Friday, July 4, 2025

စစ်ကိုင်းတိုင်းအထက်ပိုင်းနှင့် ပြည်နယ် ၃ ခုတို့တွင်...

စစ်ကိုင်းတိုင်းအထက်ပိုင်း၊ ကချင်ပြည်နယ်၊ ရခိုင်ပြည်နယ်၊ ရှမ်းပြည်နယ်မြောက်ပိုင်းနှင့် အရှေ့ပိုင်းတို့တွင် ဇူလိုင် ၃ ရက်မှ ဇူလိုင် ၅ရက်နေ့အတွင်း စံချိန်တင်မိုးရွာသွန်းနိုင်ကြောင်း မိုးလေဝသပညာရှင် ဦးဝင်းနိုင်က...

ငလျင်ဒဏ်သင့် လူကယ်ပြန်ဝန်ထမ်းများအတွက် ကျပ်သိန်း(၅၀၀)လှူဒါန်း

မြန်မာနိုင်ငံကြက်ခြေနီအသင်းမှ မန္တလေးငလျင်ကြီးဒဏ်သင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ငလျင်ဒဏ်သင့်ဝန် ထမ်းများအတွက် ကျပ်သိန်း(၅၀၀)ကို ဇူလိုင် ၃ ရက်က လှူဒါန်းခဲ့သည်။ အဆိုပါ ကျပ်သိန်း(၅၀၀)လှူဒါန်းမှုအား...

ဘားအံတွင် ခရီးသွားများပြားလာခြင်းနှင့်အတူ အမှိုက်ပြဿနာလည်း များလာ

ပြည်တွင်းခရီးသွားများအကြား မိုးရာသီ၌ ဘားအံမြို့ကို လည်ပတ်သူများလာကာ ဘားအံမြို့ရှိ တောင်များကို တက်ရောက်သူများလည်း များပြားလာသည်။ ထို့ကြောင့် ခရီးသွားများတက်ရောက်လေ့ရှိသည့် တောင်ဝိုင်းတောင်တွင် စနစ်တကျ စွန့်ပစ်ထားခြင်းမရှိသည့် စွန့်ပစ်အမှိုက်များကိုလည်း...

ငလျင်ဒဏ်ခံခဲ့ရသည့် ကျိုက်လတ်ချောင်စေတီနှင့် တိလောကဂုရု လှိုဏ်ဂူတော်တို့ကို...

ငလျင်ဒဏ်ခံခဲ့ရသည့် ပင်းယခေတ်နံရံပန်းချီရှိသည့် ကျိုက်လတ်ချောင် စေတီနှင့် ညောင်ရမ်းခေတ်နံရံပန်းချီများရှိရာ တိလောကဂုရု လှိုဏ်ဂူတော်တို့ကို ပြန်လည်ပြုပြင် ထိန်းသိမ်းပြီးစီးပြီး ဖြစ်ကြောင်း သိရသည်။ ထိုစေတီ နှစ်ဆူကို နှလုံးသားထဲကပုဂံအဖွဲ့က...
HomeNewsLocal Newsတပ်ကုန်းမြို့နယ်တွင် မိုးသည်းထန်စွာ ရွာသွန်းပြီး...

တပ်ကုန်းမြို့နယ်တွင် မိုးသည်းထန်စွာ ရွာသွန်းပြီး နဝင်းချောင်းရေ မြင့်တက်ကာ ချောင်းနဘေးရှိ ကျေးရွာအများအပြား ရေကြီးနစ်မြုပ်မှုနှင့် ရင်ဆိုင်နေရ

နေပြည်တော်၊ တပ်ကုန်းမြို့နယ်တွင် မိုးသည်းထန်စွာ ရွာသွန်းမှုကြောင့် နဝင်းချောင်းရေ မြင့်တက်ပြီး တောင်ကျ ချောင်းရေများလည်း ကျဆင်းလာရာ အနီးနားဝန်းကျင်ရှိ ကျေးရွာအများအပြား ရေကြီးနစ်မြုပ်မှုနှင့် ရင်ဆိုင်နေရပြီးအရေးပေါ် ကူညီကယ်ဆယ်ရေးလုပ်ဆောင်ပေးရန် လိုအပ်နေကြောင်း ဒေသခံများက အကူညီတောင်းခံနေကြသည်။

