ပြုံယမ်း၊ ဩဂုတ် ၃၁
မြောက်ကိုရီးယားခေါင်းဆောင် ကင်မ်ဂျုံအန်သည် နိုင်ငံ၏ အကြီးတန်းစစ်ဘက်ခေါင်းဆောင်ပိုင်းကို ပြင်ဆင်ဖွဲ့စည်းခဲ့ပြီး ကင်ဆောင်ဂီ (Kim Song Gi) ကို ကာကွယ်ရေးဝန်ကြီးအသစ်အဖြစ် ခန့်အပ်ခဲ့ကြောင်း နိုင်ငံပိုင် KCNA သတင်းဌာနက ဖော်ပြသည်။
ယခင်က စစ်တပ်၏ နိုင်ငံရေးဗျူရိုညွှန်ကြားရေးမှူးအဖြစ် တာဝန်ထမ်းဆောင်ခဲ့သည့် ကင်ဆောင်ဂီသည် လက်နက်ခဲယမ်းလုပ်ငန်းဌာန၌ အကြီးတန်းရာထူးတစ်ခုသို့ ပြောင်းရွှေ့တာဝန်ပေးခံရသည့် ယခင်ကာကွယ်ရေးဝန်ကြီး နိုကွမ်ချိုလ် (No Kwang Chol) ၏ နေရာတွင် အစားထိုးတာဝန်ယူခြင်းဖြစ်သည်။
ထို့ပြင် အတွေ့အကြုံရင့် စစ်ဘက်မဟာဗျူဟာပညာရှင် ပတ်ဂျုံချွန် (Pak Jong Chon) ကိုလည်း အာဏာရ အလုပ်သမားပါတီ ဗဟိုစစ်ကော်မရှင်၏ ဒုတိယဥက္ကဋ္ဌအဖြစ် ပြန်လည်ခန့်အပ်ခဲ့ကြောင်း သိရသည်။
အဆိုပါ အဆင့်မြင့်စစ်ဘက်ရာထူး အပြောင်းအလဲများသည် ရုရှား-ယူကရိန်းစစ်ပွဲကာလအတွင်း ပြုံယမ်းနှင့် မော်စကိုတို့အကြား စစ်ရေးနှင့် မဟာဗျူဟာမြောက် ဆက်ဆံရေး ပိုမိုနီးကပ်လာနေချိန်တွင် ပေါ်ပေါက်လာခြင်းဖြစ်သည်။
ယင်းရာထူးအပြောင်းအလဲသည် မြောက်ကိုရီးယား၏ တိုက်ခိုက်ရေးလက်နက်စနစ်များ ဖွံ့ဖြိုးတိုးတက်ရေးတွင် ပါဝင်ခဲ့သည့် ကာကွယ်ရေးသိပ္ပံပညာရှင်များနှင့် နည်းပညာရှင်များကို ကင်မ်ဂျုံအန်က ဂုဏ်ပြုခဲ့သည့် အချိန်နှင့်လည်း တိုက်ဆိုင်နေသည်။
Ref: Yonhap News