အင်အားပြင်း ငလျင်ကြီးကြောင့် ဧရာဝတီတံတား (ရတနာပုံ) ၏ အစိတ်အပိုင်းအချို့ ထိခိုက်ပျ-က်ဆီးမှုများရှိခဲ့ရာ တံတားကြီး ကြံ့ခိုင်မှုနှင့် တံတားကြီး၏ ပျ-က်ဆီးမှုများကို ပြင်ဆင်နိုင်ရေးအတွက် စီစဥ်ဆောင်ရွက်လျက်ရှိကြောင်း သိရသည်။
ဧရာဝတီတံတား (ရတနာပုံ) သည် ဧရာဝတီမြစ်ကိုဖြတ်၍ စစ်ကိုင်းတိုင်းဒေသကြီးနှင့် မန္တလေးတိုင်းဒေသကြီးကို ဆက်သွယ်ထားသော (၅၆၁၄) ပေရှည်လျားသည့် တံတားကြီးဖြစ်သည်။
ဧရာဝတီတံတား (ရတနာပုံ) သည် သံမဏိသံပေါင်ဂုံးတံတားဖြစ်ကာ RC Beam and Slab ချဥ်းကပ်တံတားဖြစ်ပြီး တံ တားအရှည် ၁၇၁၁ မီတာ (၅၆၁၄ ပေ) ၊ ပင်မတံတား အရှည် ၁၁၂၅.၈မီတာ ( ၃၆၉၄ ပေ) ၊ မန္တလေးဘက် ချဥ်းကပ်လမ်း ၃၄၇မီတာ (၁၁၄၀ ပေ) နှင့် စစ်ကိုင်းဘက်ချဥ်းကပ်လမ်း ၂၃၇.၅မီတာ ( ၇၈၀ ပေ) ရှည်သည်။
ယာဥ်သွားလမ်းအကျယ်သည် (၄၉) ပေကျယ်သည့် လေးလမ်းသွားဖြစ်ပြီး ရေမျက်ပြင်အထက် (၁၂.၂) မီတာ (ပေ ၄၀) မြင့်ပြီး ရေလမ်းကင်းလွတ်နယ်သည် (၂၁၃) မီတာ ပေ (၇၀၀) ကျယ်သည်။
ယာဥ်တစ်စီးခွင့်ပြုတန်သည် တန် (၆၀) ဖြစ်ပြီး China CA MC Engineering Co:Ltd (Chiness National Standard) ကုမ္မဏီကဆောက်လုပ်ခဲ့ပြီး ၂၀၀၁ ခုနှစ် အောက်တိုဘာလ (၃၀) ရက်တွင် စီမံကိန်းလုပ်ငန်းစတင်ခဲ့ပြီး ၂၀၀၈ ခုနှစ် ဖေဖော်ဝါရီလ (၂၉) ရက်တွင် စီမံကိန်းလုပ်ငန်းများ ပြီးဆုံးခဲ့သည်။