စင်ကာပူ၊ မေ ၂၉
စင်ကာပူသမ္မတ ဟာလီမာ ယာကော့ဗ် သည် ယခုနှစ်အတွင်း ကျင်းပသွားမည့် ရွေးကောက်ပွဲ၌ ဒုတိယမြောက် သမ္မတ သက်တမ်းအတွက် ထပ်မံ ဝင်ရောက်ယှဉ်ပြိုင် သွားမည် မဟုတ်ကြောင်း မေလ ၂၉ ရက် တနင်္လာနေ့တွင် ကြေညာလိုက်သည်။
“မ ဝေးတော့တဲ့ လအနည်းငယ်အတွင်းမှာ သမ္မတရွေးကောက်ပွဲ ကျင်းပပါတော့မယ်။ ဒါကြောင့် သေချာ စဉ်းစားခဲ့ပြီးတဲ့နောက် နောက်တစ်ကြိမ် ဝင်ရောက်အရွေးမခံဖို့ ဆုံးဖြတ်လိုက်ပါတယ်။ လွန်ခဲ့တဲ့ ၆ နှစ်လုံးလုံး စင်ကာပူရဲ့ ၈ ကြိမ်မြောက်သမ္မတ အနေနဲ တာဝန်ထမ်းဆောင်ခွင့်ရတာကို အလွန်ပဲ ဂုဏ်ယူဝမ်းမြောက်မိပါတယ်” ဟု ဟာလီမာက ထုတ်ပြန်ချက်တွင် ပြောခဲ့သည်။
ဟာလီမာသည် နိုင်ငံရေးလောကထဲသို့ ၂၀၀၁ ခုနှစ်တွင် လွှတ်တော်အမတ်အနေဖြင့် စတင် ဝင်ရောက်လာခဲ့ပြီး ၂၀၁၇ ခုနှစ် စက်တင်ဘာလ ၁၄ ရက်တွင်မူ သမ္မတရာထူးကို ဆက်ခံနိုင်ခဲ့သည်။ သူသည် စင်္ကာပူ၏ ပထမဆုံး အမျိုးသမီး လွှတ်တော်ဥက္ကဌနှင့် ပထမဆုံး အမျိုးသမီး သမ္မတ ဖြစ်လာသူ ဖြစ်ခဲ့သည်။
စင်ကာပူ၏ ၂၀၂၃ ခုနှစ် သမ္မတရွေးကောက်ပွဲသည် ၂၀၁၇ ခုနှစ်ကဲ့သို့ မလေးရှားအသိုင်းအဝိုင်းမှ အဖွဲ့ဝင်များသာ မဟုတ်ဘဲ လူမျိုးပေါင်းစုံ ပါဝင်ယှဉ်ပြိုင်ခွင့်ရရှိမည်ဟု သိရသည်။ ၂၀၁၇ ခုနှစ်၌ ထိုသို့ ကန့်သတ်ခဲ့ရခြင်းမှာ ယာကော့ဘ် မတိုင်ခင် ရှေ့သမ္မတ ငါးဆက်စလုံးတွင် မလေးရှားလူမျိုး ကိုယ်စားလှယ်လောင်းထဲမှ တစ်ဦးမျှ မရရှိခဲ့ခြင်းကြောင့် ဖြစ်သည်။
Source: CNA