယ်၊ ကုန်တင်ယာဉ်ရပ်နားကွင်း၌ ကျင်းပသည့် ဖမ်းဆီးရမိမူးယစ်ဆေးဝါးများမီးရှို့ဖျ-က်ဆီးခြင်းအခမ်းအနားတွင် ငွေကျပ်(၄၂၄)ဘီလီယံခန့်(အမေရိကန်ဒေါ်လာ ၁၁၈ သန်းခန့်)အား မီးရှို့ဖျ-က်ဆီးခဲ့ကြသည်။
ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ တနင်္သာရီတိုင်း၊ မွန်ပြည်နယ်၊ ကရင်ပြည်နယ်နှင့် ရခိုင်ပြည်နယ်တို့မှဖမ်းဆီးရမိခဲ့သော ဘိန်း(၃၅)ကီလိုခန့်၊ ဘိန်းဖြူ(၁၇၃)ကီလိုကျော်၊ စိတ်ကြွဆေးပြား(၇၃) သန်းကျော်၊ အိုက်စ်(၁၀,၄၇၆)ကီလိုကျော်၊ စိတ်ပြောင်းဆေးဝါး (Happy Water) ၃၂ ကီလိုကျော်၊ ဘိန်းစာမှုန့်(၁၁၄)ကီလိုကျော်၊ ကက်တမင်း (၅,၇၆၄)ကီလိုကျော်၊ ဆေးခြောက်(၄၀၄)ကီလိုကျော်အပါအဝင် မူးယစ်ဆေးဝါး(၂၅)မျိုးနှင့် ဓာ တုပစ္စည်း(၁၁)မျိုးတို့ကို မီးရှို့ဖျ-က်ဆီးခဲ့ကြသည်။
ယခုနှစ်တွင် ဖမ်းဆီးရမိမူးယစ်ဆေးဝါးများနှင့် ဓာတုပစ္စည်းများ မီးရှို့၊ မြေမြှုပ်ဖျ-က်ဆီးခြင်းကို တောင်ကြီးမြို့၊ ရန်ကုန်မြို့၊ မန္တလေးမြို့၊ စစ်ကိုင်း တိုင်းရှိ တမူးမြို့၊ ကသာမြို့နှင့် ရွှေဘိုမြို့တို့တွင်ကျင်းပခဲ့ရာ ဘိန်း(၁,၃၃၄)ကီလိုကျော်၊ ဘိန်းဖြူ (၁,၇၄၄)ကီလိုကျော်၊ စိတ်ကြွဆေးပြား(၂၈၁)သန်းကျော်၊ အိုက်စ်(၁၆,၂၁၀)ကီလိုကျော်၊ စိတ်ပြောင်းဆေးဝါး (Happy Water) ၂၁၅ ကီလိုကျော်၊ ဘိန်းစာမှုန့်(၁၁၄)ကီလိုကျော်၊ ဆေးခြောက်(၅၉၇)ကီလိုကျော်နှင့် ကက်တမင်း(၈,၅၇၃)ကီလိုကျော်အပါအဝင် မူးယစ်ဆေးဝါးနှင့် ဓာတုပစ္စည်း(၆၆)မျိုး ငွေကျပ်(၁,၀၇၂)ဘီလီယံကျော်(အမေရိကန်ဒေါ်လာ ၂၉၇ သန်းကျော်)တို့အား ဖျက်ဆီးခဲ့ကြသည်။