(၁)
ကြိုး- ချည်တုပ်ရန် သွယ်တန်းရန်သုံး သော ရှည်လျားသောအရာ။
ကြိုးကိုင်- ခြယ်လှယ်နှင့်အတူတူ
ကြိုးဝင်- သေဒဏ်သင့်သူကို ကြိုး ပေး၍သတ်ရန်စင်။
ကြိုးဆွဲ- လည်ပင်းကို ကြိုးကွင်းစွပ်၍ သေကြောင်းကြံစည်သည်။
ကြိုးပေး- ကြိုးဒဏ်ကျခံစေသည်။
ကြိုးမိန့်- ကြိုးဒဏ်ခံစေဟု ချမှတ် သောအမိန့်။
ကြိုးဝိုင်း- လက်ဝှေ့စင်ပတ်လည်တွင် ထားသောကြိုး။
ခရီးဆောင်မြန်မာ အဘိဓာန် စာ-(၃၂)
(၂)
သံယောဇဉ်- မိမိကိန်းရာသတ္တဝါတို့ ကို သံသရာဝဋ်ဆင်းရဲမှ မလွတ်ရ အောင် ကြိုးဖြင့်ချည်နှောင်သကဲ့သို့ ချည်နှောင်တတ်သောအရာ။
အဘိဓမ္မာ(တတိယအဆင့်) မှတ်စု စာ-၅
(၃)
ကြိုးဆိုသော စကားလုံးသည် သူစကားလုံးတစ်လုံးတည်းနှင့်ပင် အနုပညာဆန်နေပေသည်။ “မင်းငါ့ ကို ကြိုးနဲ့မတုပ်နဲ့…သံယောဇဉ် ကြိုးက ခိုင်မြဲလှတယ်ကွာ” အစရှိတဲ့ စကားတို့ကို ကြည့်ခြင်းအားဖြင့် ကြိုးစကားလုံးရဲ့ အသုံးဝင်တာသွား မှုကို ကြည့်နိုင်ပေ၏။ ကျွန်တော့်အမျိုးသမီး၏ ဖခင် ကျွန်တော့်ယောက္ခမသည် ကျွန်တော် ၏ အိမ်၌ပင် ကွယ်လွန်ခဲ့ပါသည်။ မကွယ်လွန်ခင်လူနာအဖြစ်နဲ့ ရောဂါ ကို သုံးလလောက်ခံခဲ့ရပါ၏။ သူ့ရဲ့ ကွယ်လွန်ခါနီးဒုက္ခတွေကို မြင်တွေ့ ရပြီး ကဗျာတစ်ပုဒ်ရေးဖြစ်ခဲ့ပါသည်။
ဖြတ်မရတဲ့ကြိုး
မီးစာဘယ်လိုကုန်သွားမှာလဲ
ဆီဘယ်လိုခန်းသွားမှာလဲ
အသက်ငွေ့ငွေ့မှာ
ဘယ်အရာကို
စွဲစွဲလမ်းလမ်း
တမ်းတနေရဦးမှာလဲ
မသိနိုင်တော့ပြီ။
ကွယ်လွန်ခါနီးလူတစ်ယောက် ရဲ့ စိတ်အခြေအနေဟာ ဘယ်လိုရှိနေပါသလဲ။ အခုဘဝကို တွယ်တာပြီး သူ့ရဲ့သံယောဇဉ်ကြိုးတွေကို ဖြတ်ဖို့ ခက်နေသလား။ ဒါမှမဟုတ် ဥာဏ်ရည်အသင့်အတင့်ရှိပြီး နောင်ဘဝအတွက် ဘဝကူးကောင်းဖို့ သူ့စိတ် အခြေအနေကို ဗုဒ္ဓတရားတော်နဲ့ ထုံ မွှမ်းထားလေမလား။ ဘာကိုမှ သတိမရဘဲ သူရဲ့စိတ်ဟာ အတွေးတွေနဲ့ အတူ လွင့်မြောသွားလေမလား။ သူသတိရှိနေစဉ် သတိနဲ့ ဆောင်ရွက်ခဲ့ တဲ့ ပညာတွေကသာလျှင် သူ့ဘဝကို လမ်းညွှန်ပေလိမ့်မည်။
