အုပ်စုအဖွင့်လှခဲ့သည့် မြန်မာ့လက်ရွေးစင်အမျိုးသမီးအသင်းသည် အုပ်စုဒုတိ ယပွဲစဉ်အဖြစ် မလေးရှားအမျိုးသမီးအသင်းဖြင့် ဒီဇင်ဘာ (၈)ရက်(မနက်ဖြန်) ယှဉ်ပြိုင်ကစားသွားကြမည်ဖြစ်သည်။
ယင်းအတွက် မြန်မာအသင်းသည် ယနေ့ ဒီဇင်ဘာ (၇)ရက် ညနေပိုင်း၌ လေ့ကျင့်မှုများပြုလုပ်နေပြီဖြစ်သည်။
အဆိုပါ ပွဲစဉ်အား ကြည့်ရှု့မည့် ပရိသတ်များအဆင်ပြေစေရန်အတွက် မြန်မာနိုင်ငံ ဘောလုံးအဖွဲ့ချုပ်သည် ထိုင်းနိုင်ငံ ဘောလုံးအဖွဲ့ချုပ်နှင့် ဆက်သွယ်ပူးပေါင်း၍ ဝင်ပေါက် Gate 12 တွင် QR ကုဒ်ပါသောမှတ်ပုံတင်ထားပြီးသူများ ဝင်ရောက်ရမည်ဖြစ်ကြောင်း အသိပေးထားသည်။
ထို့ပြင် ဝင်ပေါက် Gate 13 တွင် QR Code မရှိသော ပရိသတ်များ Walk in ဝင်ရောက်ရမည်ဖြစ်ကာ (Passports Soft Copy/ Physical Copy ယူဆောင်ခဲ့ပါရန်)နှင့် ပရိသတ်အားပေးမှု များလာပါက ဝင်ပေါက် Gate 14 အား ထပ်မံဖွင့်လှစ်ပြီး ပေးဝင်သွားမည် ဖြစ်သည်ဟု အသိပေးထားသည်။
ကွင်းအတွင်း အယ်ကိုလ်ဟောပါသည့် သောက်ရေဗူးများ၊ သံဗူးများ၊ DSLR ကင်မရာများ၊ ဝီဆီများ၊ လေဆာအ ချက်ပြ ကိရိယာများ၊ ပေါက်ကွဲစေတတ်သည့် အရာများ၊ မီးတောက်များ၊ မီးခိုးထုတ်ကိရိယာများ၊ မီးရှူးများ၊ ဆေးလိပ်များ Selfie တုတ်တံများ၊ လက်နက်များ၊ သေ နတ်များ၊ဓားများ သို့မဟုတ် ချွန်ထက် သော ပစ္စည်းများ၊အရွယ်အစားကြီးသော ကျောပိုးအိတ်များ သို့မဟုတ် ခရီးဆောင်သုံး အိတ်များ၊ ဒရွန်းများ သို့မဟုတ် လေ ကြောင်းအသုံးပြု ဗီဒီယို/ဓါတ်ပုံရိုက် ကိ ရိယာများယူဆောင်ခွင့်မပြုကြောင်း အ သိပေးထုတ်ပြန်ထားသည်။
ထို့ပြင် မြန်မာ့ဘောလုံးပရိသတ်များ အနေဖြင့် စည်းကမ်းရှိစွာ အားပေးခြင်း၊ ညီညွတ်စွာအချင်းချင်း ကူညီရိုင်းပင်းခြင်းဖြင့် အားပေးကြပါရန် တိုက်တွန်း နိုးဆော်ထားသည်။
ပုံစာ-ယနေ့ မလေးရှားအသင်းဖြင့် မယှဉ်ပြိုင်မီ လေ့ကျင့်နေသည့် မြန်မာ့လက်ရွေးစင်အမျိုးသမီးအသင်း