နိုင်ငံတော်သမ္မတ ဦးမင်းအောင်လှိုင်မှ ယနေ့ ဧပြီ ၁၀ ရက်က နိုင်ငံတော်အဆင့်ပုဂ္ဂိုလ်များ၊ ပြည်ထောင်စုအ စိုးရအဖွဲ့ဝင်များ၊ တိုင်းဒေသကြီးအစိုးရ၊ ပြည်နယ်အ စိုးရများမှ ဝန်ကြီးချုပ်များ၊ ဒု-ဝန်ကြီးများအားတွေ့ဆုံ၍မိန့်ခွန်းပြောကြားရာ၌ ထည့်သွင်းပြောကြားခဲ့ခြင်းဖြစ်သည်။
” ကျွန်တော့်အနေနဲ့ တစ်နိုင်ငံလုံးအပစ်အခတ်ရပ်စဲရေး (NCA)လမ်းကြောင်းကို မဖြစ်မနေဆက်လက်အ ကောင်အထည်ဖော်သွားမှာပါ။ ကြုံတွေ့နေရတဲ့ သဘောထားကွဲလွဲမှုတွေ၊ ဆန္ဒနဲ့လိုလားချက်တွေ၊ ဖြစ်သင့်ဖြစ်ထိုက်တာတွေကို လက်နက်ကိုင်နည်းလမ်းနဲ့ ဖြေရှင်းနေကြတာဟာ လုံးဝမှားယွင်းနေတယ်ဆိုတာ သိရှိလက်ခံကြဖို့နဲ့ နိုင်ငံနဲ့ပြည်သူရဲ့အကျိုးကိုကြည့်ပြီး နိုင်ငံရဲ့အနာဂတ်အတွက် ဒီအမှားကိုအချိန်မီပြုပြင်ကြဖို့လိုအပ်ပါတယ်”ဟု နိုင်ငံတော်သမ္မတက ပြောသည်။
ထို့ကြောင့် ဖြစ်ချင်သည်များကို တောင်းဆိုနေမည့်အစား ဖြစ်သင့်သည်ကိုဘဲတောင်းဆိုပြီး ဖြစ်နိုင်သည်များကိုဆောင်ရွက်သွားရန်လိုကာ မိမိတို့ စည်းစည်းလုံးလုံး ညီညီညွတ်ညွတ်နှင့် ပြန်လည်တည်ဆောက်ပါက မကြာသည့်အချိန်တွင် တည်ငြိမ်အေးချမ်းမှုနှင့်အတူ မျှော် မှန်းထားသည့် နိုင်ငံသစ်ကိုရောက်မည်ဟု ပြောသည်။
ထို့အတူ တိုင်းရင်းသားလက်နက်ကိုင်အဖွဲ့များနှင့် အကြမ်းဖက်မှုကျူးလွန်နေကြသူများအနေဖြင့် အမှန်နှင့်အမှား၊ အကောင်းနှင့်အဆိုး၊ အကျိုးနှင့်အပြစ်ကို သေချာစွာစဉ်းစားသုံးသပ်ပြီး နိုင်ငံနှင့်ပြည်သူအကျိုးအ တွက် ပူးပေါင်းဆောင်ရွက်ပေးကြရန်လည်း နိုင်ငံတော်သမ္မတ ဦးမင်းအောင်လှိုင်က တိုက်တွန်းပြောကြားခဲ့သည်။