ဗုဒ္ဓမြတ်စွာဘုရားက ပမာဒတရား(မေ့ပျောက်ခြင်း၊သတိကင်း ချွတ်ခြင်း)သည် သေခြင်းကို ပို့ ဆောင်ပေးသောတရား(လမ်း)ဖြစ် ကြောင်း။ မမေ့လျော့ခြင်း အပမာဒ ပညာသတိရှိခြင်းသည် သေခြင်းကင်း သော အမတနိဗ္ဗာန်သို့ ပို့ဆောင် သော တရား(လမ်း)ဟုဟောတော် မူလေသည်။ ဤပဋိစ္စသမုပ္ပါဒ်ကွင်း ဆက်ကို ကျွန်ုပ်တို့မှာ ဖြတ်တောက် နိုင်သော လွတ်လပ်ခွင့်ရှိပါသည်။ ပဋိစ္စသမုပ္ပါဒ်စက်ရဟတ်မှ လွတ် မြောက်အောင်လုပ်နိုင်သော လွတ် လပ်စွာ ဖန်တီးခွင့် ကျွန်ုပ်တို့မှာ ရှိပါ သည်။ ထိုသို့ လုပ်ရန်မှာ ခဏတိုင်း ခဏတိုင်း၌ ဖြစ်ပေါ်လာသော ခံ စားချက်ဝေဒနာနားကို တပ်မက်ခြင်း တဏှာအဖြစ်သို့ ပြောင်းမသွား အောင် တန်ခိုးသတ္တိကြီးမားသော သတိဖြင့် စောင့်ကြည့်ပြီး ရှုပစ်ခြင်း ပင်ဖြစ်ပါသည်။
(ဂိုးစတိန်း-ကိုယ်တွေ့ဝိပဿနာ စာ-၁၉၆)
တစ်နည်းဆိုရသော် ဝေဒနာ များကို သတိဖြင့်ရှုခြင်းသည် သံသ ရာကြိုးကို ပြတ်တောက်စေခြင်းလည်း ဖြစ်သည်ဟု ထင်ပါသည်။ အသိတရားမည်သို့ပင်ဖြစ်စေ လူထုသည် ကိုယ့်ကိုယ်ကိုယ် ကြိုးဖြင့် တုပ်၏။ သူများကို ကြိုးဖြင့်ချည်၏။ သံသရာမှာ အာမခံရန်အတွက် ကြိုး များဖြင့် ချည်နှောင်၏။ အာဠာဝက ဘီလူးကြီးပင်လျှင် နောင်ဘဝများ အတွက် ဘုရားသခင်ကို ” နောင်ဘဝ အရေးစိတ်အေးဖို့ ဘာတွေလိုပါသလဲ။ ဘယ်လိုတရားကျင့်မှ နောင် ဘဝအရေး စိတ်အေးရပါမလဲ” လို့ မေးမြန်းခဲ့ပါတယ်။ မြတ်စွာဘုရားက အကြောင်းအရာလေးခု ဖြေကြားခဲ့ပါတယ်။ အမှန်တရားရှိဖို့လိုသည်။ အသိပညာရှိရမည်။ လုံ့လဝီရိယရှိရမည်။ စွန့်ကြဲပေးကမ်းမှုရှိရမည်လို့ ဖြစ်ပါတယ်။