တပ်ကုန်းမြို့ပေါ် ရပ်ကွက်များ အပြင် နဝင်းချောင်းဘေးရှိ ရွေးစုရွာ၊ ရှောက်ကုန်းရွာ၊ လက်ပံကုန်းရွာ၊ ကင်းသာရွာ၊ မန်ကျည်းပင်ရွာ၊ ချောင်းခွရွာ၊ အပါအဝင် ကျေးရွာအများအ ပြား ရေကြီးနစ်မြုပ်မှုနှင့် ရင်ဆိုင်နေရခြင်းဖြစ်သည်။

“ရေကြီးနေပါပြီဗျာ။ အကုန်မြုပ်ကုန်ပါပြီ။ အိမ်ကနွားတွေဆိုလည်း အကုန်လွှတ်ပေးလိုက်ရတာ ဘယ်ရောက်ကုန်မှန်း မသိတော့ဘူး။ နဝင်းချောင်းရဲ့ နဘေးမှာရှိတဲ့ ရွာတွေအကုန် လုံးနီးပါး ရေကြီးနေတာ။အမြန်ဆုံးကူညီကယ်ဆယ်ပေးကြ ပါဦးခင်ဗျာ”ဟု တပ်ကုန်းမြို့နယ် ညောင်ကိုင်းအုပ်စု ရွေးစုကျေးရွာမှ ဒေသခံ တစ်ဦးက ပြောသည်။

နေပြည်တော် တပ်ကုန်းမြို့တွင် ရေကြီးမှု အဆိုးရွားဆုံး အခြေအနေနှင့် ရင်ဆိုင်နေရပြီး ရေမှာ ဆက်လက် မြင့်တက်လျက်ရှိရာ ဒေသခံများ နယ်မြေခံ ကယ်ဆယ်ရေးအဖွဲ့များလည်း ပိတ်မိနေကြကြောင်း သိရသည်။

“ပိတ်မိနေတဲ့ သူတွေရဲ့ အကူအညီတောင်းမှုတွေက အများကြီးပဲ။ အသက်အန္တရာယ်တွေ ဖြစ်နိုင်တဲ့ထိ ရေကြီးနေတာ နယ်မြေခံ ကယ်ဆယ်ရေးအဖွဲ့တွေပါ ပိတ်မိနေတာ။ အဆင်ပြေတဲ့အဖွဲ့တွေ အရေးပေါ်ကယ်ဆယ်ရေးတွေ ထွက်ပေးကြပါလားဗျာ”ဟု လူမှုကူညီရေး အဖွဲ့ဝင် တစ်ဦးက အကူညီတောင်းခံထားသည်ကို တွေ့ရသည်။

ထို့ပြင် ရမည်းသင်း၊ တပ်ကုန်း ဆည်ကျိုးသည်ဟု သတင်း ထွက်ပေါ်နေပြီး နေရာတော်တော်များ ရေမြုပ်နေကာ မြေပြိုကျပြီး ရန်ကုန် – မန္တလေး လမ်းဟောင်း နေရာတော်တော်များများ ရေမြုပ်နေရာ ကားလေးများ လမ်းဟောင်းမှ ခရီးမသွားသင့်ကြောင်း ဒေသခံ တစ်ဦးက ဆိုသည်။

ယင်းအပြင် တပ်ကုန်းမြို့၊ ဘုရင့်နောင်ရပ်ကွက်၊ စန္ဒိမာရာမ ပရိယတ္တိကျောင်းတိုက် အပါအဝင် အခြားဘုန်းတော်ကြီးကျောင်းများတွင်လည်း ရေကြီး၊ ရေလျှံမှုနှင့် ရင်ဆိုင်နေရကြောင်း သိရသည်။

