၂၀၂၆ ခုနှစ်အတွက် ပြည်ပမှ မော်တော်ယာဉ်တင်သွင်းခြင်းတွင် ထုတ်လုပ်သည့်ခုနှစ် သတ်မှတ်ချက်များ ထုတ်ပြန်လိုက်ပြီး လက်ရှိဆောင်ရွက်နေသည့် မူဝါဒများမပြောင်းလဲဘဲဆက်လက် ကျင့် သုံးလျက်ရှိကြောင်း ဒီဇင်ဘာလ ၃၁ ရက် ရက်စွဲပါ အမိန့်ကြော်ငြာစာအမှတ်(၁၂၀/၂ဝ၂၅)ဖြင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသည်။
၂၀၂၆ ခုနှစ်အတွက် ပြည်ပမှ မော်တော်ယာဉ် တင်သွင်းခြင်းရာတွင် ထုတ်လုပ်သည့် ခုနှစ်သတ်မှတ်ချက်အရ လူစီးမော်တော်ယာဉ်များအတွက် ၂၀၂၅ ခုနှစ်မှ ၂၀၂၆ ခုနှစ်အထိ၊ လုပ်ငန်းသုံးယာဉ်များ (ကုန်တင်ယာဉ်/ ခရီးသည်တင်ယာဉ်) အတွက် ၂၀၂၂ ခုနှစ်မှ ၂ဝ၂၆ ခုနှစ်အထိ (ကုန်တင်ယာဉ်/ ခရီးသည်တင်ယာဉ်)၊ မီးသတ်ယာဉ်/ လူနာတင်ယာဉ်များအတွက် ၂ဝ၁၇ ခုနှစ်မှ ၂ဝ၂၆ ခုနှစ်အထိ၊ ယန္တရားများအတွက် ၂၀၁၇ ခုနှစ်မှ ၂ဝ၂၆ ခုနှစ်အထိ သတ်မှတ်ထားသည်။
သို့သော် လူစီးမော်တော်ယာဉ်၊ လုပ်ငန်းသုံးယာဉ်များ၊ မီးသတ်ယာဉ်/ လူနာတင်ယာဉ်များ တင်သွင်းရာတွင် လက်ဝဲ စတီယာရင် မော်တော်ယာဉ်များကိုသာ တင်သွင်းခွင့်ပြုမည်ဖြစ်သည်။
အများပြည်သူသုံးလမ်းများပေါ်တွင် မောင်းနှင်အသုံးပြုခြင်းမရှိသည့် ပူးတွဲပါ လုပ်ငန်း ယန္တရားများအား လွန်ခဲ့သော (၁၅) နှစ်အတွင်း ထုတ်လုပ်သည့်ယာဉ် ( ၂၀၁၂ ခုနှစ်နှင့်အထက် ထုတ်လုပ်သောယာဉ်) များအဖြစ် တင်သွင်းခွင့်ပြုမည်ဖြစ်ကြောင်း သိရသည်။
ယခု အမိန့်ကြော်ငြာစာထုတ်ပြန်ချက်သည် လုပ်ထုံးလုပ်နည်းအရ ပြက္ခဒိန်နှစ် နှစ်စဉ်တင်သွင်းခွင့်ပြုသည့် မော်တော်ယာဉ်ထုတ်လုပ်ခုနှစ် သတ်မှတ်ချက်အား ပုံမှန်ထုတ်ပြန်ခြင်းဖြစ်သည်ဟုဆိုသည်။