ပါကစ္စတန်သည် သုံးရက်အတွင်း ဒုတိယအကြိမ်မြောက် ဒုံးကျည်စမ်းသပ်မှုကို တနင်္လာနေ့တွင် ပြုလုပ်ခဲ့ပြီး အိန္ဒိယက လုံခြုံရေးလေ့ကျင့်ပြင်ဆင်မှုများလုပ်ရန် ပြည်နယ်အများအပြားကို အမိန့်ပေးခဲ့သဖြင့် အေ-သအပျေ-ာက်များသော ကက်ရှ်မီးယားတိုက်ခိုက်မှုဖြစ်အပြီးတွင် အိမ်နီးချင်းနှစ်နိုင်ငံအကြား ထိပ်တိုက်တွေ့မှုဆီဦးတည်သွားနိုင်သည့် အခြေအနေအပေါ် စိုးရိမ်မှုများ မြင့်တက်လာခဲ့သည်။
ကက်ရှ်မီးယားတွင် ဧပြီလ ၂၂ ရက် နေ့က ဟိန္ဒူခရီးသွားများကို ပစ်မှတ်ထားကာ တို-က်ခို-က်မှုကြောင့်ကမ္ဘာလှည့် ခရီးသွား ၂၆ ဦးေ-သဆုံးခဲ့သည့် ဖြစ်ရပ်ပေါ်ပေါက်ပြီးနောက်ပိုင်း နျူကလီးယားလက်နက်ပိုင် နှစ်နိုင်ငံ၏ ဆက်ဆံရေးသည် ယိုယွင်းသွားခဲ့သည်။ အိန္ဒိယတွင် ဆယ်စုနှစ် (၂) ခုနီပါးအတွင်း အရပ်သားများအပေါ် အဆိုးဝါးဆုံးတိုက်ခိုက်မှုဖြစ်သည့် ယင်းတိုက်ခိုက်မှု၌ ပါကစ္စတန် ပါဝင်ပတ်သက်ကြောင်း အိန္ဒိယက စွပ်စွဲခဲ့သည်။ ပါကစ္စတန်က အဆိုပါ စွပ်စွဲချက်ကို ငြင်းဆိုခဲ့ပြီး နူးဒေလီသည် ၎င်းတို့ကို မကြာခင် စစ်ရေးအရတိုက်ခိုက်ရန် ရည်ရွယ်နေသည့် ထောက်လှမ်းရေးသတင်းများရထားသည်ဟု ပြောကြားခဲ့သည်။
နှစ်နိုင်ငံသည် ၎င်းတို့၏ ကုန်းမြေနယ်စပ်ဝင်ပေါက်များကို ပိတ်ခြင်း၊ ကုန်သွယ်မှု ရပ်ဆိုင်းခြင်း၊ လေကြောင်းလိုင်းများကို လေကြောင်းပိုင်နက်အသုံးပြုခွင့် အပြန်အလှန်ပိတ်ပင်ခြင်းများလုပ်ခဲ့ကြကာ လက်နက်ငယ်များဖြင့် အပြန်အလှန်ပစ်ခတ်မှုများလည်း ဖြစ်ပွားခဲ့သည်။
အရပ်ဖက်ဆိုင်ရာ ကြိုတင်ပြင်ဆင် လေ့ကျင့်မှုအနေဖြင့် မေလ ၇ ရက်လနေ့တွင် လုံခြုံရေးဆိုင်ရာ သဏ္ဍာန်တူလေ့ကျင့်ပြင်ဆင်မှုများလုပ်ဆောင်ရန် အိန္ဒိယပြည်ထဲရေးဝန်ကြီးဌာနက ပြည်နယ်အများအပြားကို ညွှန်ကြားခဲ့သည်ဟု အစိုးရသတင်းရင်းမြစ်တစ်ခုက တနင်္လာနေ့တွင် ရိုက်တာကို ပြောဆိုခဲ့သည်။
စစ်ရေးလေ့ကျင့်မှုများတွင် လေကြောင်းတို-က်ခို-က်မှု သတိပေးဥသြသံများ ထုတ်လွှင့်ခြင်း၊ နေရာရွှေ့ပြောင်းခြင်း အစီအစဉ်များနှင့် တိုက်ခိုက်မှုတစ်စုံတရာ ဖြစ်ပွားလာပါက တုန့်ပြန်ဆောင်ရွက်ရမည့် နည်းလမ်းများကို လေ့ကျင့်ပေးခြင်းတို့ ပါဝင်မည်ဖြစ်ကြောင်း အမည်မဖော်လိုသည့် အဆိုပါ သတင်းရင်းမြစ်က ပြောဆိုသည်။
ပါကစ္စတန်သည် အကွာအဝေး ၄၅၀ ကီလိုမီတာရောက် Abdali မြေပြင်မှ မြေပြင်ပစ်ပဲ့ထိန်းဒုံးကျည်ကို အောင်မြင်စွာ ပစ်လွှတ်ခဲ့အပြီး နှစ်ရက်အကြာတွင် အကွာအဝေး ၁၂၀ ကီလိုမီတာရောက် Fatah စီးရီး မြေပြင်မှ မြေပြင်ပစ် ဒုံးကျည်ကို စမ်းသပ်ပစ်လွှတ်ခဲ့သည်ဟု အစောပိုင်းတွင် ပါကစ္စတန်စစ်တပ်က ပြောကြားခဲ့သည်။
Ref: ဒီအိပ်ချ်