ဝါရှင်တန်၊ဒီဇင်ဘာ ၆
တောင်ကိုရီးယားသမ္မတက စစ်အုပ်ချုပ်ရေးပြဋ္ဌာန်းရန်ကြိုးပမ်းခဲ့ပြီးနောက် အမေရိကန်ကာကွယ်ရေးဝန်ကြီး လွိုက်အော်စတင်က တောင်ကိုရီးယားသို့သွားရောက်ရန် အစီအစဉ်မရှိတော့ကြောင်း အမေရိကန်အရာရှိနှစ်ဦးကပြောကြားခဲ့သည်။
အမည်မဖော်လိုသူအရာရှိတစ်ဦးကမူ မကြာမီကာလအတွင်း ခရီးသွားရန်စီစဉ်နေခြင်းဖြစ်သော်လည်း ယခုအချိန်သည် မသင့်လျော်သေးသဖြင့် ခရီးသွားအစီအစဥ် အပြောင်းအလဲနှင့်ပတ်သက်ပြီး တောင်ကိုရီးယားထံ တိုင်ပင်ထားသည်ဟုလည်းပြောကြားခဲ့သည်။
အမေရိကန်ကာကွယ်ရေးဝန်ကြီးလွိုက်အော်စတင်သည် ဇန်နဝါရီလ ၂၀ ရက်နေ့၌ သမ္မတဒေါ်နယ်ထရမ့်ပ်ရာထူးလက်ခံချိန်တွင် ရာထူးလွှဲပြောင်းပေးရမည်ဖြစ်သည်။
တောင်ကိုရီးယားသမ္မတက မြောက်ကိုရီးယားလိုလားသူများကိုအကြောင်းပြကာ နိုင်ငံတွင်း၌ စစ်အုပ်ချုပ်ရေးကြေငြာခဲ့သော်လည်း အပြင်းအထန်ဝိုင်းဝန်းကန့်ကွက်မှုများကြောင့် ပြန်လည်ရုပ်သိမ်းခဲ့ရကာ ကာကွယ်ရေးဝန်ကြီးလည်းရာထူးမှနှုတ်ထွက်ခဲ့သည်။
Source : ရိုက်တာ/အက်ဖ်အက်စ်