ဘရုဆဲလ်၊ နိုဝင်ဘာ ၇
အီးယူ၏ ကိုပာနီကပ် ရာသီဥတုပြောင်းလဲမှုဌာန Copernicus Climate Change Service (C3S) က ကြာသပတေးနေ့တွင် ထုတ်ပြန်သည့် အချက်အလက်များအရ ယခုနှစ်သည် အပူဆုံး ၃ နှစ်တွင်ပါဝင် စံချိန်တင်ရန် သေချာပြီး ၂၀၂၅ ခုနှစ် အောက်တိုဘာလသည် ကမ္ဘာပေါ်တွင် တတိယအပူဆုံး အောက်တိုဘာလဖြစ်သည်။
အောက်တိုဘာလတွင် ကမ္ဘာ့မျက်နှာပြင်လေထု၏ ပျမ်းမျှအပူချိန်သည် ၁၅.၁၄ ဒီဂရီ ဆဲလ်ဆီးယပ်စ်၊ ၁၉၉၁-၂၀၂၀ ပျမ်းမျှအထက် ဝ.၇၀ ဒီဂရီနှင့် စက်မှုခေတ်ကြို အဆင့် (၁၈၅၀-၁၉၀၀) အထက် ၁.၅၅ ဒီဂရီဖြစ်သည်။ ၎င်းသည် ၂၀၂၃ ခုနှစ် အောက်တိုဘာလထက် ဝ.၁၆ ဒီဂရီ ပိုအေးခဲ့ပြီး ၂၀၂၄ ခုနှစ် အောက်တိုဘာလထက် ဝ.၁၁ ဒီဂရီ ပိုအေးခဲ့သည်ဟု အချက်အလက်များက ဖော်ပြသည်။
၂၀၂၄ ခုနှစ် နိုဝင်ဘာလ မှ ၂၀၂၅ ခုနှစ် အောက်တိုဘာလအထိ ၁၂ လ ပျမ်းမျှသည် စက်မှုခေတ်ကြို အဆင့်များထက် ၁.၅၀ ဒီဂရီရှိပြီး အလွန်နွေးထွေးမှုကို ဆက်လက်ဖြစ်ပေါ်စေပါသည်။
မှတ်တမ်းများကိုစတင်စဉ်ကတည်းက ၂၀၂၅ သည် ဒုတိယအပူဆုံးနှစ် သို့မဟုတ် တတိယအပူဆုံးနှစ်အဖြစ် ကုန်ဆုံးရန်သေချာလုနီးပါးဖြစ်ကာ ၂၀၂၃ နှင့် အဆင့်တူဖြစ်နေပြီး ၂၀၂၄ နောက်ပိုင်းတွင် စံချိန်တင်အပူဆုံးနှစ်ဖြစ်ကြောင်း C3S ကပြောကြားခဲ့သည်။
“၂၀၂၅ သည် အပူဆုံးနှစ်မဟုတ်သော်လည်း ထိပ်တန်း ၃ နှစ်တွင်ပါဝင်ရန်သေချာလုနီးပါးဖြစ်သည်။ ပြီးခဲ့သည့်သုံးနှစ်အတွင်းထူးခြားသောအပူချိန်များကိုကြုံတွေ့ခဲ့ရပြီး ၂၀၂၃-၂၀၂၅ အတွက်ပျမ်းမျှ အပူချိန်သည် ၁.၅ ဒီဂရီဆဲလ်စီးယပ်စ်ထက်ကျော်လွန်နိုင်သည်၊ သုံးနှစ်တာကာလအတွင်းပထမဆုံးအကြိမ်ဖြစ်သည်” ဟု C3S မှရာသီဥတုဆိုင်ရာ အကြီးအကဲ စမန်သာ ဘာဂါ့စ် ကပြောကြားခဲ့သည်။
အောက်တိုဘာလ၏ ကမ္ဘာ့ပင်လယ်ရေမျက်နှာပြင် အပူချိန်သည် ပျမ်းမျှ ၂၀.၅၄ ဒီဂရီစင်တီဆဲလ်စီးယပ်စ်မှ မြောက်လတ္တီကျု ၆၀ ဒီဂရီမှ တောင်လတ္တီကျု ၆၀ ဒီဂရီအထိ စံချိန်တင် အမြင့်ဆုံးဖြစ်ပြီး စံချိန်တင် တတိယအမြင့်ဆုံးဖြစ်သည်။
မြောက်ပစိဖိတ်ဒေသ၌ အလွန်ပူနွေးမှုသောမှတ်တမ်းရှိပြီး အလယ်ပိုင်းနှင့် အရှေ့ဘက် အီကွေတာပစိဖိတ်ဒေသတွင် အေးမြသောအခြေအနေများ ပေါ်လာပြီး အားနည်းသော လာနီညာ အခြေအနေများဆီသို့ ကူးပြောင်းသွားကြောင်း C3S အရ သိရသည်။
အာတိတ်ဒေသတွင် ပင်လယ်ရေခဲပမာဏသည် ပျမ်းမျှအောက် ၁၂ ရာခိုင်နှုန်းရှိပြီး အောက်တိုဘာလအတွက် အဋ္ဌမအနိမ့်ဆုံးအဆင့်တွင် ရပ်တည်နေပြီး အန္တာတိကပင်လယ်ရေခဲပြင်သည် ၎င်း၏အောက်တိုဘာလတွင် တတိယအနိမ့်ဆုံးဖြစ်ပြီး၊ ပျမ်းမျှအောက် ၆ ရာခိုင်နှုန်းရှိကြောင်း အချက်အလက်များက ဖော်ပြသည်။
Ref: ရှင်းဟွာ