မြန်မာစကားပုံ၌လည်း ကြိုးချင်းထားကြိုးချင်းငြိဟူ၍ ရှိ၏။ ဆင်ချည်သော ကြိုးဖြင့် ဆိတ်ကိုချည်က ဆိတ်မခံနိုင်ဟူ၍လည်းရှိ၏။ မိတ် ဆွေသူငယ်ချင်းအချင်းချင်းသော် လည်းကောင်း၊ လင်မယားအချင်းချင်း သော်လည်းကောင်း ချည်နှောင်ရာ၌ ချည်နှောင်သောကြိုးများ လိုက်ဘက် ညီညွတ်ဖို့လိုပေသည်။ မညီညွတ်ပါ က ကြိုးသည် ပုံကျ၍သော်လည်း ကောင်း၊ ဖြတ်တောက်၍သော်လည်း ကောင်း၊ ဆွေးမြည့်၍သော်လည်း ကောင်း အကြောင်းကြောင်းတို့ ကြောင့် တစ်ဦးနှင့်တစ်ဦးချည်နှောင် ၍ရမည် မဟုတ်ပေ။ ကျွန်တော်တို့ အိမ်ထောင်ရေး တည်တံ့ရန် တိုးတက်ရန် အောင် မြင်ရန်အတွက် ကြိုးစားရုန်းခဲ့ရ ပေသည်။ တစ်ဦးအကြိုက်တစ်ဦး ကြိုးစားနေထိုင်ခဲ့ပေမယ့် အမြဲတမ်း အဆင်ပြေနေသည်တော့ မဟုတ်ပေ။ တစ်ဦးနဲ့တစ်ဦးကြိုးစားပြီး ကြိုးနဲ့ တုပ်ဖို့ ကြံစည်ခဲ့ကြပေမယ့်ချည် နှောင်ရင်းနဲ့ ပြတ်သွားတတ်ရဲ့။ တစ်ခါတလေ မချည်နှောင်ခင်ပင် ပြတ်သွားတတ်ရဲ့။ ကြိုးဆိုသော ကဗျာတစ်ပုဒ်ရေးဖြစ်ခဲ့ပါတယ်။
ကြိုး
ဘယ်ကြိုးတွေနဲ့ ငါတို့ ထပ်မံ ချည်ကြမလဲ။ ရော့တိရော့ရဲ ကြိုး တွေကနေ ငါတို့ လွတ်မြောက်သွား လေမလား။ ဘာမှကြိုးစားအားထုတ် မှုမရှိဘဲနဲ့။ ဒါမှမဟုတ် ကြိုးစားအား ထုတ်မှုအနည်းအကျဉ်းနဲ့ ခက်တယ်။ဘယ်ဟာက ဘာကြောင့်လို့ သေသေ ချာချာရှင်းပြလို့မှ မရတာ။ မင်းက လည်း မင်းမာနနဲ့ ငါကလည်း ငါ့မာ နနဲ့။ အိပ်ရာဝင်ပုံပြင်တွင် အကျည်း တန်နေခဲ့တာကြာပါပကော။ စိတ် လွတ်ကိုယ်လွတ်ဖြစ်တဲ့ အခုချိန်မှာ ပင် ဒေါသတွေဘာလို့ ဝင်နေရ တာလဲ။ မင်းမျက်နှာကြည့်လိုက်တော့ လည်း တစ်စုံတစ်ရာ မှားယွင်းနေ တာသိရဲ့။ စိတ်နဲ့ကိုယ်နဲ့ဟာ တစ် ထပ်တည်း ကျနိုင်ကြပါဦးမလား။ တောင်တန်းတွေကိုတော့ ကျော်ဖြတ် နိုင်ပါရဲ့။ အမှားမှားအယွင်းယွင်း ငါတို့ စိတ်တွေလေးလံအောင် ဘယ်အရာဟာ ဖမ်းစားထားပါသ လဲ။ မနက်ဖြန်မနက် အိပ်ရာထမှာ ကြည်ကြည်လင်လင် သန့်သန့်စင်စင် ရှိပါဦးမလား။ နောက်ဆုံးချည်နှောင် မလို့ ကြိုးစားလိုက်တဲ့ ကြိုးဟာ မချည်ခင်ပင် အပိုင်းပိုင်းအစစပြတ် တောက်လို့…။
မောင်ကြည်သာ(တောင်တွင်း)