“ကျောင်းထဲ ရေတွေနစ်မြုပ်နေပါတယ်။ ကျောင်းရှိ သံဃာတွေကတော့ ဆွမ်းခံသွားရင်း ပြန်မလာနိုင်တော့ပါဘူး။ ကျောင်းမှာ ကျန်နေခဲ့တဲ့ ဦးဇင်းကြီး တစ်ပါးရယ် ကျောင်းသား တစ်ယောက်ရယ် အပြင်လွတ်တဲ့ နေရာကို ထွက်သွားပါပြီ။ ကျောင်းကတော့ လောလောဆယ် အောက်ထပ်တွေ အကုန်မြုပ်သွားပါပြီ။ ရေက မျက်နှာကျက်ကို ခိုက်နေပါပြီ။ မနက် (၆) နာရီက စပြီး ကျောင်းဝန်းထဲကို ရေတွေဝင်လာတာ မိုးကအဆက်မပြတ်ရွာနေဆဲပဲ။ သောက်သုံးရေရဖို့အတွက် ရေခံထားရပါတယ်။ဆွမ်းစားကျောင်းလည်း မြုပ်သွားပါပြီ။ လောလောဆယ်တော့ ဘယ်မှာနေကြတယ်မသိပါဘူး။ အမိုးပေါ်ပဲ တက်နေကြမယ်နဲ့ တူပါတယ်”ဟု စန္ဒိမာရာမပရိယတ္တိကျောင်းတိုက်မှ ဦးဇင်း တစ်ပါးမှ မိန့်ကြားထားသည်။

ထို့အပြင် တပ်ကုန်းမြို့ရှိ ကုတင် (၁၀၀)နှင့် မကျည်းပင်ရွာတို့တွင် ရေနစ်မြုပ်နေ၍ ပိတ်မိနေသူများရှိနေရာ ကူညီကယ်ဆယ်ရေးလုပ်ဆောင်ရန် လှေလိုအပ်နေကြောင်းလည်း မိုးစေတနာပရဟိတအသင်း ပျဉ်းမနားရုံးနှင့် ကရုဏာရှင်လူမှုကူညီရေးအသင်းတို့က ဆိုထားသည်။

ထိုသို့ ရေကြီးနစ်မြုပ်မှု အဆိုရွားဆုံး ရင်ဆိုင်ကြုံတွေ့နေရသည့် တပ်ကုန်းမြို့ အနီးတဝိုက် ကျေးရွာများသို့ ကူညီကယ်ဆယ်ရေး လုပ်ဆောင်ရန် မန္တလေးမြို့မှ လူမှုကူညီက ယ်ဆယ်ရေးအဖွဲ့များမှလည်း သွားရောက်လျက်ရှိကြောင်း သိရသည်။

ဓာတ်ပုံ – အင်တာနက်

Ads Space Available

Boost your brand’s visibility with prime ad space on our website—reach your audience effectively and drive results! Call Us at: 09-420209071

