ပြင်သစ်သမ္မတ၏ဗီယက်နမ်ခရီးစဉ်တွင် ဂြိုဟ်တုနှင့် နျူစွမ်းအင်အရေး အဆွေးနွေးမည်

ပြင်သစ်သမ္မတ အီမန်နျူဝယ်လ်မက်ခရွန်၏ လာမည့်သီတင်းပတ်၌ သွားရောက်မည့်ဗီယက်နမ်နိုင်ငံ ခရီးစဉ်တွင် ဗီယက်နမ်ခေါင်းဆောင်များနှင့် ဆွေးနွေးကြမည့် အကြောင်းအရာများတွင် အခြေခံအဆောက်အဦးနှင့် စွမ်းအင်ကဏ္ဍတို့ပါဝင်ရန် မျှော်လင့်ရသည်။ ၎င်း၏ ကိုလိုနီနိုင်ငံဟောင်းသို့ နိုင်ငံတော်ခရီးစဉ်အတွင်း သဘောတူညီချက်များကို ဒါဇင်နှင့်ချီ၍ လက်မှတ်ရေးထိုးဖွယ်ရှိသည်။

ဆယ်စုနှစ်တစ်ခုနီးပါးအတွင်း ပြင်သစ်သမ္မတတစ်ဦး၏ ပထမဆုံး ဗီယက်နမ်ခရီးစဉ်သည် ကြီးမားသော အရှေ့တောင်အာရှခရီးစဉ်၏ တစ်စိတ်တစ်ပိုင်းဖြစ်သည်။ မက်ခရွန်သည် မေ ၂၅ ရက်တွင် ဟနွိုင်သို့ ရောက်ရှိမည်ဖြစ်ကာ မေ ၂၇ ရက်တွင် အင်ဒိုနီးရှားသို့ ဆက်လက်ထွက်ခွာမည်ဖြစ်သည်။ ယင်းနောက် မေ ၃၀ ရက်တွင် စတင်မည့် အရှေ့တောင်အာရှ၏ ထိပ်တန်းကာကွယ်ရေးညီလာခံတစ်ခုဖြစ်သော နှစ်စဉ်ကျင်းပမြဲဖြစ်သည့် ရှန်ဂရီလာဆွေးနွေးပွဲသို့ တက်ရောက်မိန့်ခွန်းပြောခြင်းဖြင့် စင်ကာပူနိုင်ငံတွင် ခရီးစဉ် ကိုအဆုံးသတ်မည်ဖြစ်သည်။

ဒါဇင်နှင့်ချီသော သဘောတူညီချက်များအတွက် ပြင်ဆင်ထားကြောင်းနှင့် ခရီးစဉ်အတွင်း လက်မှတ်ရေးထိုးနိုင်ဖွယ်ရှိကြောင်း မက်ခရွန်၏ သမ္မတရုံးက ပြောကြားခဲ့သည်။ တနင်္လာနေ့ လက်မှတ်ရေးထိုးခြင်း အခမ်းအနား မတိုင်မီသဘောတူညီချက် ၃၀ ခန့်အတွက် ဆွေးနွေးလျက်ရှိသည်ဟု ဆွေးနွေးမှုနှင့် နီးစပ်သည့် အရာရှိတစ်ဦးက ပြောဆိုသည်။

မက်ခရွန်သည် မကြာသေးမီ ရက်သတ္တပတ်များအတွင်းက ဒေသတွင်းသို့ လာရောက်ခဲ့ကြသည့် တရုတ်၊ ဂျပန်နှင့် အခြားဥရောပနိုင်ငံများ၏ ခေါင်းဆောင်များကဲ့သို့ပင် ဒေသတွင်းကို လာရောက်ခဲ့သည့် ခေါင်းဆောင်တစ်ဦးဖြစ်ပြီး ကမ္ဘာလုံးဆိုင်ရာ ထောက်ပံ့ရေးကွင်းဆက်များနှင့် ကုန်သွယ်မှုဆိုင်ရာ မရေရာမှုများကြားတွင် အရှေ့တောင်အာရှ၏ မဟာဗျူဟာမြောက် အရေးပါမှု၏ လက္ခဏာတစ်ရပ်ဖြစ်သည်။

Ref: ဂလိုဘယ်လ် ဘန့်ကင်းအင်န် ဖိုင်နန့်စ် ရီဗျူး