တတိယအကြိမ် ရှမ်းပြည်နယ်လွှတ်တော် တတိယပုံမှန်အစည်းအဝေး(ပထမနေ့)ကို ယနေ့ ဩဂုတ် ၁၃ ရက်နံ နက် ၁၀ နာရီက တောင်ကြီးမြို့ရှိ ရှမ်းပြည်နယ်လွှတ် တော်အစည်းအဝေးခန်းမ၌ကျင်းပခဲ့ကြောင်း သိရသည်။
အစည်းအဝေးတွင် ပြည်နယ်လွှတ်တော်ဥက္ကဋ္ဌက နိုင်ငံ တော်သမ္မတ ဦးမင်းအောင်လှိုင်၏ အစိုးရရက်(၁၀၀)ပြည့် နိုင်ငံတော်အခြေပြမိန့်ခွန်းကို ရှမ်းပြည်နယ်လွှတ် တော်ကမှတ်တမ်းတင်သည်ဟုကြေညာခဲ့ကြောင်း သိရသည်။
ထို့နောက် လွိုင်လင်မြို့နယ် ပြည်နယ်လွှတ်တော်ကိုယ် စားလှယ်အမှတ်(၁)ဦးခွန်သက်နိုင်၊ မိုင်းရယ်မြို့နယ် ပြည်နယ်လွှတ်တော်ကိုယ်စားလှယ်အမှတ်(၂)ဒေါ်ခိုင်သန္တာထွေး၊ လောက်ကိုင်မြို့နယ်ပြည်နယ်လွှတ်တော်ကိုယ်စားလှယ်အမှတ်(၂)ဦးဟော်ထိုက်ဖူ(ခ)ဦးအောင်ကျော်ထွန်း၊ ကွတ်ခိုင်မြို့နယ်ပြည်နယ်လွှတ်တော်ကိုယ် စားလှယ်အမှတ်(၂)ဦးဌေးဝင်းလှိုင်တို့က ကြယ်ပွင့်ပြမေးခွန်းများမေးမြန်းခဲ့ကြကြောင်း သိရသည်။
ထို့ပြင် မိုင်းရယ်မြို့နယ်ပြည်နယ်လွှတ်တော်ကိုယ်စား လှယ်အမှတ်(၁)ဦးစိုင်းခမ်းကော်၊ ကွန်ဟိန်းမြို့နယ်ပြည်နယ်လွှတ်တော်ကိုယ်စားလှယ်အမှတ်(၁)ဦးဝင်းလှိုင်၊ မူဆယ်မြို့နယ် ပြည်နယ်လွှတ်တော်ကိုယ်စား လှယ်အမှတ်(၁)ဦးနော်တောင်၊ ကုန်းကြမ်းမြို့နယ် ပြည် နယ်လွှတ်တော်ကိုယ်စားလှယ်အမှတ်(၂)ဒေါ်မြမြဆွေ၊ ကလောမြို့နယ် ပြည်နယ်လွှတ်တော်ကိုယ်စားလှယ်အမှတ်(၂)ဦးခွန်ထွန်းငယ်၊ ကျောက်မဲမြို့နယ်ပြည်နယ် လွှတ်တော်ကိုယ်စားလှယ်အမှတ်(၁)ဦးမြင့်ဝင်း၊ နောင်ချို မြို့နယ်ပြည်နယ်လွှတ်တော်ကိုယ်စားလှယ်အမှတ် (၁)ဦးကျော်အောင်သန်းတို့ကလည်း ကြယ်ပွင့်ပြမေး ခွန်းများမေးမြန်းခဲ့ကြကြောင်း သိရသည်။
ထိုသို့ မေးမြန်းမှုများကို သက်ဆိုင်ရာပြည်နယ်အဆင့်အဖွဲ့အစည်းဝင်များကပြန်လည်ဖြေကြားခဲ့ကြကြောင်း သိရသည်။