Continue reading

စစ်ကိုင်းတိုင်းအထက်ပိုင်းနှင့် ပြည်နယ် ၃ ခုတို့တွင် စံချိန်တင် မိုးရွာသွန်းနိုင်

စစ်ကိုင်းတိုင်းအထက်ပိုင်း၊ ကချင်ပြည်နယ်၊ ရခိုင်ပြည်နယ်၊ ရှမ်းပြည်နယ်မြောက်ပိုင်းနှင့် အရှေ့ပိုင်းတို့တွင် ဇူလိုင် ၃ ရက်မှ ဇူလိုင် ၅ရက်နေ့အတွင်း စံချိန်တင်မိုးရွာသွန်းနိုင်ကြောင်း မိုးလေဝသပညာရှင် ဦးဝင်းနိုင်က ပြောကြားထားသည်။ စစ်ကိုင်းတိုင်းအထက်ပိုင်း ခန္တီးမြို့တွင် ၈.၁၅ လက်မ၊ ဟုမ္မလင်းမြို့တွင် ၃.၃၉ လက်မအထိ ရွာသွန်းမည်ဖြစ်ပြီး၊ ကချင်ပြည်နယ်၊ အင်ဂျန်းယန်မြို့တွင် ၇.၃၇ လက်မအထိ ရှိနိုင်ကြောင်း ဆိုသည်။ ရှမ်းပြည်နယ်မြောက်ပိုင်း/အရှေ့ပိုင်း မြို့များဖြစ်သည့် တာမိုးညဲတွင် ၃.၆၂ လက်မ၊ မိုင်းဖြတ်တွင် ၃.၄၈ လက်မနှင့် တာချီလိတ်မြို့တွင် ၂.၅ လက်မအထိ မိုးရေချိန်ရှိမည်ဖြစ်ကာ၊ ရခိုင်ပြည်နယ်...

ငလျင်ဒဏ်သင့် လူကယ်ပြန်ဝန်ထမ်းများအတွက် ကျပ်သိန်း(၅၀၀)လှူဒါန်း

မြန်မာနိုင်ငံကြက်ခြေနီအသင်းမှ မန္တလေးငလျင်ကြီးဒဏ်သင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ငလျင်ဒဏ်သင့်ဝန် ထမ်းများအတွက် ကျပ်သိန်း(၅၀၀)ကို ဇူလိုင် ၃ ရက်က လှူဒါန်းခဲ့သည်။ အဆိုပါ ကျပ်သိန်း(၅၀၀)လှူဒါန်းမှုအား လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီးဒေါက်တာစိုးဝင်းကလက်ခံရယူပြီး ကျေးဇူးတင်စကားပြောကြားကာ ဂုဏ်ပြုမှတ်တမ်းလွှာပြန်လည်ပေးအပ်ခဲ့သည်။

ဘားအံတွင် ခရီးသွားများပြားလာခြင်းနှင့်အတူ အမှိုက်ပြဿနာလည်း များလာ

ပြည်တွင်းခရီးသွားများအကြား မိုးရာသီ၌ ဘားအံမြို့ကို လည်ပတ်သူများလာကာ ဘားအံမြို့ရှိ တောင်များကို တက်ရောက်သူများလည်း များပြားလာသည်။ ထို့ကြောင့် ခရီးသွားများတက်ရောက်လေ့ရှိသည့် တောင်ဝိုင်းတောင်တွင် စနစ်တကျ စွန့်ပစ်ထားခြင်းမရှိသည့် စွန့်ပစ်အမှိုက်များကိုလည်း အများအပြားတွေ့မြင်လာရကြောင်း တောက်တက်သူအချင်းချင်းကပင် အသိပေးနေကြသည်။ “မြို့တစ်မြို့ကို အလည်သွားတော့မယ်ဆိုရင် အပျော်နဲ့သွားလည်ခြင်းမဟုတ်ပဲ ဒီမြို့ကိုချစ်မြတ်နိုးတဲ့ စိတ်ကြောင့် သွားလည်ခြင်း ဖြစ်စေချင်တယ်။ အမှိုက်များကို စနစ်တကျစွန့်ပစ်ပေးဖို့ မေတ္တာရပ်ခံအပ်ပါတယ်ဗျာ” ဟု ပြည်တွင်း တောင်တက်ခရီးသွားသူတစ်ဦးက တောင်ဝိုင်းတောင်ရှိ စွန့်ပစ်အမှိုက်များကို ပြသရင်း မေတ္တာရပ်ခံထားသည်။ ထိုနည်းတူ ဘားအံမြိူ့ရှိ ဇွဲကပင်တောင်၊ ကော့ကသောင်တောင်၊ မိဇံတောင်တို့တွင်လည်း ပလပ်စတစ်အမှိုက်များ များပြားနေသည်ဟု ကိုယ်တိုင်တက်ရောက်ခဲ့သူများက...

Ads Space Available

Boost your brand’s visibility with prime ad space on our website—reach your audience effectively and drive results! Call Us at: 09-420209071