၁၆ ကြိမ်မြောက် အာဆီယံကာကွယ်ရေးဝန်ကြီးများအစည်းအဝေး၌ ကမ္ဘောဒီးယားနိုင်ငံနှင့်စင်ကာပူနိုင်ငံတို့မှအဆိုပြုတင်သွင်းသည့် စာတမ်းများအားသဘောတူအတည်ပြုခဲ့
နစက အဖွဲ့ဝင်ကာကွယ်ရေးဝန်ကြီးဌာန၊ပြည် ထောင်စုဝန်ကြီးဗိုလ်ချုပ်ကြီးမြထွန်းဦး တက်ရောက်ခဲ့သည့် ၁၆ ကြိမ်မြောက်အာဆီယံကာကွယ်ရေးဝန်ကြီးများအစည်းအဝေးတွင် ကမ္ဘောဒီးယားနိုင်ငံနှင့်စင်ကာပူနိုင်ငံတို့မှ အဆိုပြုတင်သွင်းသည့် စာတမ်းများအား အာဆီယံကာကွယ်ရေးဝန်ကြီးများက သဘောတူအတည်ပြုခဲ့ကြသည်။
အဆိုပါ ၁၆ ကြိမ်မြောက်အာဆီယံကာကွယ်ရေးဝန်ကြီးများအစည်းအဝေးအား ကမ္ဘောဒီးယားနိုင်ငံမှဦးစီးကျင်းပခဲ့ခြင်းဖြစ်ကာ အာဆီယံအဖွဲ့ဝင်နိုင်ငံများမှ ကာကွယ်ရေးဝန်ကြီးများ၊ကာ ကွယ်ရေးဆိုင်ရာအဆင့်မြင့်အရာရှိကြီးများနှင့် အာဆီယံဒု-အတွင်းရေးမှူးချုပ် တို့တက်ရောက်ခဲ့ကြသည်။
အစည်းအဝေးတွင် ကမ္ဘောဒီးယားနိုင်ငံမှအဆိုပြုတင်သွင်းသည့် နယ်စပ်ဖြတ်ကျော်ကမ္ဘာ့ကပ်ရော ဂါထိန်းချုပ်ရေးတွင် အာဆီယံကာကွယ်ရေးတပ် ဖွဲ့များပူးပေါင်းဆောင်ရွက်ရေးမြှင့်တင်မှုဆိုင်ရာ သဘောထားအမြင်စာတမ်း၊အာဆီယံငြိမ်းချမ်းရေးထိန်းသိမ်းမှုဆိုင်ရာအမျိုးသမီးတပ်ဖွဲ့ဝင်များအတွက် ကူညီထောက်ပံ့ရေးလုပ်ငန်းစဉ် မြှင့်တင်ခြင်းဆိုင်ရာ သဘောထားအမြင်စာတမ်းနှင့်အာဆီယံကာကွယ်ရေးဆိုင်ရာပညာရေးကျောင်း များ၏ ပူးပေါင်းဆောင်ရွက်မှုထူထောင်ခြင်းဆိုင်ရာသဘောထားအမြင်စာတမ်းတို့အား သဘောတူအတည်ပြုခဲ့ကြသည်။
အလားတူ စင်ကာပူနိုင်ငံမှအဆိုပြုတင်သွင်းသည့် အာဆီယံကာကွယ်ရေးဝန်ကြီးများ အစည်းအဝေးအောက်ရှိ ဆိုက်ဘာလုံခြုံရေးနှင့် သတင်းအချက်အလက် ဗဟိုဌာနဆိုင်ရာရည်ညွှန်းကိုးကားစာစောင်များကိုလည်း သဘောတူအတည်ပြုခဲ့ကြသည်။
