မနီလာ၊ဒီဇင်ဘာ ၁၀
ဖိလစ်ပိုင်နိုင်ငံရှိ ကန်လွန်မီးတောင်ပေါက်ကွဲမှုကြောင့် လူပေါင်း ၈၇,၀၀၀ ခန့် ကိုအရေးပေါ် ရွှေ့ပြောင်းပေးခဲ့ရသည်ဟု ဖိလစ်ပိုင် ပြည်သူ့ကာကွယ်ရေးရုံးကပြောကြားခဲ့သည်။
နိုင်ငံအလယ်ပိုင်းရှိ အဆိုပါမီးတောင်သည် တနင်္လာနေ့မွန်းလွဲပိုင်းက ပေါက်ကွဲခဲ့ခြင်းဖြစ်ပြီး မီးတောင်အဝအထက် မီတာ ၃,၀၀၀ အထိ ပြာများထွက်ခဲ့ကြောင်း ဖိလစ်ပိုင်၏ မီးတောင်နှင့်ငလျင်ဗေဒသိပ္ပံကကြေငြာချက်ထုတ်ပြန်ခဲ့သည်။
တာဝန်ရှိသူများက မီးတောင်ပေါက်ကွဲမှုသတိပေးချက်ငါးဆင့် ရှိသည့် အနက် အဆင့် ၃ သို့ တိုးမြှင့်လိုက်ပြီး ယခုမီးတောင်ပေါက်ကွဲမှုအပြင် နောက်ထပ်ပေါက်ကွဲနိုင်သော မီးတောင်များလည်းတိုးလာနိုင်သည်ဟုသတိပေးကြသည်။
မီးတောင်အပေါက်ဝ၏ ၆ ကီလိုမီတာအကွာအဝေးအတွင်း နေထိုင်သူဒေသခံများကို ဘေးလွတ်ရာသို့ ရွှေ့ပြောင်းရန် အကြံပြုထားကြောင်းလည်းပြောကြားပြီး မီးတောင်က ယခုထက်ပိုလှုပ်ရှားမှုများရှိလာပါက နောက်ထပ် ဘေးလွတ်ရာသို့ပါ ရွှေ့ပြောင်းရန်ပြင်ဆင်ထားရမည်ဟုလည်းပြောကြားခဲ့သည်။
လူများကို ဘေးလွတ်ရာသို့ရွှေ့ပြောင်းရန်နှင့် လိုအပ်ပါက သတိပေးချက် အဆင့်လေးအထိ တိုးမြှင့်ရန် အာဏာပိုင်များကညွှန်ကြားထားပြီး အဆိုးဆုံး အခြေအနေအတွက်လည်း ကြိုတင်ပြင်ဆင်နေကြောင်း ဒေသတွင်းမီဒီယာများကဖော်ပြခဲ့သည်။
Source : ရှင်းဟွာ