တိုင်းနှင့် ပြည်နယ်(၉)ခုမှ မြို့နယ်အချို့အား ရက်ပေါင်း(၉၀)အထိအတည်ဖြစ်သည့် အရေးပေါ်အခြေ အနေကြေညာခဲ့ကြောင်း နိုင်ငံတော်သမ္မတရုံးမှ ဥပဒေကဲ့သို့အာဏာတည်သောအမိန့်အမှတ် ၁ /၂၀၂၆ ဖြင့် ယနေ့ ဧပြီ ၂၃ ရက်က ထုတ်ပြန်ခဲ့သည်။
လက်နက်ကိုင်အကြမ်းဖက်သောင်းကျန်းမှုများ ချုပ် ငြိမ်းစေရန်နှင့် နယ်မြေဒေသတည်ငြိမ်အေးချမ်းရေး၊ တရားဥပဒေစိုးမိုးရေးတို့ကို ထိရောက်စွာဆောင်ရွက်နိုင်ရန်အတွက် ဖွဲ့စည်းပုံအခြေခံဥပဒေ ၂ဝဝ၈ ခုနှစ်၊ ပုဒ်မ ၄၁၂ (က)အရ အရေးပေါ်အခြေအနေကြေညာခဲ့ခြင်းဖြစ်သည်။
ကချင်ပြည်နယ်မှ မြို့နယ်(၅)မြို့နယ်၊ ကယားပြည်နယ်မှ မြို့နယ်(၃)မြို့နယ်၊ ကရင်ပြည်နယ်မှ မြို့နယ်(၂)မြို့ နယ်၊ ချင်းပြည်နယ်မှ မြို့နယ်(၇)မြို့နယ်၊ စစ်ကိုင်း တိုင်းမှ မြို့နယ်(၈)မြို့နယ်၊ မကွေးတိုင်းမှ မြို့နယ်(၅) မြို့နယ်၊ မန္တလေးတိုင်းမှ (၁)မြို့နယ်၊ ရခိုင်ပြည်နယ်မှ မြို့နယ်(၁၄)မြို့နယ်၊ ရှမ်းပြည်နယ်မှ မြို့နယ်(၁၅)မြို့ နယ်တို့အား ယနေ့ ဧပြီ ၂၃ ရက်မှစ၍ ရက်ပေါင်း(၉၀) အထိ အတည်ဖြစ်သော အရေးပေါ်အခြေအနေကြေညာခဲ့ခြင်းဖြစ်သည်။