ထိုင်းနိုင်ငံ အထူးစုံစမ်းစစ်ဆေးရေးဌာန(ဒီအက်စ်အိုင်) သည် နိုင်ငံတစ်ဝန်းရှိ အွန်လိုင်းအလိမ်အညာလုပ်ငန်းများနှင့် ဆက်စပ်သော အဓိကအမှုကြီးအားလုံးကို စုံစမ်းစစ်ဆေးရန်အတွက် အထူးကော်မတီတစ်ရပ် ဖွဲ့စည်းမည်ဖြစ်ကြောင်း တရားရေးဝန်ကြီး ရဲ ဒုတိယဗိုလ်ချုပ်ကြီး ရုထာပွန် နာအိုဝရတ်က ပြောသည်။
ပြည်ထဲရေးဝန်ကြီးလည်းဖြစ်သော ဝန်ကြီးချုပ် အနူတင် ချန်ဗီရာကူလ် ဦးဆောင်သည့် နည်းပညာ ရာဇဝတ်မှု တားဆီးနှိမ်နင်းရေးကော်မတီ၏ မကြာသေးမီက အစည်းအဝေးအပြီးတွင် ၎င်း ကြေညာချက်ထွက်လာခြင်းဖြစ်သည်။ တရားရေးဝန်ကြီးဌာနသည် အွန်လိုင်းရာဇဝတ်မှုများနှင့် ငွေလိမ်ဂိုဏ်းများကို တို-က်ဖျ-က်ရေး လုပ်ငန်းစဉ်များတွင် ဦးဆောင်သွားမည်ဖြစ်ကြောင်း ၎င်းက ပြောကြားခဲ့သည်။ ငွေကြေးခဝါချမှု တို-က်ဖျ-က်ရေးရုံးနှင့် ထိုင်းဘဏ်တို့သည် ကော်မတီနှင့် ပူးပေါင်းဆောင်ရွက်သွားမည်ဖြစ်သည်။
ကော်မတီသည် ထိုင်းနိုင်ငံရေးသမားအချို့နှင့် ငွေလိမ်လုပ်ငန်းများ ချိတ်ဆက်ပတ်သက်မှုရှိနေသည်ဆိုသော စွပ်စွဲချက်များနှင့် အမေရိကန်ပြည်ထောင်စုက အမည်ပျ-က်စာရင်းသွင်းထားသော တရုတ်-ကမ္ဘောဒီးယား စီးပွားရေးလုပ်ငန်းရှင် Chen Zhi ဦးဆောင်သည့် Prince Group လုပ်ငန်းစုနှင့် Prince International ကုမ္ပဏီလီမိတက်တို့အကြား ဆက်ဆံရေးဆိုင်ရာ စွပ်စွဲချက်များကို စုံစမ်းစစ်ဆေးသွားမည်ဖြစ်ကြောင်း ရဲဒုတိယဗိုလ်ချုပ်ကြီး ရတ်ထာပွန်က ဆက်လက် ပြောကြားခဲ့သည်။
လက်ရှိတွင် ထိုင်းနိုင်ငံရေးသမားများကို အမည်ကိုထုတ်ဖော်ပြောကြားခြင်း မရှိသေးသော်လည်း ပတ်သက်ဆက်နွယ်ကြောင်း စစ်ဆေးတွေ့ရှိသူ မည်သူမဆိုသည် ရာထူးအဆင့်အတန်းမရွေး တရားဥပဒေအရ အရေးယူခံရမည်ဖြစ်ကြောင်း ဝန်ကြီးက ပြောကြားခဲ့သည်။
Ref: ဘန်ကောက်ပို့စ်