ငွေကြေးလိုအပ်ချက်ကြောင့် ရန်ကုန်တိုင်း၊ မှော်ဘီမြို့ရှိ စန္ဒကူးမြိုင်ရိပ်သာကျောင်းတိုက်ဆရာတော် ဥူးပ ညာဝံသ(ခ)ဒေါက်တာဖေဉာဏ်အားသတ်ဖြတ်၍ ဖုန်း (၂)လုံးနှင့် ငွေကျပ်(၅)သိန်းတို့ကိုယူဆောင်သွားသူ(၅) ဦးအား ဇူလိုင် ၁၁ ရက်ကသက်သေခံပစ္စည်းများနှင့်အ တူဖမ်းဆီးရမိခဲ့ကြောင်း သိရသည်။
မှော်ဘီမြို့၊ (၂)ရပ်ကွက်ရှိ စန္ဒကူးမြိုင်ရိပ်သာကျောင်း တိုက်တွင် သီတင်းသုံးနေတော်မူသည့် ဆရာတော်ဥူးပညာဝံသ(ခ)ဒေါက်တာဖေဉာဏ် သက်တော်(၇၅)နှစ်၊ ဝါတော်(၁၅)ဝါသည် ဇူလိုင် ၂ ရက်နေ့လယ်ပိုင်းက ကျောင်းတိုက်ရှိကျောင်းဆောင်အတွင်း၌ ဓားဒဏ်ရာများဖြင့်သတ်ဖြတ်ခံထားရပြီး ဆရာတော်၏ ဖုန်း(၂) လုံးမှာပျောက်ဆုံးလျက်ရှိကြောင်း သိရသည်။
ထို့ကြောင့် ပြစ်မှုကျူးလွန်သူများအားဖမ်းဆီးရမိရေးအတွင် မှော်ဘီမြို့မရဲစခန်းက (ပ)၃၂၂/၂၀၂၆၊ ရာဇ သတ်ကြီးပုဒ်မ ၃၀၂/ ၃၉၄ ဖြင့်အမှုရေးဖွင့်ကာ လုံခြုံ ရေးအဖွဲ့ဝင်များပါဝင်သည့် အထူးအမှုစစ်အဖွဲ့ ဖွဲ့စည်းပြီးစုံစမ်းစစ်ဆေးမှုများပြုလုပ်ခဲ့ကြကြောင်း သိရသည်။
ထို့ကြောင့် ဇူလိုင် ၁၁ ရက်တွင် ပြစ်မှုကျူးလွန်သူများဖြစ်သည့် သက်ပိုင်ထွန်း(ခ)ပိုင်လေး(၂၀)နှစ်၊ စိုးရာဇာ (ခ)စိုးဝင်းကျော်(၂၂)နှစ်၊ ဝေယံနိုင်(ခ)ဝေယံ(၁၉)နှစ်၊ တိုးဝင်းကျော်(ခ)တိုးဝေကျော်(ခ)ကုလား(၂၈)နှစ်၊ ဇူ လိုင် ၁၂ ရက်တွင် စိုးထက်(ခ)အေကေတီ(၁၉)နှစ်တို့အား ဖမ်းဆီးရမိခဲ့ကြောင်း သိရသည်။
စစ်ဆေးချက်များအရ ငွေကြေးအဆင်မပြေသဖြင့် စန္ဒ ကူးမြိုင်ရိပ်သာကျောင်းတိုက်ရှိ ကျောင်းဆောင်အတွင်း ဝင်ရောက်ခိုးယူရာ ဆရာတော်ကြီးမှ မြင်တွေ့သွား၍ အသင့်ပါလာသည့် အရိုး/အသွား(၁၈)လက်မခန့်ရှိ ဓား မြှောင်(၁)ချောင်း၊ ကျောင်းဆောင်အတွင်းမှတွေ့ရှိသည့် စတီးဓား(၁)ချောင်းတို့ဖြင့် ဆရာတော်ကြီးအားထိုးသတ်ပြီး ဖုန်း(၂)လုံးနှင့် ငွေကျပ်(၅)သိန်းတို့အား လု ယက်ယူဆောင်ခဲ့ကြသည်ကိုဖော်ထုတ်သိရှိခဲ့ရကြောင်း သိရသည်။
ထို့ကြောင့် ပြစ်မှုကျူးလွန်သူ(၅)ဦးအား ဥပဒေအရထိရောက်စွာအရေးယူနိုင်ရန် သက်ဆိုင်ရာ တာဝန်ရှိသူ များက ဆက်လက်ဆောင်ရွက်လျက်ရှိကြောင်း သိရသည်။