ကိုရီးယားနိုင်ငံဆိုင်ရာ မြန်မာသံအမတ်ကြီးဦးသန့်စင်က ကိုရီးယားနိုင်ငံသို့ EPS စနစ်ဖြင့် အ လုပ်သမားများစေလွှတ်သည့် နိုင်ငံများမှသံအ မတ်ကြီးများနှင့်ကျင်းပသည့် EPS Meeting ၌အ မှာစကားပြောကြားစဥ် ထည့်သွင်းပြောကြားခဲ့ခြင်းဖြစ်သည်။
EPS Meeting အား ဒီဇင်ဘာ ၂၂ ရက်က ကိုရီးယားနိုင်ငံ၊ဆိုးလ်မြို့၌ ကိုရီးယားနိုင်ငံ၊အလုပ်အ ကိုင်နှင့်အလုပ်သမားဝန်ကြီးဌာန ဝန်ကြီး Mr. Lee Jung-Sik နှင့်ကိုရီးယားနိုင်ငံသို့ EPS စနစ်ဖြင့်အ လုပ်သမားများစေလွှတ်သည့် ၁၆ နိုင်ငံမှသံအ မတ်ကြီးများဖြင့် ကျင်းပခဲ့ခြင်းဖြစ်သည်။
မြန်မာနိုင်ငံ၏ EPS စနစ်အကောင်အထည်ဖော်မှုနှင့် ၂၀၂၃ ခုနှစ်တွင် မြန်မာအလုပ်သမားဦးရေ တိုးမြှင့်စေလွှတ်နိုင်မည့်ကိစ္စများ၊ မြန်မာနိုင်ငံအ နေဖြင့် EPS လုပ်သားများစေလွှတ်ရာတွင် ကိုရီးယားနိုင်ငံနှင့်ပူးပေါင်းဆောင်ရွက်လျက်ရှိသည့် အခြေအနေများကို မြန်မာသံအမတ်ကြီးဦးသန့်စင်က ဆွေးနွေးပြောကြားခဲ့သည်။
အစည်းအဝေး၌ EPS ဆိုင်ရာမူဝါဒညွှန်ကြားချက်များနှင့်ပတ်သက်၍ အပြန်အလှန်နားလည်မှုမြှင့်တင်ရေး၊ EPS လုပ်သားများစေလွှတ်သည့်နိုင်ငံများနှင့်အနာဂတ်တွင် ပူးပေါင်းဆောင်ရွက်မည့်အစီအစဉ်များ၊ 2030 Busan World Expo လက်ခံကျင်းပနိုင်ရန် ဆောင်ရွက်လျက်ရှိသည်တို့အား ဆွေးနွေးခဲ့ကြသည်။
ကိုရီးယားနိုင်ငံမှ ၂၀၂၃ ခုနှစ်တွင် လုပ်သားဦးရေ ၁၁၀၀၀၀ ဦးခေါ်ယူသွားမည်ဖြစ်ကာ ကိုရီးယားနိုင်ငံ အလုပ်အကိုင်နှင့်အလုပ်သမားဝန်ကြီးဌာနအနေဖြင့် EPS အလုပ်သမားများစေလွှတ်သည့်နိုင်ငံများမှ အလုပ်သမားများ၏တရားမဝင်နေ ထိုင်မှုများအား လေ့လာစောင့်ကြည့်လျက်ရှိသည်ဟု ကိုရီးယားနိုင်ငံ အလုပ်အကိုင်နှင့်အလုပ်သ မားဝန်ကြီးဌာန ဝန်ကြီးကပြောကြားခဲ့သည်။
ထိုသို့ တရားမဝင်နေထိုင်မှုများသည် EPS လုပ် သားများစေလွှတ်သည့် နိုင်ငံများ၏လုပ်သားစေ လွှတ်သည့် ဦးရေခွဲတမ်းရရှိမှုကို ထိခိုက်မှုရှိစေ သည်ဟုလည်း ပြောကြားခဲ့သည်။