ကမ္ဘောဒီးယားနိုင်ငံမှအဆိုပြုတင်သွင်းသည့် အရှေ့တောင်အာရှပင်လယ်ရေကြောင်း တရားဥပဒေစိုးမိုရေးနှင့်အာဆီယံအပေါင်း ကာ ကွယ်ရေးဝန်ကြီးများ၏ ပင်လယ်ရေကြောင်း လုံ ခြုံရေးနယ်ပယ်တို့ကြား သတင်းအချက်အလက်မျှဝေမှုမြှင့်တင်ရေးဆိုင်ရာဆွေးနွေးမှုစာတမ်းနှင့် ရေရှည်တည်တံ့သည့် ငြိမ်းချမ်းရေးတိုးမြှင့်ရန် စစ်သမိုင်းပုံဖော်ဆောင်ရွက်မှုပြုခြင်းဆွေးနွေးမှုစာတမ်းကိုလည်း အသိအမှတ်ပြုခဲ့ကြသည်။
ကမ္ဘောဒီးယားနိုင်ငံမှအဆိုပြုတင်သွင်းသည့် ကိုဗစ်(၁၉)ရောဂါမှ ပြန်လည်ထူထောင်ရေးကို အထောက်အကူပြုသည့် ကာကွယ်ရေးကဏ္ဍ ၏ အခန်းကဏ္ဍဆိုင်ရာ ဖနွမ်းပင်အမြင်အား အတည်ပြုခဲ့ကြသည်။
ဟန်ချက်ညီလုံခြုံရေးအတွက် ပေါင်းစည်းညီညွတ်မှုခိုင်မာစေမည့် ကာကွယ်ရေးပူးပေါင်းဆောင်ရွက်မှုဆိုင်ရာ အာဆီယံကာကွယ်ရေးဝန်ကြီးများ၏ ပူးတွဲထုတ်ပြန် ကြေညာချက်အား အတည်ပြုထုတ်ပြန်ခဲ့ကြကြောင်း သိရသည်။
ဆက်စပ်အစည်းအဝေးများအဖြစ် တရုတ်နိုင်ငံ၊ကာကွယ်ရေးဝန်ကြီး ဗိုလ်ချုပ်ကြီးဝေဖုန်းဟေ၊ဂျပန်နိုင်ငံကာကွယ်ရေးဝန်ကြီးကီရှိနိုဘူ၊အာဆီယံအဖွဲ့ဝင်နိုင်ငံများမှကာကွယ်ရေးဝန်ကြီးများနှင့်အာဆီယံအတွင်းရေးမှူးချုပ်တို့တက်ရောက်ခဲ့ကြသည့် အာဆီယံ-ဂျပန် ကာကွယ်ရေးဝန်ကြီးများ အလွတ်သဘောအစည်းအဝေး၊အာဆီယံ-တရုတ် ကာကွယ်ရေးဝန်ကြီးများအလွတ်သဘော ရုပ်သံအစည်းအဝေးတို့အား ကျင်းပခဲ့ကြသည်။
၁၆ ကြိမ်မြောက် အာဆီယံကာကွယ်ရေးဝန်ကြီးများအစည်းအဝေး၌ ဗိုလ်ချုပ်ကြီးမြထွန်းဦးမှ မြန်မာနိုင်ငံနှင့်တပ်မတော်၏ သဘောထားရပ် တည်မှုနှင့်အကောင်အထည်ဖော်နေမှုများ၊အာဆီယံဒေသတွင်းကာကွယ်ရေးဆိုင်ရာလုပ်ငန်းဖော်ဆောင်မှုများ၊ရှေ့ဆက်လုပ်ဆောင်မည့်ကိစ္စများတွင် မြန်မာနိုင်ငံ၏ဆောင်ရွက်နေမှုနှင့်ရပ်တည်မှုများအား ဆွေးနွေးခဲ့သည်။
ဒေသတွင်းကာကွယ်ရေးနှင့်လုံခြုံရေးဆိုင်ရာအမြင်များ ပူးပေါင်းဖလှယ်ခွင့်နှင့်ဆွေး နွေးခွင့်များအားရရှိစေကာ အခြားအာဆီယံနိုင်ငံများနှင့်ချစ်ကြည်ရင်းနှီးမှုများ တိုးမြှင့်ဖော်ဆောင်နိုင်ခြင်းတို့ကိုလည်း ပြုလုပ်နိုင်ခဲ့ကြောင်း သိရသည်။
