ယခုနှစ် ဘောလုံးရာသီကို နှစ်ကျော့စနစ်ဖြင့် ကျင်းပသွားမည်ဖြစ်ပြီး တစ်ရာသီလုံးတွင် ပွဲစဉ်စုစုပေါင်း (၉၀) ပါဝင်မည် ဖြစ်ဖြစ်ကြောင်း ယနေ့တွင် မြန်မာနေရှင်နယ်လိဂ်ကော်မတီက အသိပေးထား သည်။
ပြိုင်ပွဲကာလကို ၂၀၂၆ ခုနှစ် ဇွန်လ (၁၅) ရက်နေ့မှ ၂၀၂၇ ခုနှစ် ဇန်နဝါရီလ (၃၀) ရက်နေ့အထိ (၈) လကြာ သတ်မှတ်ထားပြီး ကလပ်အသင်းသစ် (၂) သင်းဖြစ်သည့် ရတနာပုံအက်ဖ်စီနှင့် ဇွဲကပင်ယူနိုက်တက်အက်ဖ်စီတို့ အပါအဝင် စုစု ပေါင်း ကလပ်အသင်း (၁၀) သင်း ပါဝင်ယှဉ်ပြိုင်ကြမည်ဖြစ်သည်။
ပွဲစဉ် (၁) အဖွင့်ပွဲစဉ်များ ဆုံတွေ့မှုအဖြစ်
ရှမ်းယူနိုက်တက်အက်ဖ်စီ နှင့် ISPE FC ၊
Young Lionesses FC နှင့် မြဝတီအက်ဖ်စီ၊ရန်ကုန်ယူနိုက်တက်အက်ဖ်စီနှင့်ရတနာပုံအက်ဖ်စီ၊ ရန်ကုန်စီးတီးအက်ဖ်စီ နှင့် ဇွဲကပင်ယူနိုက်တက်အက်ဖ်စီ၊ ဧရာဝတီအက်ဖ်စီ(လက်ရှိချန်ပီယံ) နှင့် သစ္စာအားမာန်အက်ဖ်စီတို့ ထိပ်တိုက်တွေ့ဆုံကြမည်ဖြစ်သည်။
ထို့အပြင် ကလပ်အသင်းများ၏ အိမ်ကွင်းအခြေအနေများနှင့် ပတ်သက်၍
ရန်ကုန်ယူနိုက်တက်အက်ဖ်စီသည် Yangon United Sports Complex (Y.U.S.C) ကွင်း၌ အိမ်ကွင်းပွဲစဉ်များ လက်ခံကျင်းပသွားမည်။
အလားတူ ဧရာဝတီအက်ဖ်စီသည် ပုသိမ်မြို့ရှိ ကိုးသိန်းအားကစားကွင်း၌ ပထမအကျော့ (၂) ပွဲနှင့် ဒုတိယအကျော့ (၂) ပွဲကို အိမ်ကွင်းပွဲစဉ်များအဖြစ် လက်ခံကျင်းပသွားမည် ဖြစ်သည်။
အခြားကလပ်အသင်းများ အနေဖြင့်လည်း ၎င်းတို့၏ အိမ်ကွင်းပွဲစဉ်များ လက်ခံကျင်းပနိုင်ရေးအတွက် သက် ဆိုင်ရာတာဝန်ရှိသူများနှင့် ဆက်လက်ညှိနှိုင်းဆောင်ရွက်လျက်ရှိကြောင်း သိရသည်။
အဆိုပါ ပွဲစဉ်များအားလုံးကို Forever Group နှင့်ပူးပေါင်း၍ MRTV-4၊ Channel 7 နှင့် Readers Channel ၊ Pyone Play Sports နှင့် YouTubeတို့တွင် တိုက်ရိုက်ထုတ်လွှင့်ပြသသွားမည်ဖြစ်ကြောင်းသိရသည်။