အမျိုးသားကာကွယ်ရေးနှင့်လုံခြုံရေးကောင်စီရုံးမှ အွန်လိုင်းလိမ်လည်မှုနှင့် အွန်လိုင်းလောင်းကစားမှုကျူးလွန်မှုများကို မြန်မာနိုင်ငံအတွင်း လုံးဝအခြေမပြုနိုင်ရန်၊ ပြည်တွင်းအင်အားစုများအပြင် ပြည်ပနိုင်ငံအစိုးရများနှင့် ပေါင်းစပ်ညှိနှိုင်းဆောင်ရွက်နိုင်ရန်တို့အတွက် အွန်လိုင်းလိမ်လည်မှုနှင့် အွန်လိုင်းလောင်းကစားမှုများတို-က်ဖျ-က်ရေးကြီးကြပ်မှုဗဟိုကော်မတီကိုဖွဲ့စည်းခဲ့ကြောင်း သိရသည်။
အဆိုပါ အွန်လိုင်းလိမ်လည်မှုနှင့် အွန်လိုင်းလောင်းက စားမှုများတို-က်ဖျ-က်ရေးကြီးကြပ်မှုဗဟိုကော်မတီကို အမျိုးသားကာကွယ်ရေးနှင့်လုံခြုံရေးကောင်စီရုံးမှ အ မိန့်အမှတ် ၅၂ /၂၀၂၅ ဖြင့် ယနေ့ ဒီဇင်ဘာ ၁၀ ရက်ကအသိပေးထုတ်ပြန်ခဲ့ကြောင်း သိရသည်။
ကော်မတီအား ပြည်ထဲရေးဝန်ကြီးဌာန ပြည်ထောင်စုဝန်ကြီးမှ ဥက္ကဋ္ဌအဖြစ်တာဝန်ယူ၍ နိုင်ငံခြားရေးဝန်ကြီးဌာန ပြည်ထောင်စုဝန်ကြီးမှ ဒု-ဥက္ကဋ္ဌ(၁)၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ပြည် ထောင်စုဝန်ကြီးမှ ဒု-ဥက္ကဋ္ဌ(၂)တို့အဖြစ် တာဝန်ယူသွားမည်ဖြစ်ကြောင်း သိရသည်။
အဖွဲ့ဝင်များအဖြစ် နေပြည်တော်ကောင်စီအပါအဝင် တိုင်းနှင့်ပြည်နယ် ဝန်ကြီးချုပ်များ၊ ၊ မြန်မာနိုင်ငံတော် ဗဟိုဘဏ်ဥက္ကဌ ၊ သက်ဆိုင်ရာတိုင်းစစ်ဌာနချုပ် တိုင်းမှူး၊ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး၊ကာကွယ်ရေးဝန်ကြီးဌာန ဒုတိယဝန်ကြီး၊နယ်စပ်ရေးရာဝန်ကြီးဌာန ဒုတိယဝန်ကြီး၊ဥပဒေရေးရာဝန်ကြီးဌာန ဒုတိယဝန်ကြီးနှင့် ဒုတိယရှေ့နေချုပ်၊ ပြန်ကြားရေးဝန်ကြီးဌာန ဒုတိယဝန်ကြီး၊ လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ဒုတိယဝန်ကြီး၊ ဒုတိယတပ်မတော်စစ်ဘက်ရေးရာ လုံခြုံရေးအရာရှိချုပ် ၊ပြည်ထဲရေးဝန်ကြီးဌာန ဒုတိယဝန်ကြီး၊မြန်မာနိုင်ငံရဲတပ်ဖွဲ့ ရဲချုပ်၊ ဒုတိယရဲချုပ်(၂) တို့ ဖြင့် ဖွဲ့စည်းထားကြောင်း သိရသည်။
ကော်မတီသည် အွန်လိုင်းလိမ်လည်မှုနှင့် အွန်လိုင်းလောင်းကစားမှုများ အမြစ်ပြတ်တိုက်ဖျက်ရေးအတွက် မူဝါဒများချမှတ်ခြင်း၊ အွန်လိုင်းလိမ်လည်မှုနှင့် အွန်လိုင်းလောင်းကစားမှုများတိုက်ဖျက်ရေးအတွက် လိုအပ်သည့် ကော်မတီများဖွဲ့စည်းခြင်းနှင့် လုပ်ငန်းတာဝန်များသတ်မှတ်ပေးခြင်းတို့ကိုဆောင်ရွက်ရမည်ဖြစ်ကြောင်း သိရသည်။
ထို့ပြင် အွန်လိုင်းလိမ်လည်မှုနှင့် အွန်လိုင်းလောင်းက စားမှုများတိုက်ဖျက်ရေးဆိုင်ရာ လုပ်ထုံးလုပ်နည်း (SOP)များရေးဆွဲချမှတ်ခြင်း၊ အွန်လိုင်းလိမ်လည်မှုနှင့် အွန်လိုင်းလောင်းကစားလုပ်ငန်းများ၌ တရားမဝင် ရောက်ရှိလုပ်ကိုင်နေသော နိုင်ငံခြားသားများနှင့်ပတ် သက်၍ ပြန်လည်လွှဲပြောင်းပေးရန် သက်ဆိုင်ရာနိုင်ငံများနှင့်ညှိနှိုင်းဆောင်ရွက်ခြင်း၊ အွန်လိုင်းလိမ်လည်မှုနှင့် အွန်လိုင်းလောင်းကစားမှုများတိုက်ဖျက်ရေးအ တွက် နိုင်ငံတကာနှင့်ပူးပေါင်းဆောင်ရွက်ခြင်းတို့ကိုလည်းဆောင်ရွက်ရမည်ဖြစ်ကြောင်း သိရသည်။