ယနေ့ အာရှအမျိုးသမီးချန်ပီယံလိဂ်အုပ်စုဒုတိယအဆင့်ပွဲစဉ်၌ ISPE နှင့် တိုကျိုဗာဒီအမျိုးသမီးအသင်းတို့ ယှဉ်ပြိုင်ကစားရာ ဦးဆောင်ဂိုးတစ်လုံးတည်းဖြင့် တိုကျိုဗာဒီအမျိုးသမီးအသင်းက အနိုင် ရလဒ်ထွက်ပေါ်ခဲ့သည်။
အဆိုပါ သွင်းဂိုးကို ပထမပိုင်းပွဲချိန်အတွင်းမှာပင် တိုကျိုဗာဒီအမျိုးသမီးအသင်းက သွင်းယူခဲ့ခြင်းဖြစ်ကာ၊ ဒုတိယပိုင်း ပွဲချိန်အတွင်း ပြိုင်ဖက်နှစ်သင်းအနေဖြင့် နောက်ထပ်သွင်းဂိုး ၊ ချေပဂိုးများ မသွင်းယူနိုင်ဘဲ ပွဲပြီးဆုံးခဲ့သည်။
ISPE အသင်း၏ အုပ်စုအဖွင့် ပွဲစဉ်ဖြစ်သည့် ကိုရီးယားကလပ် ဆူဝမ်နှင့်ပွဲစဥ်၌ ပရိသတ်အင်အား ခုနှစ်ထောင်ကျော် လာရောက်အားပေးခဲ့ကြောင်း MFF က သတင်းထုတ်ပြန်ထားပြီး ယနေ့ပွဲစဉ်တွင်လည်း ကွင်းအတွင်း လာရောက်ကြည့်ရှုသူပရိတ်သတ် ထောင်နှင့်ချီ သည်ကို တွေ့မြင်ရသည်။
အာရှအမျိုးသမီးချန်ပီယံလိဂ်ဘောလုံးပြိုင်ပွဲရဲ့အုပ်စုအဖွင့်ပွဲစဉ်အတွင်းမှာပင် မြန်မာအမျိုးသမီးအသင်း(ISPE)သည် တောင်ကိုရီးယားအမျိုးသမီးအသင်း (Suwon FC)အသင်းကို (၅)ဂိုးပြတ်ဖြင့် ရှုံးနိမ့်ခဲ့သည်။
လာမည့် နိုဝင်ဘာ (၁၅)ရက် ည (၇)နာရီအချိန်တွင် မြောက်ကိုးရီးယားကလပ် Naegohyang အသင်းဖြင့် ထပ်မံယှဉ် ပြိုင်သွားကြရမည်ဖြစ်သည်။